潮打冷

＂打冷潮，潮中有潮。。。＂呢句歌詞假如你扭開收音機，幾乎每５至１０分鐘聽到一次！佢係美心 MX 打冷餐的廣告歌，每日都聽到，潛移默化，lunch 時腦海響起，去廁所響起，放工又響起，冇錯，咁樣進入人體潛意識呢個方法係好得嘅，抗拒不了，於是。。。

今晚我就去食呢個餐！

呢個餐有好幾款潮式食物選擇，我最後揀了鹵水鵝＋墨魚，配粥＋中國茶（茉梨烏龍），胡椒豬肚湯，盛惠 $59（我用卷，減 $3＝$56）

鹵水鵝：好林，半肥瘦，數量足夠送晒成個粥！
墨魚：又係好林，唔駛點趙都食到，點埋個潮式酸汁，好味！
粥：不過不失！
中國茶（茉莉烏龍）：佢係茉莉烏龍茶，good！
胡椒豬肚湯：成碗湯我一舊豬肚，有Ｄ＂狎＂。酸菜有Ｄ辣，總括個湯，可能要辟狎味，所以放左好多胡椒，所以都幾辣口！
其他：配料之中仲有幾舊鹵水豆腐托底，味道唔錯。

終於叫做試左呢個＂洗腦＂餐，份量都ＯＫ，不過五十幾蚊真係貴左Ｄ！