Get A Life: 12月 2017

2017年12月22日星期五

好睇唔好食....大家樂有冇芝士都好嘅豬扒包！

向來都唔喜歡，又乾又摺又刮上顎和牙肉！豬扒連骨，塊包冇塗牛油更形乾涸，洋蔥連果 PAT 味精杰杰的獻.....成個包一D都唔夾一D都唔和諧。

而家仲 SO CALL 攪新意思，加芝士入去......呢個芝士豬扒包，依然故我的又乾又柴皮又有骨又懾牙又刮上顎的.....我想講嘅係，塊芝士比低脂芝士更冇味，唔好睇佢好似 gel 左入塊豬扒果度，好似半溶甚至拉芝咁，全個包係依舊你還你我還我，整體上一D都唔夾的。

某次姐姐買過，我覺得幾好食，一問方知係出自聖安娜的作品。嘩，真係估佢唔到喎！(因為麵包東海堂質，料，味有水準；蛋糕新穎驚喜好食；除左東海堂那怕超群就是我的最愛！) 再加上聖安娜喺港島區只有 3 間分店叫做冇咁吊腳......我本人一早已轉會了！(最最最初，當時仲係用藍白餅盒+白色海芋花時，佢d出品都唔錯嘅，可是而家......)

呢款蛋糕仔，有分店預先 pack 好 6 個一袋，有分店俾你自己夾 6 個入袋。味道方面都唔係間間一樣，有原味，有朱古力(上有 CHOCO CHIPS)味，有原味上有提子。價錢方面，一袋 6 個 $18 蚊，其實一D都唔平，一粒蛋糕仔要成 $3......不過幾香幾鬆軟入味，充滿牛油蛋香。就係呢款蛋糕仔，令我對聖安娜好似有番D曙光。

蒜蓉蒸蝦味蝦條

卡樂 B 呢款蒜蓉蒸蝦味蝦條，幾好味，同之前限定嘅避風塘風味有得揮。不過好食還好食，一條駁一條塞入口嘅結果就係......蕁麻疹出場！Hi，乜咁岩呀......OKOK，食多條唔食！

暗瘡日記 (六)-----騎呢位置瘡 (7+ 天) (*慎入，膽小勿看！！！)

(*慎入，膽小勿看！！！)

(**注意：相片乃自拍，暗瘡效果核突+驚嚇，膽小者和怕核突者勿看！！！)

如果我話 “因病導致生暗瘡”，大家會覺得點呢？繼之前俾蚊咬到要睇醫生，最後有埋蕁麻疹…冷到條頸導致太陽病，加埋枕頭唔岩攪到上半身癱…傷風發燒到入院…

由十一月開始，我又病啦…日日去睇中醫，日日食中藥…唔知係內裡的毒發晒出黎，定係中藥燥啦。係係係，我又生瘡啦！今次D位置又係好騎呢…包括：眉頭同眼瞼中間、眉山裡面、咀唇唇山條邊……仲有鼻窿「門口」生石頭瘡（明顯攪到鼻孔邊大邊細），同埋咀唇上生瘡⋯⋯唉！！！

暗瘡日記 (五)-----褪印篇：下巴石頭瘡 (10+ 天) (*慎入，膽小勿看！！！)

(*慎入，膽小勿看！！！)

(**注意：相片乃自拍，暗瘡效果核突+驚嚇，膽小者和怕核突者勿看！！！)

自出院後歷時 4 個多月的<暗瘡大作戰>真係令人想死！經過連番的下巴、鼻翼生石頭瘡、暗瘡，仲要係生完又好好完再生，再好再生、未好照生…對我黎講，日版曼秀雷敦 Acnes25真係靠得住。搽左皮膚唔會乾，更加唔會乾到甩皮；而且”谷瘡”、熟瘡、消炎、KO瘡瘡效果都好唔錯。

反正都係咯，我就睇下佢”褪印”效果又如何！

以下是當時10月尾，下巴連環生石頭瘡時，連續十日跟進佢嘅褪印情況。坦白說，呢十日裡面，D印時深時淺，好唔穩定。之後我唔再“日日KEEP住搽”，採取態度為：記得就求其搽下咁啦。今天，12月22日再睇下個下巴，D印都唔係好見！(*最底果幅相) 用佢黎褪印，似乎都 WORK 喎。呢支日版暗瘡膏，真係屬於性價比之列。

暗瘡日記 (四)-----右鼻翼石頭瘡 (14+ 天) (*慎入，膽小勿看！！！)

(*慎入，膽小勿看！！！)

(**注意：相片乃自拍，暗瘡效果核突 + 驚嚇，膽小者和怕核突者勿看！！！)

上回講到：右鼻翼石頭瘡搽日版曼秀雷敦 Acnes25 第 3 日，瘡已熟到自己爆左！擠清血膿後以3M暗瘡貼貼著。<大家可看回 *暗瘡日記 (三) https://getalife612.blogspot.hk/2017/10/3.html>

Day 4：日頭仍以3M暗瘡貼貼著作保護，但晚上唔記得貼……結果，起床時發現爆瘡流血……

Day 5：(從左至右：早上、下午、晚上) 日頭貼3M暗瘡貼，先後爆了2次，流血流膿……直至晚上，情況才叫做受控。睡前以俄羅納英厚敷右鼻翼暗瘡，想它快D埋口，繼而痊癒。

Day 6：起床見患處已結”奄”，用水清潔時塊”奄”甩左，再次流血流膿。

Day 7、8：梳洗後用棉花棒諗住擦走暗瘡周圍+側邊的血痕，大力得滯，整甩了塊奄；冇膿，齋流血…嗯，應該好快會好！

Day 9、10：奄已褪，暗瘡傷口已埋口。之後時間要靜待皮膚自己康復。

Day 11—14：康復進度緩慢，但良好。粉紅色新嫩肉已長成，唯暗瘡位置仍然呈”小凸起的圓形”狀，希望快點平服番。

送卡夫芝士粉呀喂！

近排見大家樂收銀位置有一箱箱的芝士粉，初時無為意以為佢地貨太多冇位擺啫，點知中午去買焗肉醬意粉時，付款後收銀姐姐叫我等等，然後開箱俾樽芝士粉我！

一睇，原來而家惠顧焗飯或意粉，都送你一樽卡夫芝士粉！真好！不過留意番，有效日期至2018年4月中，食用要快啦！

2017年12月20日星期三

冷熱敷墊 @ 日本城

之前整親條頸，想搵一 D 敷墊 OR 敷料包以作在家物理治療用......可是搵了很久到到都冇，只有銷售醫護用品的地方才有，價錢還唔平呢......

剛剛行過日本城，入去八下，卻見到呢 D 冷熱敷墊，有我喜歡的藍色和紫色，而且還有多款部位選擇：如膝，腰，肩頸等等，仲要只售 $29.9......應了那句老話："要搵搵唔到，唔搵速速到！"

有漬可尋之 KFC (上環信德分店)

接近 6 點有D肚餓，如果唔食D野要等到 9PM 先有得食，適逢十五食齋，於是平平地食 KFC 的葡撻茶餐。（平平地都要 $13.5）

在 COUNTER 經理執好份餐遞俾我時，已見到個籃上的牛油餐紙，上面佈有茄汁漬......我看了看D茄汁漬再看看那位經理，他好似覺得冇問題，再把成籃食物推前予我......

我忍了冇出聲，一來趕時間，二來再換可能唔止餐紙有漬....算吧！

唔該呢間分店注意一下衛生！

為贈品買雜誌 (上)

章魚燒 @ 葵廣

好耐冇食過，一場黎到，$27 六粒，真係忍唔住，要了一客試試。

又病之愛心紅棗水

曼谷手信 (多謝姐姐)

自家皮蛋蠔豉粥

菲林與雜齋

細款，估唔到咁大盒！味道方面有板有眼而且不俗。至於人稱菲林的芝麻卷，而家好少地方有啦！

蜜瓜糯米糍

好少見到有蜜瓜糯米糍，仲要係 $3 一粒，食落好煙韌，好有蜜瓜香甜，裡面仲有粒哈蜜瓜果肉添！

為贈品買雜誌（下）

這是大學熊不是鬆弛熊，媽媽見到是熊就買了它回來，本 EZONE ......就索性借花敬佛，送俾姐夫吧！

椰撻

唔知點解，媽媽總是覺得我是喜歡吃舊式冰室 / 老香港的茶餐廳出品果種椰撻......不過，我又唔抗拒嘅。

日系海綿

孖寶蛋糕新口味---芒果

入面係芒果忌廉，很新穎的嘗試！

做冬 @ 銅鑼灣越華會海鮮小館

好想食糖水之有冇攪錯！ @ 北角鋒少

前日想，於是下午 4 點幾去食左碗合桃露 $20。昨晚想，所以 DINNER 後約 8:30PM食左碗薑汁燉鮮奶 $20.......呀唔係，應該係鮮奶燉蛋先岩。

點解？！明明叫薑汁燉鮮奶，點知食了一匙，兩匙都冇薑味......見同樣食緊同款糖水的媽媽冇出聲，大家都以為只係少薑汁而已......但食了半碗，我覺得應該係店員俾錯，成碗野淺黃色...蛋味極濃......之前食過，端來未食已嗅得一陣薑味！同埋，薑汁燉鮮奶係用玻璃碗的！算......燉蛋就燉蛋啦，反正都好耐冇食過......

付款時，媽媽多口向另一店員說："你地D薑汁燉鮮奶冇薑味，唔講仲以為俾錯添！" 個店員回答："唔會架喎，可能落少左薑，少D薑味唧！" 我心入面的 VO："唔係少D，係直頭冇薑味！"

*PS：下午同夜晚的店員無論態度，對店舖 / 食品熟悉程度，待客態度都好好好唔同！

當日小插曲：(1) 有堂食客叫了一碗糖水，之後問有冇腸粉，店員不置可否行左去，端來一碗糖水給那客人之後又行左去......客人食完糖水快步離去，冇見到佢有冇俾錢......之後那店員施施然拎左碟腸粉出來，方發現客人走左，連碗糖水另一位店員都唔知有冇收錢。 (2) 有客人叫了粥+一款湯水外賣，問幾錢？店內 2 位店員你推我我推你，擾攘完一輪店員A同店員B說，餐牌有寫價錢，你睇啦......真係吹X脹。點做野架你地，不知所謂......時，我方見到原來店內仲有一位店員C，她竟然好似透明人間咁，不聞不問，逕自食野......下，我真係恭喜呢間糖水舖的老闆，請到呢D好員工！...... (3) 故事 (2) 未完，因為又係冇人回應外賣客人有冇粥，突然店員B邊拎住個熱騰騰的銻煲，急步爪窄巷出來，說："有粥喎，係咪有人要？" 下，咁都得，成煲拎出來？好在當時媽媽冇站起或大動作食糖水，如果唔係，二人一定撞上，成煲熱粥照身淋......

呢D，唔係培唔培訓的問題，係常識......睇黎，我都唔會夜晚黎鋒少啦！