豬腳薑

要有人生左先有得食，不過某D酒樓都會有。一盅豬腳薑，豬腳 3 至 4 舊，蛋一隻，薑大量；用黎送白飯好滋味。(試過買鴻福堂果D黎食，味道一水水，好參差，唔係偏辣就係偏甜......)

牛涮鍋

有 COUPON 買三送一，約好日子訂埋位， 4 條友去奧海城食牛涮鍋！

我第一次食，有 D 似放題 + 打邊爐，食物及醬料 (連芝麻醬都有？！原來和牛醮芝麻醬好好食，個感覺同味兗都好特別) 都新鮮多樣，最緊要係有大福同埋軟雪糕 (北汴道牛乳及抹茶味，兩溝也可) 嘛！限時個半鐘任食，飽到頂到上喉嚨！

德國百靈牌耳槍

屋企用開電子探熱針，媽媽提議買耳槍，貪其快靚正之效。我就上網睇下有咩牌子，價錢及銷售地方；睇睇下見團購有，這個德國百靈牌的耳槍，耳槍連內附的 21 個衛生殼只係 $279，睇埋介紹之後就扑鎚。

芝士肉醬粟米片加蕃薯片 @ Habitu Caffe

再次光臨！除左要食超好味的 Carbonara 以及玫瑰咖啡之外，今次試下粟米片小食。

唔好睇少呢個小食，佢真係好大兜！芝士肉醬的粟米片加蕃薯片，上有牛油果及凱撒醬做 topping，口感豐富而且味道好夾，大家下次吹水食野嘆咖啡時，不妨叫呢個小食！

豬柳炒蛋小麥圈

麥記新推豬柳炒蛋小麥圈，新屎坑去試！打開包裝紙，咦，有舊蛋喺紙外嘅？(都好 "衛生" 唧...) D 沙律醬又飛晒出黎。小麥圈包身有口感，不過包邊好硬；而於個薯餅，唉，每況愈下......嗯，呢個包餐試過一次就夠了。

成個餐之中，個 BAGEL 包中間的圓圈變成心形，成了整個餐的亮點！

$25 沙爹牛麵餐

最近發掘到一款三十蚊樓下的茶餐，佢就係大家樂嘅沙爹牛麵餐，有沙爹牛肉公仔麵一碗+半個奶油豬+餐飲，$25 黎講食到飽。

有機蒲公英根純汁

特登去搵蒲公英根茶，行至某店查詢，店員說沒有茶包只有原榨汁。原柞+來自德國+有機，這三個 POINTS 已具保證。因為它是原榨，應比茶包更 "原裝"，更有功效；再看看價錢，它比我上網搵的那間店平幾蚊，加上有折扣優惠，我先要了一支，如果好的再買！店員細心教我飲法，說一日兩次，每次 10ML，可就咁飲或加水開稀，開啟後要放入雪櫃，連飲兩星期！(內附一個小杯子，半杯剛好是 10ML)

*PS：沒事的，病了就當還債，而且早知好過遲知！先不要自己嚇自己，平常心！

<參考資料>

蒲公英是一種中草藥。《本草綱目》記載：「蒲公英主治婦人乳癰腫，水煮汁飲及封之立消。解食毒，散滯氣，清熱毒，化食毒，消惡腫、結核、疔腫。」

蒲公英根也是一種草藥，在加拿大是正式註冊為利尿，解水腫的草藥。烤乾磨成粉之後可以泡茶，據說在飯前喝過可以解胃助消化，在保健食品商店可以買到，但是沒有科學證明這種作用。

主治 ：上呼吸道感染，眼結膜炎，流行性腮腺炎，，乳癰腫痛,胃炎，痢疾，肝炎，膽襄炎，急性闌尾炎，泌尿系感染,盆腔炎，癰癤疔瘡, 咽炎,治急性乳腺炎，淋巴腺炎，瘰癘，疔毒瘡腫，急性結膜炎，感冒發熱，急性扁桃體炎，急性支氣管炎、尿路感染。

PIZZA HUT 下午茶

和媽媽撐檯腳，去 PIZZA HUT 食野，我地叫左一個新出的 PIZZA 芝心批加一碟蒜香肉絲意粉，野飲我要了杯意大利咖啡雪糕 (忌廉大大 pat，但個雪糕球似係由冰粒製成，只食到冰，冇乜雪糕餡囉)，媽媽那杯則免費的 (因為長者卡可以 FREE 一杯野飲)。

街頭小食

其實香港買野食野真係好方便，隨行隨買，隨行隨食，豐儉由人。

今次掃街，在時代廣場對面買燒賣，用兜裝住唔怕D汁周圍滴，$20 十粒。而呢包喺總統戲院斜對面買的炸魷魚鬚則有D失望，因為 $30 得六條......仲要係每條得三分之一係真魷魚！而且每條肥瘦相差都好明顯...諗起之前在太子金魚街附近買，$25 成大袋！