比利時啤梨

水果方面我喜歡食蜜瓜，芒果，柑！現在加入＂比利時啤梨＂，雖然它樣子長長的，皮層肉肉酸酸，外型活像個腎，不夠討好！不過，只要你吃過，就會愛上它！

這種比利時啤梨很好吃，它的肉身是＂林＂的那種，梨香汁甜，核子細小到幾乎沒有，批了皮可以大口大口就食！

聽說，現在街市／超市有很多扮成是比利時那種的啤梨，它們似唔林又唔夠甜，仲有大大粒核！雖然價錢比平常啤梨貴一點，但絕對值回票價！

斜掀膠箱

以前在 IKEA 見過一D 膠箱，個蓋可以斜掀，咁樣就算上面疊多幾多個膠箱，都可以唔駛搬落黎，一樣可以憑個斜掀的蓋拎到最底個箱子內的物品，設計很好很貼心！可是轉個頭就冇得賣了。。。

因為我沒有衣櫃，一路以來都只是以膠箱裝衣物，雜物；而且上面往往被人疊上好多雜物，導致我的東西根本拿不到，每次轉季都好似大清洗一樣，搬來搬去才可拿取我想要用的東西！現在已演變到，用膠袋裝常用的衣物，如黑色樽領，內衣褲等，然後用Ｓ掛釣釣在床端，彷似籠屋居民一樣！。。。唉

昨日在吉之島借廁所，竟然俾我又見番呢Ｄ斜掀箱！一口氣買了一大一細，由於它最 SIZE 大的那款售罄，所以不能好好換一個！

回顧 2014

上年嘗試了多個＂第一次＂，是時候為今年來一個總結，這一年──

2014這一年，怎麼說呢？很難過很痛心！工作遇上的更糟糕，每況愈下；感情又是糟糕，相愛很夾但不可以愛不可以繼續，只因 timing。。。以上兩者發生在同一地方，大家相互糾纏著、連帶著，令我不知進退，夾在死胡同裡！

 

＜進修方面＞：讀日文中班及高班、急救班（考試合格，我擁有急救牌３年）、多媒體設計班、有機耕種班、中醫推拿按摩班

 

＜生活方面＞：

１）繼續上佛課，

２）跑渣馬，

３）去了東歐及台中旅行，我發覺現在只有離開香港才可舒口氣，儘管旅行第一日可以忘記香港的總總不快，總總人和事；但第二日又打回原型！繃緊到不得了！

４）看了阿根廷訪港球賽（看了美斯，是不是我可以不用去西班牙及巴塞旅行？）

５）看了多個演唱會：左麟右李、軟硬、Eric Kwok、新力量演唱會、許廷鏗演唱會、鄭秀文演唱會！

６）皮膚出現免疫力問題：蕁麻疹，看了多次中西醫，還要戒口！這個皮膚病一開始就不會好，要自己飲食上多加注意！

７）闊別英倫，終於在港食了地道的 kebab！

８）留意了一年多租盤網，由去年７、８千元的，現在閒閒地都要９千至一萬才得一個百一尺房仔。有的略有間隔，有洗衣機雪櫃微波爐，連間了企缸位的房，不連地租管理費差餉也要９千元，假若計埋水電，真係萬多元一個月，還未計食。。。

９）置身／見証雨傘：到過金鐘，銅鑼灣及旺角

 

＜工作方面＞：長時間（９成日子每日番１５至１８個鐘，未計回家繼續做）、冇假放、假日要on call、請病假老闆打黎即罵我＂做咩病？＂，十點幾放工（當然有帶野回家做）我還未去到地鐵站老闆又打來罵：＂你做咩走？＂。。。

 

multi task 已預左，但我還是一個＂中間人＂的角色，同事所做的每一個 job，我都要做＂橋＂傳給老闆，老闆有意見又要誧過我這＂橋＂，我又要轉告同事；當中的＂往來過程＂，明明唔關我事的我也要被罵被責怪：老闆罵完，當我轉告同事要改咩時，又俾佢地罵／怨言，受氣＋無辜得很，而且情況有增無減！還未計大陸那邊的蘇州屎，我也要受！要跟印刷，要去貨倉。。。要做跑腿。。。我自己的工作無時間做！莫說撰稿，其實就咁打字都要時間。。。打唔夠一句又要處理人地的事，再回神又要為人地去報價，我的稿站站停，唔可以安安靜靜坐定定去處理！

 

一日處理百幾個電郵（真係個個電郵都關我事！冇得 ignore）外地傳來的版本／ai 檔我 PC 機開唔到，又俾你鬧！外地的 jpg 已 outline 不是＂字＂冇得改冇得刪減，你又鬧我！產品要上有日文、阿拉伯文你又要我處理，我識鬼咩！做唔到你又鬧我！。。。俾Ｄ稿同事，同事又唔照用Ｄ字，加加減減 copy & paste 都錯，成日拎舊稿去改！喂，大佬呀，新條例出左，對少眼出左一Ｄ以前出得而家唔出得的內容，係咪你去坐６年監兼俾１５萬罰款先？？？樣樣野對完又錯，我可以點？一件稿對廿幾次，浪費我時間兼夾無辜！所有字都關我事，咁各同事出糧係咪又俾我 proofread 張糧單呢？

喺公司已崩潰到眼淚隨時流出，番７日工喊５日。。。冇人體諒冇人知我受緊Ｄ咩，好辛苦！

好難跟人說我現在的＂工作性質＂，及我每日要食的＂屎＂！

 

＜感情方面＞：唉，真的不知怎麼說！（*以下所說的"爆"，意思是指：我哭訴／坦言的的不快和我感到這段關係，他的忽冷忽熱令我不舒服／不知所措的＂二人對談＂！）

 

我與他沒有平時的行街睇戲食飯，沒有談電話不會短訊，沒有情話沒有承諾，（最初在地鐵月台＂爆＂時，他說過不可能俾到將來和幸福我，大家還好好的談過！可是之後事情發展，應該是大家有愛／不捨得／不夠狠心，所以冇分開）極其量我們只是＂辦公時間裡的情人＂！(在不同時間我有問過他，我是他的什麼？他曾答：愛的人／女朋友／知已。。。但當情人節沒連絡，你生日不讓我和你過，我生日你冇作什麼，更推說唔知道。。。明明上次出ＴＲＩＰ你看過我的身分證＋護照，有心的怎會不記得？。。。這一切一切，還可以說我是你女朋友嗎？我還可以期望些什麼？)

 

但，可恨的是，我有一個本來 ignore 了的一位友人，竟是他老婆的 fd，網上我知悉了他沒跟我說的，也知道所有日子／特別節日等等他們的＂快樂幸福美滿＂生活。。。網絡不讓我蒙在鼓裡，知道了又怎樣？我痛心我不知自己是什麼位置。。。
 

因為感情，在地鐵、在公司附近、在我家樓下等等地方，我（與他）＂爆＂了好多次，期間控制不來就地自殘自傷了好多次，情緒極不好，可以怎樣解決？辭職，就算點都再也不用日日見到！但。。。經濟直接受影響！我也徨恐，又要經歷如上次的歷時一整年的失業！。。。

 

無得解決，他說要升華感情做好朋友？（最好最＂善良＂的＂打完場＂對白／方案？）真的可以嗎？這豈不是很便宜？你冇損失的，一路 ongoing 你的幸福，我只是甜品，有得食無妨，無得食都夠飽不會餓！我不是說你不愛我，也不是說你用情是假的，我們的＂關係＂只是按劇情發展；但發展至此，至少你不會像你爸爸一樣，拋棄你們另與他人組織家庭，再離棄那家庭再另另結一個新家庭（你不會讓自己做呢個衰人）；加上你與她外家及親戚的關係不錯，你又怎會為我放棄你現在擁有的一切？（你不會為我放棄什麼！）甚至，一個本來不喜歡小朋友的你，也終於在今年做爸爸。。。我還可以說什麼？我還待在這裡做什麼？我算什麼？

 

記得你說過，你以往的女友也沒這種感覺，分手很灑脫，不拖泥帶水！但我不同，你不忍。。。你也說因為我們的成長/背景＋工作經歷促使你對我加愛！你也說過，因為她沒有的而我有，我們也說真的很夾（興趣／喜好／思路／工作態度），所以令你認真的愛上我（反而如果純粹玩玩下，唔上身的話，你不用咁煩，不用失眠！）你也說過是 timing 問題，但一想到如果錯下決定，你將來會很煩。。。得得得，我知道了！她，到底是法／髮妻；而我，儘管沒做過什麼傷害她／你家庭的事／行為，我也只是個＂衰人＂，天理不容！或許我們仍然在同一間公司，所以仍然要對住，致令你不能撇脫地分！而你，也不會辭職（個仔咁細），只要我離開，你就不用煩，不用再＂處理＂我，不用有人可能會再＂爆＂了！

*復活節假期，我心情抑鬱到不得了，上網查找，毅然去了黃大仙某檔睇八字，師傅說我命中注定遇上有婦之夫，說如果我叫佢現在為我離婚他不會（當然我也不會叫他這樣做）！另外，就算我地好好都過唔到2016！。。。我唔知他準定唔準，至少，今天我仍然為了這感情很痛苦！再者，年初及去台中時，都求了簽，說我立秋後會好，會遇上對的人／事業有好轉！（我因此而安心了一陣子）不過，就快農曆年了，一個人都冇出現過！身邊根本冇男士，冇available的人，縱使我已參與多個課程，自己旅行，在有限的時間去擴大生活圈子。。。

boxing K

通常睇完演啪會都想唱Ｋ，今日就同好友唱 boxing K！12:00 唱到 2:30，包一個 LUNCH（連一杯野飲），平均每人 $67。野食向來都ＯＫ嘅，仲平過平時返工食 lunch 呀！如果唔係假日，可以唱３個鐘鬆Ｄ，價錢又會平Ｄ添！

無事出街小破財

無事出街小破財，行萬寧本來想睇下有冇 Revlon lavender 沖涼液（據聞它已唔再出），點知見有自助 makeup counter，反正我支 serum foundation mousse 差不多用完，睇下試下又入貨！試完了色，心思思想把睫毛液由黑變啡，於是又揀下睇下，結果買了！

回家後把戰利品拎出來，乍見點解支粉底液係玻璃唔係搪膠？同平時果支唔同喎？？？一看，噢，明明是用 Max Factor，點解當時企喺 Revlon conunter 冇為意嘅？仲要３樣物件都係Relvon。。。算啦，既然買左，用左佢啦！

自己都發現呢幾個月都心神恍惚，而且情況有增無減！繼昨天萬寧事件，今天在尖沙咀竟然 market place 買野！（本身屋企樓下都有間 market place，點解要喺尖沙咀買呢？得個＂拎＂字！）仲要係，本來想睇下有冇一隻無糖蘋果乾製片小食，結果買左一盒泰國黑糖薑茶＋蘋果乾製片＋小孩食用的雪梨乾製片＋超力米線＋士多啤梨乳酪薯片。。。仲想拎多２排白朱古力添！結果埋單百幾蚊。。。

貼膠布攪到出砂?

貼膠布攪到出砂？

無恙地，左腳近小腿突然見紅？可能係搲損了腳，立即塗蛾述油貼膠布！過了５日，損處似有好轉（雖然耐Ｄ，但至少結了焦），等多幾日，損處幾近埋口。可是，無啦啦多撻ＬＡＲ，損處旁邊（即膠布的膠貼位）竟然出紫色的砂痕？。。。我立即搽蘆薈，同埋俄羅納英，仲有東歐買的 organic chamomile cream。

２星期了，損處同埋紫砂新傷痕都變成啡色，仍然係２撻損傷！我知皮膚周期係廿八天，其實小小的搲痕都要成個月先好番？係咪之前免疫力差（即蚊咬變成蕁麻疹），導致我的皮膚狀況越來越差？

聖誕 greeting

多謝車路士和香港癌症基金會的聖誕 greeting！

Chloe 小妹妹的禮物

買給 Chloe 小妹妹的禮物－－今期大熱兼佢至愛的 FROZEN！

pizza

知媽媽想食 pizza，上完堂即刻約她！２：３０去到拿了飛仔，等到４：３０先有得入座！食完已天黑，都冇左成日了！

聖誕煲碟

一套係同事介紹，一套係電台ＤＪ介紹，一套係之前想睇但冇時間睇；如今，我一口氣借晒３套，夠我這個聖誕煲碟了！

跪求保暖之法

兩年前寫過一篇關於 superwarm VS UNIQLO heattech的文章，當時的確是覺得後者保暖度遠勝前者！

兩年後，早陣子趁 UNIQLO 感謝日，我大手入貨heattech！前幾日大約１４度，室內時我以 heattech 打底＋冷衫＋fleece＋羽絨，仲有茄士咩頸巾，都仍然沾寒沾凍。。。究竟係我身體太虧，還是什麼？我也沖了杯薑茶，但成個人都覺得凍，狂打噴嚏！唉，喺屋企仲加埋開暖爐... ...我想問問大家，有什麼保暖之法？有什麼褸又暖又輕身？

聖誕 Sushi dinner

放一點變了放七點，早放，對我來說也是徒然。。。回家倦極坐著打盹，然後和父母去食壽司！估唔到平安夜，元氣反而比平時少人，等了十五分鐘就入得，狂叫狂食，飽到嘔！

集大成

羅麥記是爸媽先發現！它有 gimmick，有蘭Ｘ園出名的蔥油撈丁，有萊Ｘ餐廳出名的瑞士雞翼，有ＸＸ出名的麵包焗豬扒飯，ＸＸ的糖霜西多，還有ＸＸ的紅豆奶茶。。。感覺就是炒埋一碟！

它的餐牌設計成手冊，分上午班和下午班！價錢方面不算便宜，而餐也沒包野飲，要加錢！味道方面，不過不失，未見驚喜和突出！

今回試了吞拿魚芝士焗長通粉，熱央，蔥油雞扒撈丁－－個長通粉幾近冇味，冇芝士味，反而Ｄ吞拿有Ｄ腥！因為焗的原故，都等左幾耐先有得食！飲品方面如同出面茶仔（用黑白淡奶沖的那種）；個撈丁則偏甜，因加了瑞士汁。

其實，集各方之大成不是不好，但玩得 gimmick，理應也要有個自己的代表作／招牌菜才是！

*後記：聽到隔離檯的人叫脆脆豬（即脆脆豬扒包），侍應落單時重覆講：係＂脆豬羅＂！我知，＂脆脆豬＂係某出名連鎖茶餐廳的初出招牌包，客人都會先入為主，而侍應也是一貫的以公司利益為大前提，重覆糾正食品名稱也是明白的！

日版可樂

一肚氣，想飲可樂！在 759 買了這罐日版的，大大罐，像 KING SIZE BEER！500 毫升，可是唔夠氣，打噎唔夠爽！

亞婆咸茶

知唔知道這是什麼味道？亞婆咸茶？。。。英文是烏龍？！。。。

聖誕特別版雙胞胎

出地鐵，見仲有聖誕特別版，即刻換２個！店員詫異，問我：＂小姐，你知唔知聖誕特別版就只有２款？＂我說：＂知道！＂

可能，店員以為我唔知，驚我２盒都係同款所以好心提醒我！不過我見這個特別版昨日起換，沒想過而家咁夜仲會有，加上我剛巧儲了印花，剛好夠換２個，所以一下子就想碰運氣！可能，呢２個就係２款不同我特別版呢！

我喜孜孜拿著回家，途中還碰見詠春的師兄！一年沒見，之前在拳館只是黐手，談話時間不多，估唔到他還記得我工作的地點，以及問我今件會否參加馬拉松。。。

回家，即刻打開聖誕版，誰不知２個都係胡迪。。。噢，我真係咁＂好彩＂，鬧雙胞！

SAMMI 演唱會

朋友想睇 SAMMI 演唱會，一票難求，我就拿拿臨問人拎飛，因為內部認購，所以假若有飛，都可能係是晚，翌晚，總之就係冇得揀日子冇得揀位，非常 ad hoc！

 20號終於知道有飛，仲係21號晚，於是又拿拿臨告訴朋友！雖然交涉／回覆過程並非暢順，甚至令我有點氣結。。。不過，算了吧，朋友已沒幾多了！。。。

是晚係第二場演唱會，台燈聲好好（特別是個舞台設計和裝置，而煙火效果更見驚喜！），梳化服都好出色，嘉賓有WYMAN和C ALL STAR，8:40唱至11:30，盡興！我首次現場聽SAMMI 唱歌，挺有壓台風範，她的光芒不是現在的女歌手擁有，是經驗和歷練！

12點回到家，明早又要番工，處理完 home office，食埋傷風藥要睡了！