買文具

行逛文具舖也是讓我蹓躂得久的地方之一，今回在吉之島文具部，我也滿載而歸！先有熊仔的改錯帶，精緻簿子，＂無釘＂釘書機，盛載＂濕星野＂的小盒子。

叮噹。長留在心中

睇了＜多啦Ａ夢＞，之前睇 TRALER 已想看，它是一部感人的電影，雖然故事情節和人物我們都已熟悉不過，但是不同階段不同經歷再看，都會有所感受，有另番體會！

裡面最感動我的，除了是叮噹要離開大雄那段，令我最迥然的，就是靜香爸爸說道：＂他是一個怎樣的人，最簡單不過是看他會否替人著想，會否為他人的不幸而難過，會否為能力之下的人伸出緩手！＂－－不離不棄與相隨，角色及故事都一一盡現！

羊年首日。平淡是福

踏入羊年首日，全日偶爾性的登入公司各產品的 Fan page，做點 e-marketing 的功夫（別的人還以為這是一項＂奉旨＂上網玩 facebook，上 forum 的工作；嗯，想得美！。。。如果你上心盡責的，就知道這不是一個咁寫意，咁梳乎的工作！），由於我親戚少，姨丈在年尾也過了加拿大定居去，得番姑姐一家，早上他們來拜年食糕後，一切又如常不過！

本想去睇戲，可是想睇的電影得番頭一行，甚至頭一行的左右兩側的單丁位，昂頭側頸睇，就算係迷你影院，其實都真係好辛苦！所以，我預購了明天的某齣戲，環視各影院９成都已爆滿，有位的它所剩下的座位位置都不大好，搜尋下幸好有一個影院仲有第７行的單丁位，應該睇得舒服吧！

好了，明天有節目了！如果睇完而又精神的話，可以去埋尖沙咀換團購的曲奇就更 perfect 了！

正所謂平淡是福！多謝某幾個機購給我送上節日祝福，排名不分先後：車路士，香港癌症基金會，無國界醫生，Burberry，Olympus！多謝！

年三十。要滋潤

今日係年三十啦，人人放早，我都不例外；話就話放４點，不過我都要加班多個幾兩個小時先走得，即係６點，同平時＂其他同事＂準時走的時間。。。換句話說，今日我都冇早放到！

午飯去了 APM CANTEEN，除了菠蘿炒飯之外要滋潤一下,於是要多個冰糖雪耳木瓜，中式節日配中式甜品，好似好夾！

風水

我不算迷信，不過每年都會睇生肖運程，同時也會八卦地對比上一年的運程（睇下邊個師傅準Ｄ）！

今年的病位在西位，剛巧在我書檯位置，平時除左番工睡覺之外，幾乎我就黐住書檯。。。所以，不得不提防一下！今年這個病位好勁，會有傷亡等血光之災，儘管姐夫已擺了安隱水，但我睇勻多個風水網，要放五帝錢才可；於是我走去買了五帝錢，提防也好，避一避也好！

得意環保魚缸＋植物

上網見到這個名叫 AQUAFARM 的得意環保魚缸＋植物家居物，很想訂購！

它說植物可以清潔魚缸，魚糞可以給植物養料，又有一層環保砂在底，一套連缸連植物種子，$50 至 $60 美金！一次過滿足我想養魚及栽種的嗜好，很想買一個！

 再睇睇其他網，有 BIG HERO LED 燈名蘋果型叉電器，設計精美，如果我有自己的小天地，很想一併訂購！

2015 維園花市

踏入 2015 想轉轉運，第一時間梗係行花市！

對上２年我都病榻在床，今年趁未落出雨（天已陰）快手快腳去維園花市走個圈！可能下午３點，人不太多，可以行晒兩邊慢慢睇！估唔到花市有＂奸夫＂攬攬公仔，有大有細（$80--$100 左右），本身好想買，不過諗起屋企冇位，都係唔買了！除了＂奸夫＂，我本來想買蘭香子同埋黑糖沖劑，不過價錢又唔係特別平，所以最後都冇買！

只係一句鐘就行晒，冇破財，只係臨走前買了一件糖蔥薄餅食！行著行著，現場派了揮春及利是封小手作，見是精緻的魚仔，我就要了一個帶回家！

**PS：總的來說，我印象最深竟然係，今年花市太多信仰團體的檔口，有點。。。。

粒絨家居服

凍得太耐，加埋由中秋開始自己身體唔爭氣，幾乎個個星期六就係睇醫生，中醫西醫。。。

已經關暖爐近距離＂烘＂自己，都唔夠暖！見家居服已洗得久而變薄，倒不如徹底Ｄ，買過Ｄ衫褲家居服！

先再 UNIQLO 逛，赫見這款粒絨褲，仲要減價 $79，有藍有黑色，又有袋，平啊抵啊！（一條 ADIDAS 也要 $299 起碼）由於是禮頓道旗艦店才有，於是我買了黑藍各一以替換！一穿上去，很暖很舒服！

至於上身衫，UNIQLO 的衛衣不夠厚，毛巾質地的又不愜意，於是行去就近的 BOSSINI，見有一套套的家居服，度了度要了一包加大碼！（衫岩身但褲實在著唔落，太大腰圍太闊了，俾了媽媽！）藍白小企鵝，很好很順眼，裡面著件 HEATTECH，又暖又貼身！（一 PACK $220）此外再要了件長袖絨裡衛衣添！

另外在出入口時裝店見到一件雙面著的粒絨背心，只係 $89，好了，買埋佢就齊晒！

tony wong 芒果拿破崙

其中一位老闆生日（不知正日係邊日），一如以往，買這款 tony wong 芒果拿破崙！

 我好喜歡食拿破崙，又喜歡食芒果，這個蛋糕真係岩我口味！一年食一次，佢嘅層層酥皮餅好乾身好脆，充滿牛油香又唔太甸重！仲有吉士醬，夠厚夠實又不太甜，芒果好甜好食，tea time 食件 cake，好飽好滿足！

新銀包終於到手

話說上次從網上購買銀包，一心諗住更換那個用了八年多的小銀包！我１月６日付款訂好，依它所說，應該１月１６日收到，誰不知由那天開始，那位外國人就說貨品售罄，問我轉另一個顏色好嗎？（先別討論為什麼產品售罄仍然可以 click 得入買得到）於是我問它有什麼顏色，他就回我一幀圖片（背面見到是個製作場地，還有一些簡體字！什麼？國內生產？？？）他只拍了銀包的正面，內籠間格看不到，也看不到有冇散銀位置。。。於是，我們電郵來回相議！

不知是他不明白，還是看不懂英文，每天只回我一個電郵，而且來來回回始終未能解答我問題；如是者我們＂洽談＂已屆一月尾！

坦言我耐性已夠，不想再跟他交涉，於是回覆他我要取消＂柯打＂，著他退款給我！豈料他急急回覆我，說會把手頭上的那個藍色款快遞給我，如我還是不合意，便退回他！（又一來一回？簡直浪費時間！）

終於，藍色銀包到手了，而且顏色和款式都跟我當初選購時的那個相像，好吧，我收下！起碼趕得切新年換新銀包！。。。新開始！

愛心一百次

多謝你的愛心飯，愛心橙蕉梨，愛心小食～

還有，你不好意思說它是情人節禮物，我就說它是 "黑色星期五禮物" 吧！（上網睇，原來佢係情人節限定版，呵）再次多謝！～

正宗泰國沐浴按摩用品

話說前幾天返到公司赫見一大盒東西擱在桌面，打開一看，個錦盒精緻隆重，掀開盒蓋就是一層紗珠紙，仲有一個 logo 貼子！再打開內層原來是一套身體護理套裝，有：shower gel，butter shea norishing body lotion，massage oil，hand cream，絲瓜絡，草本球，是名副其實的正宗泰國沐浴按摩用品！是公司其中一個洽生意的產品總公司送我們的 box set！

來得剛剛好，我正想要一個絲瓜絡，家用的那支東歐遊買回來的蠟菊 body lotion 也用畢，hand cream 也差不多用完！緣來的機會，俾我可以一試正宗泰國身體用品了～

Miniso 名創優品

Lunch 後行返公司一段路，赫見新店開張，是間家品店！招牌 logo 有點似 Uniqlo，店子有點似 Logon及SimplyLife，師奶仔性格入去看看！

這店名叫 Miniso 名創優品，有毛巾有頸枕有化妝品有公仔有保暖杯等物，設計簡約有 style，價錢仲好平！我買了螺絲起子工具及一條毛巾，各 $15，三十蚊就讓我喜孜孜！

螺絲起子工具：小巧別致，有成３１個螺絲模，十字一字正方頭都有！至於毛巾：橙黃色有隻小白兔，質地軟熟非常，日本監制，信得過！另外仲有熊 bear bear，毛質柔軟，有的還有 HARRODS 字樣，多款顏色，大大細細都係 $29，估唔到咁平！可是我沒有環保袋，又只是乘午飯時段偷雞行街，如果唔係。。。。哼哼！

這店子剛開張，舖頭細細，賣的東西唔算好多，也唔算好好行，我見佢官網大大間，有好多文具，應該似無印吧！希望佢有多Ｄ分店，大間的，好行的，我一定血拼！