重新開始

神不守舍下，我個手提跣手丟進馬桶，當下我立即徒手打撈它上來，吹乾了就換衫去跑步！

一路跑一路聽歌，可是半個鐘後竟然顕示沒有服務，我以為是數碼通問題。之後十五分鐘，它自動關機，再開不了！

這下子我心慌起來！繼電腦壞了，現在輪到手機！

我跑回家，向弟弟求救！他一副懶理的樣子，之後他才施施然叫我裝itunes，他click下電影click下音樂，根本吾係幫我解決問題！我心焦如焚，是時已是晩上七點！

點呢，明天如果打風，又或者遊行，我點去整機？

不得已，我請求弟弟陪我去銅鑼灣，因那裡有數碼通又有apple store！可是，他竟拋下一句：「你去都冇用架！」...怎會冇用？就算吾整，我都要買部新機！（當下我想起拍攝事宜，這二天要聯絡跟進！於是，我再三哀求弟弟，他竟說不！（佢吾係要出街，也吾係有野做，只是玩candy crush）...我，心淡極了！一怒之下我立即奪門而出，坐車去銅鑼灣！

去到地鋪，他們說要去維修中心，幸好在times square附近！我狂跑去，跟職員問過究竟，因check機要十日和2千蚊，仲要吾肯定整吾整得番，所以，我見這手機用了二年半，就決定換機！

攪好一切手續，多謝smartpne店員不勝其煩的幫我set up，以及嘗試幫我盡搵番d contact list和資料（雖然contact list搵得番，但所有照片及訊息、whatsapp內容都冇晒），但我都非常感激！

我會記得2013年6月所發生的事，和看清某些人！或許，是個天要我忘記過去，重新開始！

另外，好友曾說我六、七月破財！已應驗了，喂喂，妳好勁呀！

再來一課

成個六月只上了二堂，今日依舊練足三個鐘，又打沙包又同師兄師傅黐手，我二隻前臂瘀哂！

大家見我成三個禮拜冇上來都問過究竟，大師兄攪笑問我weekdays係咪吾喺香港！師傅還邀請我去深圳拳館，大陸呀，我真係冇好感，又推！另外，有好幾個師兄見我出現，都興奮雀躍，連番跟我聊天和練習！原來，大家咁鍾意我！

放學後去通利買飛，再join埋好友就食拉麵行街兼食甜品，好滿足！

回家就backup番所有files，攪到差吾多一點！

是底線了嗎？

暗戀的滋味絕不好受，加上那個人對你好好、各方面都同你好夾，談得來相處得來，很合拍很有默契。

自上次你將我辛苦班番來的演唱會票即日放售即晚交收，之後無數次的隱瞞和善意謊話，侭管一切其實可能對你來說沒大不了也好，但對於我來說，好像一刀一刀逐少的刺痛我！期間，我覺得我只是你工作上的棋子、生活上的秘書或助手，因為除了你的家庭之外，其餘的時間，只要有我在，你所有東西、事情等，我都會好好幫你辦妥。我敢說，我就是你的左右手，心腹！有我在，你可以煩少些、理少些、專注些！

英國的手信你不著緊、日本的手信嗎？其中一樣是你託我買俾你老婆。今天放工，我地先去看下次影相的model 衫，然後去某日式百貨超市！

本來我想買生蝦和三文魚刺身作我的晚餐，但竟然冇！這時我巳有點失望....由於我們分頭選購，貨架前後瞥見你走來走去，為你們的晚餐張羅...再加上你說要買牛扒、最後還買了應該是她愛吃愛喝的東西及湯包，你們的通話，一切我都看在眼裡聽在耳裡，心入面難受得很！

選購途中，我有想過whatsapp你，說我有事走先，因我怕我再也控制不了地哭，失禮又不大方。但當我思想著時，你就拿著2盒鮮奶出現我跟前，我唯有硬著頭皮撐笑扮冇野，但好快我就裝不來。你並不為意我的情緒，你不知道我因為什麼而突然沉下面、突然由雀躍變得抑鬱，還喜孜孜的問我沒有刺身咁今晚食什麼？又問我真係什麼都吾買嗎？（那一刻我已失望透頂，只想盡快離開現場）

待你付款了後，我忍著情緒、哆嗦著，甚至沒有正面望你，說再見了後我就急步向你的相反方向行去......沿途我強忍著淚水，直奔回家！

我再次感受失落，繼上次為你的她買東西作手信，至今日陪你／看著你選購你們的晚餐...或許這已是我的底底底線！

究竟，我仲要為一個相逢恨晚、永遠都無可能的人投放幾多感情？我仲要傷害自己多久？難道還未夠嗎？

萬幾蚊呀！

今日 shooting 總算順利！全日我都好忙，兼顧好多範，一腳踢！而且，我仲睇得出邊個幫到手邊個闊佬懶理。同埋，老闆真係好信我，又當我係心腹！睇怕，之後我的命運都係能者多勞架啦！

我要多謝臨危受命的 makeup team，多謝佢地係因為我而接這 job！計算過後，我總共出左 $10600 大元 for 今次拍攝。。。希望快Ｄ出番 pretty cash 俾我啦！

今日，in conclusion－－忙，但滿足！

Godiva 朱古力

好多人都以為全部女仔都酷愛朱古力，但如果朱古力和果汁糖，我會揀果汁糖！我發現，好多男仔比女仔更酷愛朱古力。

好多人話食朱古力可以分泌多些血清素，會讓人感到開心、會治療抑鬱！但，這理論在我身上無效！

不過近排，我喜歡 Godvia 朱古力！別緻小掀盒子，吃了卡布其諾牛奶朱古力後，味覺一直未忘，今天放工再買一盒白朱古力細嚐，希望可以從舌頭開始，重新感受／發現快樂因子！

碌卡買衫

星期四拍廣告，早上十一點和他及老闆去買衫，買買下老闆竟然話倦走先，剩下我和他！於是，我地奉旨行街 shopping 到晚上十點半！

全日和他一起，雖然開心，但係為公事為六個人買衫褲鞋和配件，行左十幾個鐘，買左八大袋衣物，又倦又重又抽筋的滋味真不好受！仲有，由於他冇信用卡，所以全日由我來墊支，結果，今日共碌了八千幾蚊卡，呢個數目比起我去9日倫敦、以及6日東京的駛費還要多！我咁大個女都未試過一日碌咁多錢！好嚇人！！！

如膠似漆

無聊使用 apps，睇下我地有冇夫妻運。一查下得出「72%，如膠似漆」的結果！看一眼，笑一下！我，可以就此滿足... ...

喉嚨生飛滋

話說無啦啦喉嚨又腫又痛，我以為發燒影響，但睇過2個醫生，食了薬都吾好！一天忽發奇想，我用鏡加電筒看喉嚨，吾看由自可，一看竟發現喉嚨口，即吊鈡旁位置生了粒大飛滋！它足足有成片尾指指甲咁大，怪不得我勁痛！

姐姐叫我飲清熱酷！我每日飲2杯，飲完后感覺好像好點，但十分鐘痛楚依然存在！之後轉飲積熱清，效果不大！吃使立消，簡直冇用！不得已，我想起日本買回來的龍角散，臨瞓前食一包，翌日痛楚減少；接著連續食了三日，飛滋面積減至尾指指甲邊的三分之一！嘩，龍角散真係好勁又使得！這2天冇咁痛，不只飛滋，連咽喉腫痛以及牙肉發炎紅腫的情況也一併改善！吾怪之得咁多人讚！龍角散你係得嘅！

農曆生日

今日係我農曆生日，但今日我又奉命返公司！

由於下星期拍廣告，老闆成日飛左去，一切如常的屎淋尿瀨進行，包括所有吾應該我跟的工作，最後都落喺我度！「能者多勞」這句話，連日來已有無數人同我講了！

今日，除左我之外，仲有老闆和他回來！

一早，我地在油塘月台會合，返公司途中先去叔叔果度買早餐。約半個小時後，talents 和 production team 施施然來到！--開會--briefing--影低各人的近照（如 casting 般）--講造型和衣著--對稿--睇位--分位--等等。之後，散會，我竟然打翻杯咖啡。抹了就離開，因為要去睇衫、搵衫和買衫（六個talents的衫褲鞋裙、配飾，都拋了個波俾我！時間沒有、壓力很大）我的手竟然抽筋起來！

離開公司，我說不放心，我想去 apm 走一轉先。他遂陪我去睇，期間一定要影相做 reference for 俾老闆揀和 approve！我們默契地進行，很合拍和順利，好在沒有俾 sales 鬧。。。之後，我地坐地鐵，他回家休息，而我就去灣仔，因要買 external hardisk and USB storage 。順便行太原街，搵「懶人鞋」和斜膊衫！

行到5點兩條腿先後抽筋，我方知自己仲未食野，於是在集成中心入面某食肆休息，時他回覆我較早前 send 俾佢的其中一件 model cloth，他說先買下，於是我又從集成行番去近波士頓對面，因那衫得一件，好在未俾人買左！

除此之外，我還要連絡攝影師和搵化妝師造型師，同他們 briefing，跟他們談價錢，唉，還未計要整 runfown！（我的電腦壞了，吾可以 home office，星期一又有 casting又有稿要處理，邊有時間做呢？。。。又要reply all the parties又要 draft confirmation，唉！）

趕忙了一整天，當我打道回府，在月台候車一刻，整個人算是可以靜下來。我突然鼻子一酸，因為我的人生我的生活，除了工作除了一味為人之外，好似乜都冇。。。我好想身邊有個人同我分享喜與憂，好想有人同我分擔，好想有人在我倦時借膊頭給我挨靠，好想有人在我抽筋時幫我拉筋。。。受夠了撐夠了，我覺得好孤獨！

一杯

東京之旅期間我收到個 whatsapp，係舊呀頭，佢話約我食生日飯！

呢個呀頭係我踏入社會以來，第２個好叻又好鍚我的人！還記得當時我說我要辭職時，他眼紅紅問我原委，當然都極力留我，還幫我調動一切，只要我首肯留低！最後，我都沒有留，不是因為他不夠牙力，而係那公司實在 shit！

今日 lunch，我地在 apm 間＜一杯＞食，這店門面很 high，換著平時或我一人，我不敢入，因為怕貴！我地叫了同樣的定食，因為我說我喉嚨無故生了粒大飛滋，好痛，所以他建議我食清淡Ｄ！呢一餐有魚生有壽司，有橋麥麵（伴以菇和菜，個湯底一絕，又香又冇味精），有開胃酸瓜前菜，每位加一差不多一百元！話明生日飯，我唔駛出錢呢！～

吃著說著，到 2:20 先埋單，番到公司老闆已番左，還搵我呢！

可愛男人

因仲未好番你將我的餐飲繼續轉成熱檸水！今日早餐食三文治，午餐後食了芒果西米布甸！

我想講，今日你好可愛！

2013首度發燒

六日五夜東京之旅結束，返港第三日即沾寒沾凍，前一晚凍醒三次，那時只覺得冷氣較大了。

翌日早上如常梳洗，準備拿手信給好友，呷杯立體咖啡，傾下講下下午就去上堂。誰不知行逛了後、一冷一熱、加上天雨所以身體更見抱恙，最後決定吾去上堂去睇醫生！

張覆診卡明明寫星期六開至下午3點，我2：15去到診所門口一望後O咀，什麼？！應診至下午一點？！唯有折返家中，等下午3點半去另一間睇。（礙於星期日冇醫生睇，所以今天一定要睇到，一切待退燒再算！

結果，今次病也是要睇2次醫生才穩定下來！

星期一就請了我在這公司的首次病假！他下午竟替我的工作枱拍照傳給我，我回敬他4個字：亂中有序！

*PS：多謝他每天給我買早餐以及叮囑我喝多d水和食藥！thanks a lot！

熊本蜜瓜

帶了個T字熊本蜜瓜番公司，仲拎埋把陶瓷刀，點知個刀套太實，我用力打開時不小心俾刀末𠝹到，於是我手掌側即見紅！

當時我笑說：「唉呀，多了一條紋，會否影響我的命？」我還說如果𠝹上d便是婚姻線，可能快d遇到真命天子，嫁得出！

PS：切蜜瓜前他著我小心d，我說已整到！他即說要幫我搵膠布，我說我手帳裡有！過了一會，我分派完蜜瓜給各同事返回座位，他即緊張向我瞥望說：「手！」我伸出左手手掌展示已貼上膠布的手，他才放心過來！

菠蘿雪梨汁

又係果汁時間，今日喺１個鐘頭之內飲了２杯鮮果汁！首先，係你 lunch 後買給我的五青汁；之後就係菠蘿雪梨汁！真係好夠皮！

啡熊白熊

下午突然之間唔見左你，但見你拎了銀包，我以為你去廁所！過了一會回來，還向我遞上２盒７－１１鬆弛熊！我看到急不及待打開（還俾紙盒戒傷了右拇指），第一個是啡熊銀包仔，第二個是白熊八達通套！

嘩，我有齊啡熊和白熊（雖然不是我心儀的啡熊食多士），而唔再係相同的豬鼻雞！我喜孜孜擁著兩個你幫我換的小熊，期間你還說了２次：＂好在趕得切臨走前換到！＂

原來你走了好幾間７－１１才換到！真的，真的好多謝你！

塔羅

不得不驚訝塔羅牌的神奇，它甚至可跟中式算命相生相合。但願我的命運可以掌握在手，好好發揮，取長補短，讓生命更豐盛，生活更燦爛和愜意！

白苦瓜菠蘿雪梨汁

繼昨天飲了五青汁，今日再幫襯生果店，要了白苦瓜菠蘿雪梨，味道清新可口，甜而香，嗒落吾苦，充滿菠蘿香，仲帶少少楊桃味添，好飲！

五青汁

lunch 後去士多買果汁，估吾到呢間細小又不起眼的小店，用料不頼、吾加水吾加冰，真材實料鮮榨出來！呢杯五青汁，健康排毒，鮮味吾苦吾澀，推介！

天降電解質

一年一度的 birthday K 又黎啦！好多謝大學同學 Esther 咁有心，畢業了 15 年，年年佢生日我生日，我地都同對方唱Ｋ，風雨不改！由 12:30 唱到 3:00 pm，仲包一個 lunch！（每位 $55起，視乎你叫幾多錢的 lunch）唱完她要去荃灣，我就回家，換了衫就去跑步！

33 度高溫，罕見的天藍色，我又想曬黑少少，雖然好翳焗，但我都堅持跑 10,000 米先停！唔知點解今日跑得好順，可能冇乜小朋友＋家長＋菲傭在緩跑徑霸佔和踏單車吧，計埋我只有４個成年人左右在跑！

跑畢，我走到自動汽水銷售機前，諗住拍卡買一支電解質飲料，誰不知我一按下它所屬的鍵子，呯一聲，一支 Aquarius 就跌了出來。。。我都未俾錢？！我瞥了瞥周圍，睇下係咪有人拍了卡而未拎飲料，點知又冇！所以，我認為它是個天送俾我飲的！唔通，我開始好運？

髮中情

可能是星期五 happy friday 吧，工作 mood 下降，一瞥，見你在無聊抓頭髮，抓了一條竟遞向我！吹脹地，我又竟然順手接過，看了看說：＂你髮質幾粗喎！＂你回了一句：＂係咩？＂之後，我下意識地抓了抓，抓了自己一條頭髮比對著，你看在眼裡說：＂下？！你隨時就可以拎到一條頭髮出黎？＂

我看著兩條頭髮，說：＂原來我地Ｄ髮質都幾似，顏色都好似，唔同的是，一條長一條短！。。。＂說罷，我將我地２條頭髮用紙巾小心地包著收起。。。那一刻，我想到兩個字＂髮妻＂。（當然我沒有那麼幸運）