回家當晚，父母先試味。他們說唔太甜，味道較淡；翠華那款較好飲。隔了一天，當我想倒出來飲時，扭開蓋已聞到一陣酸味......噢，忘了放進雪櫃所以變了。或者，正正因為冇試過，這粟米奶的味道彷彿就是美味的。
2018年1月12日 星期五
布甸狗粟米奶 @ 鴻福堂
這支粟米奶加上布甸狗包裝，當然吸引粉絲購買！知姐姐鐘意，用卡嘟了兩支，一支俾她，一支我和父母開心些牙，唔知佢好飲D定係之前翠華的好飲呢？！
回家當晚，父母先試味。他們說唔太甜，味道較淡；翠華那款較好飲。隔了一天，當我想倒出來飲時，扭開蓋已聞到一陣酸味......噢，忘了放進雪櫃所以變了。或者，正正因為冇試過，這粟米奶的味道彷彿就是美味的。
回家當晚，父母先試味。他們說唔太甜，味道較淡；翠華那款較好飲。隔了一天，當我想倒出來飲時，扭開蓋已聞到一陣酸味......噢，忘了放進雪櫃所以變了。或者，正正因為冇試過，這粟米奶的味道彷彿就是美味的。
新一年一月一日，南丫島一天遊！
11:10 出門口，去到 4號碼頭 11:50AM 先和姐姐匯合，再 搭 12:00 船去榕樹灣。估唔到咁快，半小時就到，落船後行下影下相，然後在 BOOKWORM 食個素 LUNCH，飲杯有機靚啡叉叉電，食完再行下睇下野買下野，於洪聖海灘去埋個廁所，3:40PM就開始行山---由榕樹灣行去索罟灣。
全程慢慢行唔急趕，大約一小時腳程 (已包括坐了五分鐘休息，以及影下相) 便到達索罟灣了！輕輕鬆鬆行下晒下太陽展開新一年，感覺唔錯。期間，我們還去了 2 間天后廟，行了沙灘，拾了貝殼，逗過貓咪，食了豆腐花，炸椒鹽墨魚丸，芒果糯米糍，有機咖啡。
由於 MISS 左班船，唯有坐 5:35PM 船出中環.。姐姐上船後即以手機 BOOK定 IFC 的千両，諗住去個廁所行下先，咁就應該差唔多有位。去到 IFC 一睇，點知顯示下一張檯號就是我地了，真好唔駛等。食完打包俾父母再搵 CAKE (因媽媽想食)，最後買了 La Famille 的開心果 CAKE 便打道回府。
2018年1月11日 星期四
2018年1月10日 星期三
2018年1月7日 星期日
2018年1月2日 星期二
2017 回顧 (*超長文，慎入！)
如果問我 2017 之我係點過？感受方面係 SAD，失望，無望，絕望......沒有更差只有仲差，樣樣事黑到爆......。今年依然受失業+失眠+抑鬱+蕁麻疹+經濟+生活問題持續纏擾......總括黎講，開心唔到！(求助？我都唔知咩途徑咩方法咩人可以幫到我。同埋，我不是低收入，而是根本沒有收入，但每天的慣常支出仍要......請問有什麼途徑或方法，係完全免費的？留意番，我是說"完全"果種。如果你知有途徑 / 方法，但是在山旯旮咁遠，SORRY，車錢我都唔知點省過來...)
今次並非第一次失業，不過，今次係我人生首次失業失咁耐……
呢一間並非第一間要 OT 的公司，不過，今次係我人生首次要 OT，O 咁耐…
呢間並非第一間要 MULTITASK 的公司，不過係我人生首次 MULTI 咁 X 多範，仲要係唔 X 關我職責範疇 / 唔關我事的公司！...原因係其他同事不濟，但又可以坐穩唔駛做，準時出糧。
點解失業？確實要再講多次我的 "EX-公司"：我一日番人地兩日的工時，SICK LEAVE又要俾人在打黎叫我番公司，ANNUAL又放唔到……得個做字，人工如FRESH GRAD…做左咁多年，連以前讀U一個SEM的學費數目都賺唔番，我真係對得住我個學位……而且，所有事真係有苦自己知！唔知的人以為 OT 係有錢計番的，唔知的人以為我係咩專業神科職位，成日要 OT 以及日日帶野回家做。……每日工作 15 至 17 小時 (未計星期六日ON CALL，以及未計在公司已做左15個鐘，之後仲要帶回家做多 2至3 個鐘...)，一星期已 OT 了至少 160 小時…OT 原因係為老闆為其他同事為呢間公司不停救火+包底+執屎…每天身心俱疲，過著拆彈包底執甩漏和沒養份的工作，寫沒心沒肺的稿與字，沒有最灰只有更灰，做到心灰意冷。(聞說我走左之後，呢廿個月入面老闆已請了 7 個人...黎緊會有第 8 個做我個職位…) 假如日本電通那女同事每月 OT 130 小時頂唔順終於走上自殺之路，以及很多很多 OT 過勞猝死或因此自殺的案例…咁我確實…
喺我為呢間公司服務的 4 年間，我知 / 眼見的已有 34 人相繼辭職 / 被炒，即係平均一年走接近 9人……即係個零月就有人走……一間公司 TURNOVER 情況咁樣，可想而知間公司有幾好！有人問點解唔 QUIT，俾我一早走左，你仲要做左4年先拜拜？冇錯，唔知點解我一生都遇上呢D PK公司…一間又一間…我唔 QUIT 因為我自知呢行難搵工…我驚再失業，仲要係唔知會失幾耐果種…儲蓄彷彿留待失業用，好諷刺！
因為 workload 及 multitasks 到不似人形，OT 破晒自己出黎做野咁耐的紀錄；每日寫D冇心冇肺的稿 (為的是個老闆 / 話事人係一個肯肯定地球係方的人，所有事及說話都離地到去火星…事無大小都要包底包底再包底，扭盡六壬企圖成件事出來冇咁”犯駁”及唔會踩進”商品說明條例”…已夠我過勞死！心力體力精神超額透支)…最後攪到抑鬱復發而不得已裸辭…日日番工無故喊，LUNCH 想跳天橋+衝馬路，坐地鐵想跳軌，後期逼迫到 LUNCH 帶埋 CUTTER 或以匙卡 / 廁所鎖匙去公園自殘到要70歲呀媽流著淚同我洗傷口…精神極度困擾，困+痛苦+窒息+忍無可忍，唔裸辭又死裸辭後又死。裸辭後又因為生活呀經濟呀家庭呀等問題日復日的轟炸，令抑鬱更抑鬱、令困更困…。死？我想過無數次……
假如以 2017年12月31日為期，由我裸辭 LAST DAY (記得LAST DAY當日我也要 OT 至晚上 9 點幾先正式走得…) 起計，迄今我已失業了 20 個月……
除了感到無常之外，更感諷刺。諷刺係我因為頂唔順嚴重抑鬱而辭職，又因為辭職而長時間失業令抑鬱百上加斤…好 / 康復？點會好呀？講得出 “趁呢段時間休息下囉！”這話的人一定未試過失業，未試過失咁耐業！---精神+環境+生活等等樣樣都係問題，成家人攬炒，睇醫生又冇錢，又唔可以阻止自己唔病！…唔好去諗？點唔諗？一攣大眼就要面對一整天的生活各樣…
就喺呢一個空窗期，除左 LAST DAY 那天回家瞓到之外，其餘日日都失眠…眼光光至翌日9AM…透支到自動關機先叫做瞓到，瞓到下午一點幾左右自己又醒。有時要隔日先叫做瞓到3、4小時。又，因為冇收入，每日要等下午 2:30 後先食野，一餐頂成日，因為唔知仲要失業到幾時，因為 TEA TIME 時段平呀嘛…。有時等到 4:30PM 後，某D麵包減價先出門口買來充飢…。呢D野 / 生活點開口同人講，講出黎都冇人信，我甚至唔知應該點樣求助…朋友？坦白說我近乎零，無人知無人問有時會自我安慰說，冇朋友都好，起碼唔駛應酬費或要同人交代D咩…(聽很多抑鬱症患者或相關機構廣告說，什麼同朋友傾，同家人傾……其實，佢地有冇諗過，有D人真係冇朋友的。唔係因為佢地另類怪異，而係一直以來走近的，都係討著數或覺我林善好人，最後都係攞完就走，用完即棄，冇利用價值就把我丟開。經驗累積以來話我知，原來，好心係冇好報，好人唔會有奇蹟的！雪中送炭，有，但一定唔係發生在我身上囉。)
想進修，讀一D政府鼓勵中年就業、鼓勵中年+失業的人就業的 ERB 就業掛鉤課程，免費之餘有野學有D有津貼，有D仲跟進你就業情況。打電話去問兼約好面試，到面試那天佢知我係大學畢業就拒絕了我的申請 (我之前打黎問過你話得，我先約面試架喎)，IN 都唔駛 IN 就叫我番閨 (呢一程來回車費對我黎講真係浪費左，而且係我一日的飯錢…)…咁你又話鼓勵中年+失業的人就業嘅？大學畢業唔可以失業嗎？失業冇收入又何來搵錢黎報 “非 ERB 課程”呢請問？？！！…時代唔同，政府係咪要修例呢？？？
…錢唔係萬能，但冇錢真係萬萬不能…身為窮 L 唔該千祁唔好病，如果唔係…
好諷刺！進修與否其實取決於你有冇錢。有心冇錢，唔得！冇心有錢，得，得左！有D人只係有錢，進修可以揀什麼大學的業餘進修課程，或似樣的的私營商業機構的什麼銜接課程。冇錢的，只可以考慮工聯會，YMCA，明愛，以及聽都未聽過的機構主辦的課程，平極都動輒四位數字...仲要唔知有冇 CERT，唔知認唔認可，証唔証明......。當然，仲有更諷刺的，就係人地可以放工去讀去進修，我就要包底來 OT...番工時間一日尿都柯唔到兩次，瞓都瞓唔到，進乜X野修。錢與時間，從來對我來說都極之奢侈......能者多勞，睇你點睇啦...過勞死個 "勞" 嘛！
向來人工唔多但支出多 (我是家庭經濟支柱，寧願慳自己唔慳人)，娛樂消費已近零，幾困幾慳我都捱過，每天用意志力生活的日子好難受…再加上病…真係病向”錢”中醫！係真架，今年我病了 3 分 2 日子…已用了 5 位數字的醫藥費，我冇誇張，真係堅用左 5 位數字黎睇醫生…平時慳慳埋埋都一舖俾晒醫生…越窮越見鬼！保險？！哼，唔好X提了…暫時我一生都黑都爆，遇人不淑，俾人呃…都唔少經驗了。有心人裝冇心人，真係防不勝防…天欺唔欺我唔知，但人善一定俾人欺囉！
以上講左好多好灰但係真人真事的事實，以下講下我喺 2017年做過D咩：
1)睇了多個畫展 (藝術的、非藝術的、以及關於佛教的)
2)行了多個公園、沙灘、走訪各大街小巷
3)再次打壁球、跑步
4)參與 2 次浴佛
5)參加了 2 個不同單位主辦的攝影比賽
除了以上五項，還有多個”第一次”：
第一次去拜姻緣石 (過往無論是否做得成情侶的異性、或是走近的異性，個個都是有目的+企圖，切頭切尾都給我「重陰影」；聞說姻緣石的石公石婆只保佑正姻緣，好人緣及健康，所以我思前想後，最後決定去拜姻緣石！我去的主要原因，並不是想拍拖或什麼，我只希望之後遇到的人 / 同事，特別是異性，都不是冤親債主、不是渣男、自私+機心、用到盡用完即棄，不要再來攞債、不要再來玩弄及討什麼著數！無論新識的人 / 朋友或可能識到的伴侶，都是善良，不自私的……「真」好人！)
第一次以新開的專頁冠名贊助，請老人家食素食茶點
第一次和媽媽一起打鞦韆 (沒錯，就是我咁大個人的首次)
第一次參與賣物會做檔主 (第一次去珀麗灣)
第一次去 PMQ、第一次去鯉魚門
第一次參與千人禪
第一次著和服
第一次睇極光 (嗯，估計自己有生之年應該不會到芬蘭、格陵蘭「現場」欣賞，唯有購票入場，在太空館看！)
第一次一年內換三個枕頭都唔岩…
第一次半癱……
第一次接受艾炙治療 (腰骨及肚臍…後者更被熨傷)
第一次一個月內睇 11 次醫生
第一次睇骨科+做物理治療
第一次入東區醫院
第一次連續幾個月係咁生瘡、生石頭瘡
第一次失業失咁耐
第一次連續睇兩個月中醫，日日食中藥
今時唔同往日！social
media 的搶灘令呀豬呀狗人人都係作家 / 寫手，CONTENT FARM 輩出，開 LIVE 就係 KOL (不禁失笑)？！…而家唔會再有人重視內容、做資料搜集，一味講快講爆講誇，什麼是真是假，什麼是誠意有 HEART，什麼是公信力什麼是道德，什麼是理想……面對今非昔比、乖張的內容與無數的錯別字，繼續從事寫野工作真有點感到違心…家下D人想睇想知D咩大家心照啦。
冇人尊重寫野嘅人，初入行時唔覺，因為我團火燒得正盛 +又係自己心目中的理想職業，而且身邊的同事都係敬業樂業，對這行有熱誠的一群。後來從事 IN-HOUSE WRITER 之後，身心感受到各上市 / 未上市的老闆 / CEO 乃至同事等人，原來認為WRITER 係唔駛咁多錢請的，甚至乎人人都識寫野 (尤其中文) 駛乜特登請個 WRITER 番黎，WRITER 唔係一門專業…如是者，”唔尊重、覺得 WRITER 冇野做、邊有咁多野寫” 等情況司空見慣，甚至情況危殆！！！這是千真萬確，真人真事！我話你知，唔係識打中文就係 WRITER，正如唔係用手機影相就係攝影師，用 APP P圖就係 DESIGNER……又，因為網媒勃興，而家的 WRITER 淨係寫野嗎？非也！少年你實在太年輕了！
而家的WRITER的職責範圍包括：
1) 寫 FEED (各大SOCIAL MEDIA CHANNELS及FORUMS)，
2) 寫稿 (正稿+鱔稿—今時今日仍然有”身為這職位的人”唔識讀”撰稿”個”撰”字，以及寫錯”鱔稿”個” 鱔”字…請番查一下此字的來源和解說吧….真係！！！
3) 分身做記者、KOL、校對；
4) 同 KOL 或 EDITOR COMM；
5) 影相；
6) 拍片；
7) 剪片；
8) 搵客；
9) SELL客；
10) 梳化服；
11) CS；
12) IT；
13) WEB PROGRAMMER(因你一定要識HTML+CSS+JAVA)；P圖；執相；DESIGNING；
14) 度橋；
15) 搵料；
16) 跑數；
17) 幕前出鏡；
18) 出席品牌及其他競爭者的FUNCTION(多數晚間或假日，即係預左要OT，冇補時冇補水…)；
19) 做 LIVE(本地，如你去旅行都要，例：介紹日本藥妝 / 必買好物 / 必食推介等等)；
20) 白老鼠(因要試食試妝試衫試手機相機試玩報告等等)；
21) EDITING；
22) 睇DATA；
23) ANALYSIS REPORT (SOCIAL
MEDIA)；
24) 落AD；25) 出AD；
26) PROJECT統籌；
27) PROJECT MANAGEMENT；
28) 聯絡；
29) 買辦；
30) SETTING
31) 處理關公災難……
仲有其他，如跟印刷(包括由QUOTE價開始，拎去印，睇色，跟色，拎打稿，交涉，還價，拎印刷完成品)……走訪各大連鎖個人護理產品店(影相或買競爭對手產品)…以上所有 ”職責”，我做過我真係做過，同步分身再分身，你話唔OT….幾難啦！(都話多野做包底拆彈執屎，我一日都未必去到一次廁所咯) 單睇以上 ”職責”，根本唔係 “一個人” 做晒的，更加唔係一個WRITER ”要” 做的。
我喺呢行堅持左接近 20 年，聽過無數次說我戇居，叫我放棄，搵唔到錢搵唔到食...等等的說話。工時高人工少已是不爭的事實，加上很多的潛規則，很多人前人後變臉人，以及叫人作嘔的人和事......識得好多跟我同期的同行人已相繼轉職轉 FIELD。除此之外，加上年紀及將來問題，我人生中呢 20 個月的 ”樽頸” 令我睇清左好多人和事，以及諗左好多好多…
訂閱：
文章 (Atom)