Get A Life: 6月 2015

2015年6月20日星期六

麥芝蛋包

有時唔想食三文治，唔想食熱香餅，而又想食Ｄ野，想食芝士＋蛋的時候，麥芝蛋包早餐係不錯選擇！

只係＄１３，有包有咖啡，又有我想食的芝士和蛋，佢用上茄汁，半溶的蛋和芝士，很開胃很好味！（用埋報紙贈券，再減＄５，成個早餐只係＄８，好抵）

赫見原來早餐有一個包叫＂芝士雞堡＂，下次試下先！

照片中的薯餅係借來「戥腳」的！

流汗解愁

午飯時間未見肚餓，又唔想留喺公司，於是逕自去打籃球！出一身汗，解滯也好，解愁也好！打了３５分鐘，成塊面紅到瘀色，咀唇卻灰灰白白，汗流浹背，不得不去７仔買支水動樂補水補電解質。

孖蕉

呢梳牛奶蕉好攪笑，背面睇有３隻，正面睇卻有一個是孖的！好一梳＂孖蕉＂！不過，它的中央部份是硬硬的，不知是否連蕉都要打針。。。為了安全起見，最後冇食丟了！

麥記 PANCAKE

有去跑步，加上又係 HAPPY FRIDAY，我容許自己放肆一下，要了個麥記４號早餐：有４塊 PANCAKE，一塊豬柳，一件薯餅以及餐飲！食完，好飽！

雲斗羅

這ＣＡＦＥ的早餐，有這個提子包包，因形狀旋轉著，我就叫它做雲斗羅！味道不錯，外皮像牛角包的質地和味道！

失魂落魄

到公司樓下的食品批發店買點小食給姐姐和 CHLOE 妹妹，付款時我把手上的東西放了在收銀檯上，只是還有一支水則用手踭夾著（當時我沒有拎購物籃，手踭同時夾著一件外套），因心情彷彿，差點有一支水沒付款就行了去，幸好店員提提我，致不會出現Ａ１或Ｃ１的＂新聞＂！（因為$3一支水沒有付款而見報，真係冇人認同）

我想說的是，其實當你惦念著一些事情，很容易會直行直過，失魂落魄。。。

風光明媚

因病，天氣問題，已有好幾個月冇跑步！上星期日跑了個多鐘，今天又跑了一個鐘，沿途風景依舊！

睇中醫

蕁麻疹番發，又紅又痕又刺痛，又去睇中醫！睇番藥袋，上一次睇係去年７月１９日，今次去睇，連睇２次，個醫師仲同我用梅花針針頭，頸，背，手腳等穴位！

醫師說我腎很差，內熱，熱毒導致身體機能／免疫力失衡，而且花生，豆等悽物不能食，因會氣管腫大，影響呼吸！

今次又係一些味似跌打酒的小藥丸，每次都要分開幾次飲大量開水送服，期間又會反胃呢！每次 $650，只是呢一轉，都睇左千多元醫生了！

又係烏冬

下午茶時段在大家樂食野，要了海鮮湯烏冬＋紅豆 MOCHI 套餐 ($24)！晚上在大快活要了一口黑豚咖哩飯＋豚肉烏冬套餐 ($35 + $5 要了杯熱飲)！一連兩餐都是快餐，一樣是烏冬。。。因為冇野好揀！

論湯底，大家樂好味點，可能有蒜味！大快活柙個彷彿似是麵豉湯，但沒有麵豉味！論烏冬本身，則大快活比較彈牙！後者個飯，咖哩汁唔夠，我只是食了有汁附著的飯，餘下的不吃了！佢話係一口黑豚，似普通炸豬扒多Ｄ；而烏冬裡的豚肉，根本就是＂２片＂豬軟骨。。。

上完佛，姐姐提議鋸扒去，我驚訝了會，就說好！去到好多人，等了１５分鐘左右（已算快了，因當時好多都一家大細，成七八個人，我們二人很快便輪到！）就入得去！

以前食過牛扒，一但韌的話成份餐就食唔落去！雞扒又好似唔太抵，魚我又唔食，ＯＫ，就要個雜扒！

波士頓的紅湯不及花園餐廳，個鋸Ｄ汁又少得可憐，雖跟鐵板上，但因汁太少而沒有＂時時聲＂，有Ｄ失望！（侍應端來時還叫我拎起餐巾遮住，其實又何須遮住，因根本冇＂時時＂！）

個雜扒有牛扒＋豬扒＋雞扒＋煙肉＋雞翼＋白肉腸，仲有波浪薯條！幸好我這舊牛唔太韌，基本上成個扒令我驚喜的是片煙肉，它的味道不像平時食開果Ｄ！另外，要讚的是這裡的餐飲夠大杯，不像金鳳和太平館那種的骰形（呷２啖就完，根本唔夠飲！佢仲要加錢先有杯＂大＂的，就算加錢要了大杯也比這裡的細杯）。。。