有趣如你

明明Share卡樂B雜菜條，你裝滿一杯之後遞給我又收回，再次遞給我時赫見𥚃面有粒紅棗！你仲把雜菜條依紙巾「造型」而裝多「一隔」！

Share 忌廉汽水，遞給我時赫然聽見「支支」聲，一看，原來你竟然特意加多粒益達香口珠落去！

是否從事 creative or advertising 的人都創意十足、百厭頑皮？如此無聊舉動逗得我很窩心！沒錯，這類人最能吸引我。假如是 couple，這些小情小趣確實令生活添上生命。

Caffee Kenon

落地玻璃，人流唔多，環境舒適衛生！估唔到這裡上菜咁快，食物方面又估唔到個意大利飯咁好味，賣相唔差，份量亦恰到好處！杯榛子鮮奶咖啡，層奶泡又厚又綿密，拉花睇得出好用功用心，成杯咖啡飲晒佢都唔散唔變淡消失！咖啡味唔苦唔澀。價錢方面比一般西餐廳便宜，出面食意大利飯，先唔講好唔好食，閒閒地都要$9X至$1XX，加埋一真係百幾蚊一個飯！（仲未計某Ｄ餐廳要＋$30左右先有湯和餐飲）

誤打誤撞來這兒用膳，估唔到咁驚喜！

皮膚問題

之前的蚊＂LAN＂問題像平息了，可是另一些問題又出現！都怪飲食習慣唔好！

向來我都唔飲水（除了食藥送口要飲水外），要像都只限飲中國茶！唔知係咪因為咁，再加埋上次蚊咬事件，將身體問題一觸即發！我影了Ｄ相，因姐姐近排定時睇醫生，幫我順便問醫生＋拎冇類固醇的藥膏。

其實是這樣的，近排（尤其是晚上６時後），手指，arm，前臂，腳底，下顎接頸位都感到針吉的刺痛，然後會出現一道道類似風 lan，或皮膚給湯煲熨傷的紅痕，有時像抽血時拍打血管那樣的凸起；不太痕，但刺痛不適。這些痕印過半個鐘就不見了，然後轉換了另一個位置出現，又是針吉的刺痛！很奇怪。

手指側白色「光位」，先是刺痛，後轉成一笪！

尾指第二、三節白左一笪，像閃電加感嘆號符號，不規則的風lan狀物體！

轉過頭它出現在指間，又凸起如蚊咬狀的長型

有時像幾粒蚊，又紅又刺痛！

醫生說是身體免疫力問題所致，特別在炎熱天氣好多人都會出現！就像有人會流鼻血，冇得斷尾，唯有乾燥天氣小心Ｄ！醫生又說我這情況極其量只會開藥膏，需要時搽！（由於Ｄ紅痕像快閃，出現又消失，又轉換位置，根本唔知點搽！）如果怕的話，可自行戒蝦，蟹，海鮮，牛，蛋，筍等食物！當然，睡眠和壓力也有直接關係！。。。

唉，真不知道為什麼會出現皮膚問題，近排我多了食素，唔通一旦食肉就會這樣？唔通，我僧就此轉成素食者？是身體警號？還是天意？

77 49日

眨眼間有機班已到尾二堂，通菜長得好高，紅莧青莧都有野睇，至於櫻桃蘿蔔則如上星期那樣！

可能呢排勁落雨，Ｄ根和紅莖都甫左泥面，今堂超時，我只有時間將Ｄ泥蓋著露面的根和莖就要走了！下堂就係ＬＡＳＴ，我仲諗緊上唔上延續班！于１幾貴，二來時間方面有變，如果報班，上完堂之後唔湯唔水。。。呢個禮拜要好好諗下！

有機班第６堂

有機班已上至第６堂，上堂因為食了感冒藥所以冇番，今日即刻問番同學影低Ｄ筆記！

第６週Ｄ通菜己生得好高，紅莧和薄荷都乖乖生長，而櫻桃蘿蔔更見驚喜，幾乎是收成摘我，不過我想再等一星期先摘，同時間，我想帶他來看看我的成果（縱使唔知有冇呢個機會。。。）！

今日插了Ｄ竹扶正Ｄ通菜，將櫻桃蘿蔔以泥埋好（因雀仔見到紅色就會啄食），就走了！我正在躊躇要不要上延續班，因要＄１８８０學費，差不多二千元，有點貴！。。。

得果適

初時喉嚨腫痛，睇西醫，食藥期間轉成喉嚨痕＋咳，之後一直咳到食晒Ｄ藥！咳的情況嚴重左，尤其是食完生菜（沙律菜）＋凍飲（白開水），之前一直都食史立消，又食過念慈奄喉糖，真心講真係只係喉糖，止咳止喉嚨痕喉嚨乾都唔係好得！有人說金桑子和佩夫人的喉糖得，但藥味太重難入口，而且薄荷太嗆！。。。於是我買了得果適（唔係得果定，因為得果定係粉狀片裝，似藥粉，口感差，我唔太接受到！）

得果適有檸檬和藍莓味，初時我買一心只係搏一搏，不過呢幾日通常凌晨咳醒，飲水唔止到咳，於是食一粒！它效果出奇的好，食一粒喉嚨似舒緩，唔痕唔咳，可以再入睡！日頭咳到頂唔順時我又食一粒，一粒可以頂到７個鐘左右！睇佢張說明書，佢有殺菌成份！似乎，得果適唔錯喎！

又睇醫生

咳到死，西醫唔得轉睇中醫！有沖劑煲劑我揀，我揀沖果種！中醫說我陰虛叫我戒口，至於戒Ｄ咩我已經唔記得，因為我諗緊其他野。。。佢開了３日藥，早晚各一，隔４小時沖黎飲，盛惠＄２８０！由於佢唔係俾正單我，ＣＬＡＩＭ唔到！。。。呢期的醫生費真係甘，已經超過一千五百蚊！

沖好，Ｄ色有Ｄ稀，冇想像中冇一般煲果Ｄ中藥咁苦！唔怪之得佢冇俾涼果我送口啦！

pacific coffee 小立方

喺 PACIFIC Coffee 等職員沖咖啡時，見 cashier 有一舊舊小立方，原來是旅行萬能插頭，仲有ｕｓｂ添！重量輕巧，顏色好靚，清楚標示那個國家／地方你應用那種插頭，很窩心，反正實用兼有需要，忍唔住又買下！佢有螢光綠和螢光粉紅，我要了後者！

提早慶祝母親節

提早慶祝母親節，12 點去對面＂米芝蓮＂的酒家飲茶，再去東海堂拎蛋糕，加埋 PACIFIC COFFEE，完成！

傳統雞肉大包，勁多饀！

獲獎荷葉飯

雜炒陳村粉

皮蛋醬（味道似腐乳）凍豆腐

芝心炸蝦丸

菠蘿奶皇包

黑芝麻流沙包

呢個北海道 3.6 牛奶芝士蛋糕，聽人讚得多，今次都係第一次食！成個蛋糕，只係上面Ｄ白朱古力片比較甜（但有好香的牛奶味），下面的芝士蛋糕，芝士味唔太濃，整體亦唔太甜；批底以朱古力 OREO 餅乾製成,味道好夾,顏色好夾！而蛋糕邊的 CREAM 係又軟又滑的云呢拿，怕甜的朋友都可以一試！

十勝紅豆桃哈多

驟看以為是蕃薯味，原來是十勝紅豆！很特別、很美。味道依然的桃哈多，甜甜的很窩心，幽幽的紅豆味，我咳都忍吾住食左半包！

7日内睇第４次醫生

再睇醫生，今次係冷親同咳！喉嚨腫痛，又喉嚨痕，日咳夜咳，沾寒沾凍，食完藥個人溫溫盹盹，咩都做唔到！

晚上上佛課，順道拎埋Ｄ藥膏！姐姐個醫生好攪笑，一小瓶藥膏（個藥名竟然查唔到？！），另外還有一包＂Ａ＂藥膏！它就像化妝品專櫃附送的 sample，背後的文字除了＂日本製＂之外咩都睇唔明。。。究竟係咪藥膏黎架？咁兒戲嘅？醫生開？講出黎都冇人信！。。。我真係唔敢搽！

請假？！係要還的！（唔請假，都已經嘔凸俾你啦）

星期一請了病假，翌日番到公司老闆即問做咩病。。。星期二，三照樣 OT！之前老闆鐘意假期 call 我番工；近排老闆鐘意３點說佢番大陸，今晚番！換言之即係要我等佢，一等就是９點１０點。。。

昨日，同事走晒，就算我整完Ｄ字都冇人砌 layout，我見老闆在傾長途電話，７點半，我走！（因為Ｄ藥令我太倦）誰不知８點半老闆打來，劈頭便說：＂你做咩走呀？Ｄ字你今晚 send 俾我！。。。＂我藉詞說我要去覆診，老闆就換口風，說：＂咁你聽日整架啦呵！＂（聽日。。。假期喎！雖然我知道我永遠都係冇時間做野果個，我要擠自己Ｄ時間來 ton 俾人地做野，人地就可以專心，鬆動地做每一個 layout 每一個 job）

今天一早，老闆即打俾我，說我整字果時先打俾佢！下午我回電她，她說：＂你而家整／寫架啦，整完 send 俾我，我今晚睇，明早同你傾！你知啦，聽日隻稿要 upload。。。＂我知我知，如果唔係我地冇 marketing，你改完又改（今云已是第２０轉稿），諗到又加Ｄ，諗到又改Ｄ，根本冇 point，隻稿變到體無完膚，又唔 match。。。換轉係 agency，一舊錢只可大改一轉，細改３轉！你咁冇方向冇 plan 地改，一隻稿可以用晒你副身家！

不過咁都冇辦法，都係要照做，我就要咁樣用自己Ｄ假日／私人時間，來成全其他同事做野！。。。除非辭職啦，如果唔係都唔會改變！ say NO？第一日出來打工嗎？

講番Ｄ蚊咬，食了７日藥，搽了藥膏，狀況改善了！醫生上次說我是皮膚細菌感染，由於藥膏幾近用晒，適逢姐姐今日去睇醫生，於是將我蚊咬情況的照片俾佢醫生睇，她醫生說我用緊呢隻藥膏有類固醇，是重藥！用得多塗得厚會令皮膚變薄，第時易出血或紅腫一大片，改俾了第２隻藥膏，叫姐姐轉交給我！（至於點解我唔搵番我睇果個醫生拎藥膏，唉，都唔好提啦！。。。集團醫生／姑娘，真係。。。）

Before--一粒蚊（冇𢱑）變成一笪野，好多紅點加水泡聚集一堆！

Cure for 7 days--情況淡左，但變深左顏色，好似d暗瘡印咁！

她醫生又說我這情況是毛囊性感染，除左本身免疫力弱容易受感染，容易借傷成毒之外，唔夠瞓，壓力少是主因。嘩，唔怪之我俾蚊咬會演變成成身好似出疹咁啦。。。咁樣，睡眠不足和壓力，近排異常勁，唔通真係辭職抖，療養身體咩？失業果種壓力，又係補唔番的！。。。矛盾！