舞火龍 2012

做節 @ Cafe One

腰封

你的無微不至的確令我未能忘懷，一早，你就給我你曾用過的腰封，還示範用法和叮囑我要索緊些......一切一切都很細心，感動！

孖必

今日午飯後同你孖必去shooting，二個鐘後又孖必回公司！

因病有感

一早同老闆請示，今日覆診所以想早15分鐘走。臨放工仲有好多野搞，吾得掂，入去老闆房說明天先交俾佢（明日下午要shooting，所以只有上半晝做！
趕到去醫館，針灸，電療，拔罐，拉骨，今次佢見到我腰舊患，針腰勁痛，吾知佢有冇落錯針......
醫完我成個人反而仲梗，回家途中突然感觸落涙......諗番起好多以前被唾棄的許多幕......

Lunch @ 佳閣

沙爹金菇肥牛大碗飯＋蕃茄忌廉湯＋熱飲，呢個 set lunch 個湯好得，又似龍蝦湯又似南瓜湯！個飯又入味，屬有誠意之作，正！

尾龍受傷第５日

尾龍骨受傷，最痛就係咳嘅時候（果種拉扯住痛，由尾龍直上肺部，左手更影響至一度痛到震抖），除此之外，最痛就係瞓覺＋瞓醒時！

因為躺不得，只可側睡或伏著睡，左邊睡得久要轉至右邊，整晚左右左右轉幾次，睡得不好！睡醒時，更起唔到身。。。整條腰板僵直，尾龍勁痛，單單落床這個步驟已教我折騰。坐下嗎？我只可＂Ｌ＂型挺直腰部來坐，不能坐後也不能挨著靠背，因為個身子一挨後，尾龍直接受力，以及直接靠著椅墊，會勁痛！整日＂Ｌ＂型坐，腰背最受力，長期挺著，條腰相當倦！（又挨唔到）另外，兩隻腳，不論大腿小腿，因Ｄ力唔到，所以變得神經痹，像坐骨神經痛果種痹痛，又因為Ｄ力唔到，所以血氣唔到，整天都是凍凍的，要用手搓捏才會好些！。。。

說到這裡，我會想起自己老時，風濕或整親無人理、生活無依，境況淒涼！我又會想到，為什麼怨豬頭都有盟鼻菩薩？為什麼港女依然吃香有價有市（縱使男士成日話Ｄ港女乜乜，Ｄ港女物物。。。但佢地所揀的／佢地的另一半，都係勁愛說是非，勁公主病，勁港女，勁老奉遲到，勁shopping的女人）。。。心地好具內在美的人，就是只可做＂夏迎春＂的角色？想被寵被愛被尊重被重視，得！第二世啦！

睇醫生

昨天約好，今日你陪我去睇醫生！

今早我６點起身然後等出門口，差不多到法定時間，你whatsapp我說要遲３個字，冇耐後你再打俾我，說黎到鰂魚涌打俾我先落樓！

我地先去對面叫＂茶餐廳＂的茶餐廳食早餐（我起碼１０年冇食過早餐！），你仲分左件奶醬多我食，食完就去坐過海巴士到紅磡睇中醫！去到我地有說有笑，我仲叫你唔好坐咁埋，費是聽到醫生問我Ｄ女人野！之後，執藥哥哥竟然幫我＂霸尖＂執藥（本身已有十幾張藥單在等候），我Ｄ藥執好就等埋你！你知我怕飲苦藥就俾晒Ｄ陳皮梅我！

由於我下一個跌打症係11:30，於是我地坐小巴離開紅磡！我說我怕坐小巴，因為以往經驗冇一次成功叫到落車，你就話同我一齊搭！去到佐敦柯士甸道落車，你陪我等睇腰骨，於是我地去左美麗華星巴克！差不多11:00，你叫我坐地鐵去油麻地，你就搭船返港島區，我地分別冇耐，突然在閘口赫見你就企喺我右邊！你說唔搭船，改坐地鐵回家！月台上，我有車先，所以我們就此散了。。。

針灸＋電療＋拔罐＋施梅針（勁痛），醫師說我尾龍骨裂了，要抖一個月！期間只能坐軟椅，不能郁動不能坐得耐！而且不能再整親，如果移位就麻煩了！（尾龍骨位打唔到石膏）

Anyway，雖然我把恙在身，但我好開心！因為。。。

Eason @ apm

吾開心吾開心，只是見到你，我才鬆開緊皺的眉，真心的笑出來！

跌親

昨日下午，我起身出去拎 print out，然後折返座位諗住坐下，誰不知原來我張椅移了開去！結果，砰彭一聲，我先壓過椅下的伸枝＋轆子，再彈回地。。。

我一屁股跌坐地上，由屁股至尾龍骨到坐骨神經都很痛！時，身邊３位同事都應聲站起望向我。。。當時我只係蹲在地上，痛得不懂反應（又十分尷尬），抬眼望著他們，然後扮冇事，再直撐到ＯＴ完畢放工！

今早，雖然他致電問候，又企圖說服我去睇醫生！可是，硬頸的我顯然以工作第一，他不得要領，叫我不如今日早一個鐘頭走，然後去睇醫生！我說：＂唔得喎，今日我想去apm（因為 Eason 會出現）！＂。回到公司，他立即叫一位同事將相熟的醫師電話給我，午飯時，他又伺機叫那位同事暗地幫我預約，因為，他知我脾性，估到我一定唔會去睇。。。臨放工，他＂帶頭＂準時走，因為他知我準會為工作逗留，唯有全世界都走，我就會肯乖乖放工去apm！一切一切，我都知係為我＂籌謀＂。。。

就在＂同事＂這個身份之下，或者，可以做的就是這麼！這個我當然知道，但，又怎樣！

獨女

泡麵跟我是朋友，熟悉得不需要抬頭！

維他紅豆豆奶

初出時買了一pack，點知請晒俾同事飲！闊別三年後適逢減價再買，回家後我急不及待即飲一包，啜一口，嘩，紅豆同豆奶好夾，二者合而為一，而且佢低糖吾太甜，吾似出面d紅豆冰咁，真係值得推介！

蕃茄味百力滋

食完葯個人好散，睇怕都跑吾到步，於是去茶仔求其食左隻熱狗就去買六合彩！中秋金多寶八千萬喎，中半注都好吖，買完經過759阿信屋，見到蕃茄味百力滋大大包（9包入）只售$25，即刻儲糧！回家後趁仲有d精神，又開始home office!

6秒

上星期日跑完步洗完面出黎，心癢癢想試玉泉隻Ｃ＋有汽檸檬茶，於是去汽水機拍卡買了一罐！由於個人仲好熱，一身臭汗，一口氣飲下去覺得好爽，仲打噎添！點知，之後就咳了一星期！。。。

今日食完野去睇醫生，上次等了個幾鐘睇了約十至十五秒；今次等了45分鐘卻睇了６秒，冇錯，係６秒而已！之後等了半個鐘先拎到藥。。。一次又一次打破紀錄，係咪醫療卡就係咁架呢？

今次Ｄ藥同上之唔同，回家後上醫網對番藥名，發現其中一種係必理痛。。。

好立克新地

見到麥記推出好立克新地（$7，double 新地要 $19.9）／麥旋風系列就想試！媽媽說成７蚊一杯，好貴喎！其實我都冇諗咁多，因為麥記的雪糕向來不賴，而且出去茶仔飲杯熱好立克，細細杯，畢２匙羹好立克粉加水，賣成 $11 一杯！而家呢杯好立克新地，除左軟雪糕之外，睇佢個 topping 都有成２匙羹好立克粉，其實已經平過啦！

食過之後，覺得好立克粉同云呢拿雪糕冇想像中咁夾！同埋當你吃了一羹，再畢第二羹時，因為 spoon 已沾濕了，所以Ｄ好立克粉就會凝起來。不過，都ＯＫ嘅，可以一試！

又黎執狂！今次係獅王！

之前說過，媽媽到時到候就會對一樣東西執狂，好似有一期狂整鹵水雞翼、有一期狂買唔同牌子廁紙、有一期狂買唔好用又丟過的洗頭水，今次，她對牙膏執狂，繼之前的炭牙膏、高露潔淨口氣／美白牙膏、抗敏牙膏，到今次獅王２隻美白牙膏！

試用過後，其實咪又係一樣！。。。何來美白何來防敏感何來淨口氣，不如食粒香口珠好過！見層架裡有支新出，顏色大紅噹噹，由Ｓ大代言的高露潔Optic White，好，我又試下先，用後感後補！

鮮奶抹茶

星巴克嘅鮮奶抹茶真係好得！

我有拳頭（權投）

今日起身後第一件事，就是盡「公民」責任，去投票！

見笑了，這回是我平生第一次投票！並非一直以來我都政治冷感，只是多年來各候選人都不是那回事，政綱不盡不實，譁眾取寵，誇誇其談，言過其實，信不過更談不上要給他一票、旨意他！但今回可不是了，政治意識加大氣候環境，最重要是我係香港人，心中火焰燒得正盛，我，要投票！

熱血

換了件黑衣就出門，為的是去政總！

步出金鐘地鐵A出口，已見無數黑衣人，大家向著同一方向邁進！我雖孤身一人前行，但感覺熱血！我拿過＂撤回＂（黑紙）和黑絲帶，沿途看到＂關聯的＂種種塗鴉及二次創作，之後在天橋上駐足！瞥見教師發言小區，絕食區，站台，天橋上下乃至添馬公園、添美道、夏愨道等，你我無分大小無分國籍，因為到這裡來的，全都是熱血人士－－大家雖身穿黑衣但內血流著鮮紅熱血！