這篇日記主要是想講因為肩頸問題而去呢間中醫果度睇……點知發生不愉快事件!
事情起因:某朝起床時身體突然變癱,上半身郁唔到而無奈要去睇醫生。當時揀了睇中醫 (針炙),因為之前坐骨神經及尾龍骨整親時睇過,覺得OK,所以今次第一時間,都係睇番呢間!(不過唔係之前睇過的醫師)
由於事出突然,而且我實在好擔心,所以未及預約!睇卡片知佢地開 10 點,於是 9 點出門口去最近的灣仔那間分店!(凌晨4點痛醒之後瞓唔番)
媽媽見狀就提出和我去睇醫生,去到係 9:42 AM,企喺門口等到佢地 10 點開門,諗住就算冇預約,都可以 WALK-IN 黎睇醫生!點知…D姑娘說醫生 11 點先番…下,雖然醫生遲返係平常事 (出面間間私家醫務所都係咁!),但你地明明寫 “10點應診”而唔係 “10點開門”,咁點解醫生要成 11 點先返呢?講緊係 ”應診”喎,咁係咪違反商品說明條例呢???…呢一點暫且唔講住!等到 10:40AM,第一位醫生返工啦!我叫姑娘通傳,睇下她可否睇睇我先…(注:當時一位病人都冇!)等左一陣,姑娘說可以,於是我就入去睇呢位醫師!
唔知係咪媽媽和我入去關係,個醫師感覺好好人,又慰問,又說有病人梗係睇啦 (儘管我冇預約)!問診和針炙都好細心,講了會診程序,有責任而且好有交帶。
相隔三日再去覆診,就見到她的 ”真面目”?!……
今次我自己去睇,因為媽媽突然發燒…當日,我係她、甚至成間醫館的第一個病人!我入到去,個醫師好快問完診 (問診時間快過上次好多,又冇慰問),就開始針炙!
她刺了8支針左右,就問我:你痛的地方應該落晒針啦呵?
我:(因我趴著,根本睇唔到D針,只憑感覺回應她)…應該係呱!不過…(話口未完,醫師已搶白…)
醫師:得啦,陣間針完我再入黎檢查再講啦!(之後醫師一輪咀SELL “天炙”!講完佢叫我諗諗做唔做…然後就行左出去)
(我其實想講雞翼位與脊椎中間位置有痛,但並冇落針!…)
15分鐘後…護士幫我拔走D針,然後等醫師入黎檢查!
醫師入黎即說:OK啦,走得啦!
我:(想補充講番雞翼位痛的問題…)頭先紮針時我想講…
(又係話口未完,個醫師又搶白)
醫師:(黑面黑聲) 頭咩先唧,都完成針炙啦!!!(再強調) 走得架啦,星期四再覆診啦!(說吧,醫師轉身就走)
我:嗯…醫師,仲有右腳呢!(因會診時我說右腳都痛,她說會處理埋腳的問題!)
醫師:係喎,唔好意思呀!
之後個醫師在我左腳“是但”紮了三針…當時我心諗,可能右腳痛係需要在”左腳”落針吧…如是者又等左15分鐘,姑娘拔完針後等醫師入黎睇。
醫師:OK啦,走得啦!(好似好趕咁) 然後又一輪咀叫我考慮做天炙……
醫師講完轉身走左,我就自己換衫著鞋…佢冇提我針完腳會痹,我穿回鞋一踩落地左腳就無力+發軟蹄,好在右腳發力,我先至冇跌倒 (如果呢下跌倒,條頸會傷上加傷,分分鐘左腳可能會拗柴)……之後我就自己拐下拐下行出去大堂等拎藥!……
唔知係咪今次媽媽不在所以個醫師就咁對我 (病人),這才是她的真面目嗎???當下我好難過,因為我失業咁耐,已經冇收入…但因為病而借錢來睇醫生,呢 2 次中醫每次要成 7 百大元…仲要未睇好,只係睇完一次又再 BOOK 下一次覆診日期…今次仲要個醫師咁嘅態度和反應…做天炙?每次 $200,一做要做 3 次,即係如果我做,就要俾多 $600…我已問你蕁麻疹做唔做得?(因要貼膏藥在皮膚 / 穴位上) 妳可能聽到咁樣怕我唔會做天炙而黑我面,咁馬虎睇症,咁趕咁求其咁針我???……我唔想諗到妳咁衰,不過……我也要多謝妳當日我WALK-IN,妳也肯會診…
拎完藥回家 2小時後,我突然發高燒……不得已又出門口去睇西醫……回家即時 CANCELLED 星期四---本來 BOOK 左再去中醫覆診針炙的。至於右腳問題,我暫時自己貼住膏布先…因為條頸係 major 問題,至今仍然冇起色……
一星期內我共睇了 2 次中醫+針炙,再加 2 次西醫……前後已用左 $2100……我很難過、很難受,也很傷心…越窮越見鬼!(*故事未完,之後我轉睇骨科,以及物理治療……)
***要講番,2次黎睇呢個醫師都冇叫我做某 D 動作或檢查,就斷定我係咩病咩問題…頸椎+上半身唔郁得可大可少,你自覺自己掂到可以唔駛做簡直檢查或動作測試,就可以 ”目測”我係XX病?!…(上次我坐骨神經有事,那位醫師都會叫我烏低身,手觸腳尖 / 抬腳等動作)