打爛野，有hints？

前星期，一連兩日打爛野：星期一早上打爛眼鏡，星期二早上打爛乾粉！是否有什麼預示？（八婆仔般迷信）果然⋯⋯

星期日去亮視點配眼鏡，因Ray Ban做新年promo，六百度以下有$690、$890兩款，知自己超過六百度（十年冇驗過眼），吾知而家幾多度！竟然，散光降至25（仲少過最開初時）!至於近視，也少了！確是個喜訉！另外，今次終於配了一直想配的黑粗框！（因為深近視，膠框其實支援不到厚鏡片，所以只限於金絲框，好過時！）

雖然用不著那個新年優惠，但也比總數平了，鏡連框埋單千八元左右（因深近視，框不貴但鏡片貴）！我戴緊呢副，也戴了超過廿年了，框邊鍍金也甩色，除開也叫抵！⋯

至於粉盒，現在碎濕濕的，記得上次是在東歐甫到埗跌碎了！故這盒也用了2年！幸好用了八成，也是時候購盒新的！

到萬寧看，見出了這類似BB cushion，個盒幾靚，試了色便挑了！（其實應該買乾粉/蜜粉，而不是買濕粉！（因濕粉遮瑕作用不大！）

兒時賀年糖果

細個時款式不多，拜年時＂交換＂手信的，通常都係克力架（個鐵罐家家戶戶必儲），曲奇餅，花街朱古力，金鷹朱古力，旋風朱古力，長形透明的ＪＥＬＬＹ糖；至於金莎，樂家杏仁糖已是後話！。。。

面書裡有朋友ＰＯ了花街朱古力和旋風朱古力，心中掀起了漣漪。現在有沒有得賣旋風朱古力呢？很掛念那味道！（雖然它是吉百利出品，但旋風就鮮見了）

記得。味道

一些平凡的店舖，只要有一款食物令你記得，它都會是不平凡！好似：八方雲集麵線餐（當然也包括煎韮菜餃） + 海皇粥店炸腸！

7仔--大口仔

特登儲齊印花，２５號一早（８點開始換）就落去７仔，換新年版的大口仔！加埋之前那個扮熊貓，今轉的大口儲齊了！

粗糧──麵包

經上次中醫說我應該多吃粗糧，以改善腸胃問題，姐姐得悉後就托家傭整一個＂粗糧＂麵包俾我，還特地加入藜麥和燕麥，整好後就在團年那天帶給我！

這星期我就帶幾片＋芝士片回公司作早餐！

通常自製麵包比平時街上的硬，可是這＂粗糧包＂已隔夜、沒有叮熱，但麵包感覺不太硬！如果硬要挑剔的話，就是沒有任何味道，細問之下，原來這包包連雞蛋也沒有放（因我對蛋過敏）！因為包包冇味，芝士片是低用高鈣那種，所以成ＳＥＴ早餐都是冇味的，咀嚼＋舌嚥，雖飽腹但仍然感覺空虛。。。因為冇味之故！其實，健康係咪＝冇味呢？？？。。。

檸水

為了身體、抵抗力，打算飲檸水！

放工後特地去買檸檬（百佳$12／3個；惠康$9.9／3個），榨汁器（$10），企圖改善我唔飲水的習慣！

早上先把半個鮮檸榨汁，用玻璃瓶子盛載（因用膠製器皿會產生化學作用），恰巧家中有個ＸＯ醬瓶子（如果冇我打算用白蘭氏雞精那個樽）。每天就飲驗尿儲子便那樣，把檸汁帶去，晚上再把空瓶帶回。

午飯前以一半檸汁開水（每次盛滿八分滿的保暖瓶），飯後再把餘下的半份檸汁開水飲完！其實，早上那轉應該空腹飲用，效果更好，可以本身胃子不好，所以唯有將檸水作閒時的開水飲用，這樣至少迫到自己每天喝到２個保溫瓶容量的水！

冷帽

謝謝你送我冷帽！

救龜

早上同事傳來一張相片，因天氣太凍，水變了冰，令２隻龜龜夾硬被結了冰的水冰死了．．．嚇得我即刻回家救龜！

甫回家先把龜從露台搬入屋，再倒去裡面的水（明明龜要冬眠，不食不要水，可是爸爸卻＂例牌＂給它注水！），蓋好蓋子便離去！

本來從街市買回來的２隻龜，１隻早已仙遊，剩下來這隻，大大話話已養了２２年，觀其殼子，越大越呈心形！名副其實＂心龜＂！

由公司回家來回四十五分鐘，折返公司又開始工作！

提早團年

今年在家煮，有魚有肉有蝦碌，仲有翅湯！

UCC鮮奶抹茶

在７仔買來的，暖版，盛惠$9.9，味道偏淡，細細罐，飲４啖左右便飲完！

鬆弛熊暖手包

姐姐給我的鬆弛熊暖水袋，細細個，只可作暖手包！倒入熱水（來自飲水機），只可暖廿至三十分鐘。雖然可愛度滿分，但保溫度則欠奉！

由於公司ＰＡＮＴＲＹ的鋅盤喉管壞了，老闆不願修理，令整個水喉都唔可以用，無法洗野，每次換水要先去廁所倒水，好麻煩！

又係泰

ＬＵＮＣＨ到ＡＰＭ食泰野！冇錯，又係泰，因為唔知點解，午飯時間，它都不用等位！

要了這個ＳＥＴ，有：菜甫花生（前菜）＋冬蔭公豬頸肉炒飯，例湯（青紅蘿蔔＋南北杏），甜品（今次係抹茶慕絲蛋糕），連加一要＄７０。其實都幾貴，間唔使一次好啦！

ＡＥＯＮ超市發現

逛ＡＥＯＮ超市發現，原來出前一丁出左通心粉，只售$4.6！另外，又見到鬆弛熊魚肉條，成個白熊頭形，又係賣相取勝，粉絲破產！

走堂連食

越禁越心癢，明明醫生說不可食辣和煎炸野，因為走堂，和姐姐下午去了布丁狗餐廳，連影相連食＋行完銅鑼灣突然想食冬蔭公，又咁岩見到金百利上面有個泰式食肆招牌，唔駛排隊就去埋！

是晚晚餐就是＂哈哈哈＂－－冬蔭公（蝦）＋生蝦＋炸蝦餅！再食埋Moncher堂島卷作甜品，大滿足！

日式甜蛋

聽＜早霸王＞時聞得甜蛋，知媽媽愛吃，行過一田沒有（但意外發現了姐姐一直搵緊的章魚燒炸漿，佢仲要係乜料都包晒，４人前，可整３２個，$36一包），今次竟在ＡＥＯＮ超市見到紀文的，沒諗就買下！（$11.9）

人夾人緣－－好中醫

踏入新一年一月又病了。。。我介定是積勞成疾！

又是一貫的上呼吸道感染＋發燒，少少燒又燒又退，車前倒後的，成個weekend全給了睡眠，共睇了２次西醫＋２次中醫！

最近一次中醫是別人介紹，說華豐國貨有得睇！（因為我家不便煲中藥，所以人地特登介紹可以煲埋的中醫師）

星期六去睇（之前我又上網搜尋，睇詔好多家庭網，口碑不俗，也很＂神＂！），剛巧只有他一人應診，其餘的不是放假就是外遊，似乎我跟這個神醫很有緣！

他先把脈，就說出我心臟不好，又說我屬過敏體質；也說出我蕁麻疹，勁！另外，我較緊張和壓力，鼻黏膜腫大致抖氣較吃力，叫我做運動，吃粗糧（不要吃辣和煎炸野，食多Ｄ麥皮，燕麥），他又竟知我不愛喝水，而叫我飲檸檬水！提議：著我飲無花果＋南北杏，青紅蘿蔔的湯水；針對蕁麻疹問題，著我穿純棉的衣服。。。睇了半個鐘有多，我冇說的他把脈得到；我冇問的他又詳細道出和解說；我冇講的病歷他也能夠知道，總之就是好細心好詳細！

開了３劑藥（因他星期一例假），我星期二再睇！那裡可給人煲藥，為免每日都要去，所以我一次請他們煲晒３劑，回家我自己叮熱飲！

這個醫生，是繼黃埔（太遠太吊腳又勁多人，限時限刻）那個神醫之外，Ｄ藥飲得出係杰係足料的！真巧，他的英文名竟是ＥＡＳＯＮ！。。。

2015 我的大事回顧

回顧這一年，有血有淚！過的好不容易，很多情況，是由傷痕和眼淚換來的。。。這一年。。。

 

第一次參與佛誕節目，試了浴佛

去大阪，初次餵鹿，仲見到真的北極熊、棕熊（半月熊）、浣熊、企鵝

谷到爆！底線被超越踐踏。。。爆了很多次，瘀傷刀傷，肉血骨！。。。

弟弟結婚，竟被誤會我是弟弟的細妹？！

＜工作方面＞工作情況更形惡劣，且進入樽頸！因無數死貓事件今年被扣 bonus、加人工（又扣一大截）；大假詐詐諦唔批！不停用非辦公時間開工，事事暗瓦底得過份！黑聲黑面（你咁對Ｄ做野嘅員工？！）由本來的２個蓋冚１０個煲，而家再要冚多２個煲，唔爆有鬼！去？留？。。。前途未明！

＜健康方面＞

（１）上呼吸道感染好幾次，次次要睇成五、六次醫生，一轉都要４位數字！

（２）因為皮膚、因為蕁麻疹接連縈繞問題，終於都做了過敏測試：抽血做了食物及環境兩方面。環境方面的致敏原：草（街上環保種植那些，以及公園草地）；瓷磚、被舖、窗簾、布類的塵蟎。食物方面的致敏原：蛋（一直以為是花生）

（３）去睇腸胃專科：由於吹氣及抽血化驗，沒有幽門螺旋球菌，醫生說不須急於做胃鏡腸鏡

＜增值方面＞學禪繞畫，八字紫微，烏克麗麗（初，中班），街頭小食創業證書課程，診所助護證書課程

減壓遊（with 新寵鬆弛熊）＃2

減壓遊（with 新寵鬆弛熊）＃2：赤柱聖誕市集＋泗益咖央西多士（只用蛋白手打成cream狀做炸漿）＋中環幸福摩天輪＋灣仔韓式鯛魚燒！

狼之斷碼鞋

真係好狼！見到吉之島有＂散貨檔攤＂，又有自己一直心儀且絕版的鞋子，咁岩又有我個碼，唔理三七廿一，即場除鞋試，試岩就買！

本來只買藍色那對，見紫色那對平一半有多，仲係網面好得意，又有碼，又有藉口要了！行了一圈，見到橙色那對，係 adizero 系列，鞋跟位有氣墊，可行可跑；佢又係平一半以上，又心郁郁！

埋單俾錢，３對夾埋，比平時專門店的買一對仲要平，用埋 coupon，真係＂一開三＂，抵到爛！

Pre X mas dinner from Pokka

大阪手信 (from sis)

蕃茄意式芝士雲吞餐

蕃茄意式芝士雲吞，豐厚的茄膏味，有８隻雲吞咁多，皮厚芝士香！（仲有黑椒＋香草入饌）

成個餐仲有芝麻醬沙律做前菜，加埋熱啡，今餐 lunch 盛惠 $54！

零食時間

得閒都會行下便利店，偶爾發現新零食！

呢隻卡樂 B 限定的雪鹽味薯片幾好食，櫻花形，有點像脆脆蝦餅味！另外一款係格格薯，ＢＢＱ味，晚上睇電視食一流！仲有品客粉藍色罐，PIZZA 味，好似又係限定的，只在７－１１有售！至於追四方罐，係因為鬆弛熊而買的，入面係３小包蛋卷（約一條普通蛋卷一開二包成一小包），之前我測試過對蛋有食物過敏，食完一小包之後即出蕁麻疹，唔通，呢隻蛋卷Ｄ蛋材料咁勁？！

雀巢 skimmed milk 咖啡

在優品 360 見到呢款雀巢金罐咖啡，瘦瘦的罐子，用上 skimmed milk（$6一罐，$8兩罐），一試無妨！仲有麥提莎，300G（$33），比超市平，買下！

鬆弛熊拉尺

一年伊始。大乘

其中一項想做但一直冇能完成的一件事，就係去大佛！礙於天氣，交通，精神狀態等因素；要完成的確有點難度！

 

就在新一年一月一日，見天氣放晴，又唔係太凍，不如真確完成吧！

 

前一日睇了昂坪 360 的網站，找了行程找了車資等資料，一切準備就緒！早上 10:30 出門口, 去到東涌已是 11:30，之後去搵纜車站，嘩購票／換票的人龍都打晒蛇餅！於是轉 PLAN，先去大澳！

去到大澳先食野（腸蛋丁＋熱央）再搭船（$25，全程廿分鐘）出海，希望真的如船夫所言，睇到白海豚！當然，真係睇唔到，卻窄見斥資幾十億，幾近爛尾的港珠澳大橋（不禁神傷）！上岸後行大澳，買了蝦干（$150一包！自家生晒，冇大陸＂加料＂般咁橙紅），白飯魚仔（$20），無花果（$5）+甘草檸檬（$10）！再食埋豆腐花，滿足了！

見時間尚早，可以去埋大佛，又因為太多人，於是先坐車去梅窩，再轉車去大佛！（買了條磨砂黑曜石大悲咒手鍊）本來想睇下有冇機會坐 360 回東涌，不過又係勁多人，要等 220 分鐘起碼，於是又先坐車去大澳，再轉車回東涌！

抵東涌然後轉地鐵去奧海城食 SIMPLYLIFE，點了柚子沙律，沙爹串燒（$78半打，牛豬雞各２串），馬介休炒芥蘭，青咖哩雞配薄餅，夠皮了！

坐地鐵回家，從嘟卡機看看今日的總車資，共百幾蚊！嘩，一位成年人都百幾蚊，如果一家大細，連食連玩，分分鐘全日花費一千元！你話普通尋常百姓，當係有時間有精力，都要儲錢先可以應付一天的親子樂！搵食艱難！