大家樂＄３０午餐

有時唔想行得遠，加上觀塘工業區的食肆一Ｄ都唔平（就算茶餐廳都要＄４５至＄６０，真係嚇死人！）我都會落大家樂食＄３０午餐（唔知呢個優惠做到幾時？），仲跟餐飲添！抵！

好似呢個鴛鴦炒飯，紅白二汁，Ｄ飯的份量對女仔黎講都好夠！兩邊汁都好入味，唔會將貨就價，我覺得紅汁那邊較吊味和開胃！

龍門冰室

有時，一些生活雜貨，稍稍設計，也可以好得意！好似呢個鳥型夾子，很別緻可愛，令人會心微笑！

龍門冰室呢個雞髀芝士汁撈丁，雞髀大大隻，Ｄ麵又係公仔麵，賣相夠晒份量！雖然Ｄ汁夠多，不過冇乜芝士味；同埋，略嫌乾身和寡左Ｄ。。。撈丁，都係蔥油或瑞士汁，甚至其他較濃味的較好！（個人意見而已）

星期日又 on call

星期日又被召回公司。。。但凡非工作日，我公司附近都冇野食，冇店舖開！早上８點幾，出到 apm，連麵包舖都冇開，東海堂又冇開，連７－１１的小食檔又唔開。。。

終於，他買了個３舊一氣的椰賓同我 share，仲有維他奶茶添！

尿袋

前後共買過３個尿袋，第一個唔知點解明明叉滿電但放唔到出來。。。第２個好快叉滿但一駁上手機充電就變成零？！。。。最近再買第３個，5200mAh，$178，好像很好！

新買時佢已有75%電，回家立即將個新尿袋叉滿，一個鐘就叉好！今日首次開齋，只係一個鐘，手機便由50%叉滿至100%，睇黎唔錯，仲要係 pastel 紫色！靚～