麥記足球包

9:30 先食 dinner，附近就只有麥記有開，好，就試佢新出嘅森巴脆雞堡餐！

本來我想將薯條轉芝士薯球，職員聽錯我要薯角！佢話而家冇，我重申係要芝士薯球，佢就話唔得，要另外加錢先有！。。。一個中薯條我都食唔晒，仲加一個薯球？！點食！而且，我一心想試呢個芝士薯球嘛！。。。之後，因皮膚問題唔係好食得辣，我問佢可唔可以將Ｄ醬轉沙律醬，職員又話唔得，於是我只可以少醬！

買完食得！與其叫佢做森巴脆雞堡，不如叫佢做＂足球包＂來得親切，因為佢個上皮好似個足球咁款！咬了一口，脆雞就像脆辣雞堡那種；至於個醬，有少少似泰式辣醬（沒有酸甜味那種），整體來說不過不失啦！食完心思思外賣多個黑白焦糖新地回家慢慢嘆！

蕁麻疹

不得已，去睇中醫！確診就如之前上網查找的一樣，是蕁麻疹！希望中醫醫得好。。。

（轉載自某網所述）

蕁麻疹可由多種原因引起，常見原因之一是身體對某些外來物質或刺激產生過敏反應，例如：昆蟲叮咬，或因冷、熱、因風、日光等的物理性刺激，花粉、蕁麻等植物性刺激，進食魚、蝦、蟹等「發物」，注射血清、青霉素等藥物，病灶感染或腸寄生蟲感染產生的毒性物質刺激等。也有因營養不良或腦力消耗過度影響身體對某些人體不能合成的胺基酸的吸收與代謝從而導致抵抗力降低有關。

引起蕁麻疹的過敏原非常的多，如花粉、灰塵、蟲咬、毛髮及皮屑或黴菌等都。治療急性蕁麻疹，西醫就是用抗組織胺或是類固醇。中醫治療就是利用疏風清熱的方法消退風疹塊，幫助腫塊消退。

有些蕁麻疹的發生與過敏原是沒有關係的，如在運動、流汗、高溫的環境、情緒緊張、洗熱水澡時出現的蕁麻疹，這些稱為膽素型蕁麻疹（Cholinergic Urticaria），或合併有焦慮症的人身上出現，成因與控制身體血壓與心跳等功能的神經系統釋放出來的某些化學物質有關。

新舊曆一齊的＂生日＂！

今年我挺重視／期待，因為原來係新舊曆一齊的＂生日＂！加上我與他的關係，唔知會點呢？。。。

７點幾佢已 whatsapp 我，說今日下午打波，叫我帶衫！還說佢十分鐘後出門口（意味我地喺地鐵月台等）。我說我正在刷牙，佢一個驚訝表情！。。。

我地買埋早餐就上公司，番到去，一位女同事就遞上東海堂紅豆抹茶慕絲杯子麻糬甜品，還有一包小禮物，她說昨天和男朋友揀的！－－是個鬆弛熊匙扣！同事說她本來揀了個＂啡熊扮白熊＂款式，可是男朋友說生日當然是送花呢，所以挑了這個戴花帽子＋手拿花花的鬆弛熊！甜品好好味，匙扣很可愛，多謝你們！

至於他，當我還在外遊時他已換了一個 Line 熊大錢箱，我就當它是生日禮物吧！

是日，一路都冇提過，冇祝福，冇蛋糕，冇晚飯，一切都如同以前般無恙；佢，係記得還是唔記得我生日呢？。。。是用行動表示不說穿（因為我地現在的模糊關係？！），還是根本唔記得呢？如果真係唔記得，佢都自行做這些動作，係咪應該更開心呢？

今年意外地多左幾位詠春師兄的 greeting，多謝你們！還有，早上我收到一個 whatsapp，是大學一位有緣無份的 O Camp 同組同學，其實我地畢業後１６年都冇再聯絡，估唔到佢仲有我電話（之前轉了３次電話號碼，佢點會有我而家呢個電話呢？），佢問我近況點？又祝我生日快樂！不過，我冇回覆。。。（以前我知佢鍾意我，不過我唔喜歡他！最近因為 FB 人肉搜尋，我知道佢已婚，仲有個３歲大的女！他的生活不錯，做大公司職位高又成日被公司派至各地做開荒牛／深造！巧合地，他老婆和個女的名字之中，都包含我個名拆開。）如果他還是單身，我會認為這是天意／緣份，可惜。。。

小志強

上完佛課，再黎多一 round Caffee Kenon，今次點了意粉和云呢拿鮮奶咖啡！個意粉一樣咁好味，索晒Ｄ忌廉汁，我又係食晒成碟！杯咖啡，雖然我飲唔出云呢拿味，但佢嘅 latte，打泡，拉花都咁出色！好少可有餐廳我連續幫襯，下次試埋佢Ｄ茄汁類食品先！

乘著世盃熱，好多商場／商店 display 都用上同足球有關的 theme！知道＜足球小將＞主角人物會出現於銅鑼灣各處，今晚適逢經過瞥見一個，仲要係我鍾意的小志強，即時拎出手提影相，仲請途人幫我揸機，來張合照！（影完之後，發現自己衣服顏色竟然同小志強那件非常之襯色，驚喜！～）