初一簡單素菜住家飯

煎蔥蛋

蒸豆腐

烚菜

粟米湯

美心靚 cake

賣相和 message 都不俗！上面係慕絲忌廉，下面係海綿蛋糕，每件 $16。

左邊以為係芝麻味，原來係伯爵茶味，但食落口有d似燶左的燕麥！右邊以為係橙味，原來係士多啤梨味，但食落口似益力多的乳酪味！

今日㷫㷫地，食個丁蛋麵 tum 下自己！

如題！......

芝麻和風大福 @ 759

好想食芝麻湯丸 / 擂沙湯丸，行過 759 見到呢 D 和風大福 ($11.9 一盒)，有豆沙餡，芝麻餡，抹茶餡，我就揀了一盒芝麻餡的。

一盒有 6 個，每個上面鋪滿黑白芝麻，大福粘粘彈牙，餡子有點甜。過下口癮吧。

簡單兩味素

黑木耳炒翠肉瓜，清炒小棠菜

風雨前夕。跑

天文台話今個星期大雨雷暴，上星期日就把握機會又再出去跑。

萬字蒸魚豉油

繼李錦記之後又一間老字號推出蒸魚豉油，佢就係萬字啦！4月20日前仲做緊 $30 兩支，當然入貨試下先。

提子手指蛋糕

兒時回憶一種：提子手指蛋糕。而家好少麵包 / 餅店會出了。

香港飯店

打完波出黎係 2:30，TEA TIME 岩岩好。上次試了金記，今次試香港飯店。由於有點肚餓和熱，就叫了腸蛋丁麵餐，餐飲就 "豪氣地" 加錢轉凍飲。

店子細細，出菜處上面還有個梅花嘜錶方形鐘點綴。等左一陣就有得食！個杯凍杯比平常茶仔的為高為大，鴛鴦很滑唔澀，個盛麵的碗是闊口矮身款，很別緻。味道方面，腸仔是煎過的，煎蛋不過不失啦。至於個丁麵就有點好睇唔好食，冇味的...個湯底完全食唔出係跟麵果包調味粉及麻油......而且 D 麵未熟未淋，似大光麵 (一般茶仔所用的即食麵)多 D。

9 CM 之下

終於都開封這綠色 ONION SOUR CREAM 薯片，撕開鍚紙之後，咦，乜少成咁嘅？......之前都知唔會裝滿一筒，乜而家原來少左咁多，用間尺一度，下，少左成 9 CM 呀！！！

紅菜頭泡沫牛奶 @ HABITU TABLE

聽完佛和姐姐去附近間 HABITU TABLE，坐下赫見個餐牌多左野揀，原來這分店已由 CAFE HABITU 轉成 HABITU TABLE。我地叫了大家都讚口不絕 (出面食唔番咁好味) 的 CARBONARA (這裡的意粉是手製的) 及飲品 2杯 SHARE。

有 WORLD MASTER CARD 飲品係買一送一，超抵！我要了紅菜頭泡沫牛奶，姐姐要了 CAFE BRULEE。個 CARBONARA 一貫水準，而且快上菜。杯飲品先係驚喜！估唔到紅菜頭與牛奶係咁夾，健康得黎顏色又 FANTASY，濃濃的牛奶又香又滑，仲啖到裡面有紅菜頭蓉，整體上味道就如紅豆牛奶，下次一定再飲。

東京之夜包包

媽媽外賣了一個 "東京之夜" 給我 DINNER，第一次食這包，但內餡其實咪又係一貫麥記的 MIX & MATCH......

本來都冇帶期望，不過仍然一肚氣！這包內有一隻蛋 + 炸雞塊 + 生菜絲 + 芝士 +上面茄汁拼 BBQ 醬，下有沙律醬。一如以往，包皮係夾唔住 D 餡...真係 "雞 (扒) 飛 (煎) 蛋走" 全部移晒位的！

呢間老麥 D 蛋永遠都係煎到乾煎到爆熟 (不論早午晚去食 D 蛋都係咁！)，熟到隻煎蛋已呈扁扁狀，乾 "火農" 的蛋邊，個黃係瘀灰色，實實的；而且仲有好多蛋殼！......件雞塊都不遑多讓，又乾又老又有骨 (唔知點解有類似魚骨的骨！)......它所謂的 BBQ 醬， 食入口一陣驅風油味。唉，單售接近成 $30 一個......

美心給我的 Blue Tuesday！

好勞氣！Blue Tuesday！又瞓唔到，眼光光又到翌日早上 11 點幾......

見 OFFICE 未放 LUNCH，思前想後之下就決定落樓下食野！行了幾條街又來回折返，礙於種種原因，終於敲定在美心買，外賣一個上海酸辣雲吞湯麵餐 ($40)。

回家打開，只有一粒雲吞 (一蚊銀咁大粒而已)？？？個 ”酸辣湯” 既冇酸辣味、個獻一PAT PAT，味道比碗仔翅更差！(或者根本佢就係杰獻版碗仔翅)。用匙羹 ”畢” 落去 (要用力去插隻匙羹入去 ”畢”)，D麵一舊舊的......我絕對明白 D 麵會索水，咁你地可唔可以湯與麵另上呢？至於個小食…菜甫唔似菜甫，D 肉味道古怪，唔知係咩肉……花生？我決定放棄......

浪費了 $40，成碗野就係咁，仲要得一粒冇乜餡嘅 “小” 雲吞咁大把 (餐牌上嘅相有幾粒雲吞架喎！商品說明條例......)。

鹵水傑作

媽媽又一力作：鹵水豆腐 + 蛋 +雞翼。以及 "搭單的" XO 醬炒生菜。

認錯薯片......乜綠色，原來仲分咁多種味架！

綠色酸忌廉味 Pringles 係我 "飛佛" 之一，有次突然想食，喺 7 仔見到貨架上得番一筒綠色就買下，記得付款前好似瞄過個筒一眼，見係日文，仲以為出左日版酸忌廉味添。取出來正想與姐姐分享時，一望，咦，係就係綠色......但係 WASABI 味黎架喎......由於我唔食 WASABI，終於成筒送左俾姐姐。

3 小時後，與姐姐分別，我又不忿地去 MARKET PLACE 買綠色酸忌廉味 Pringles。今回貨架上又係得番一筒，今次我仲懶醒咁睇清筒上的英文字，見到有 ONION 字樣就滿心歡喜地買了回家。 宵夜時，我喜孜孜打開這綠色薯片，取出一塊快速放入口......咦，D 味唔同左嘅？......一望，乜綠色唔係酸忌廉洋蔥味嗎？......原來仲有分洋蔥味同埋酸忌廉味？？？又買錯了......

這筒 "又" 買錯的洋蔥味綠色 PRINGLES，我花了兩晚就食晒。食晒後，我同自己講唔再買了......前天姐姐回來食飯，她竟然買了一筒 "對的" 綠色酸忌廉味 Pringles 俾我，好野！！！

偷看鬆弛熊游水

媽媽：鬆弛熊游水呀，好爽呀！

八卦下我入廁所睇下咩事......

原來見天氣好，太陽夠猛，媽媽就洗被晒被套！因為我的被套是鬆弛熊款，它在洗衣滾筒內轉來轉去，睇下睇下，又真係幾有趣！

瑤柱蝦子麵 @ 灣仔鏡記

買開這間舖頭的蝦子麵，剛好家裡存貨食晒，行過灣仔，就去買一斤回家。($78 一斤，約有 13 個麵餅)

PMQ 復活節市集

第一次去 PMQ，見到佢有好多 WORKSHOP，外觀漆色是 TIFFANY BLUE + 白色 (好喜歡)，而且每層都有廁所，有樓梯有電梯，好方便；如果我可以租個單位做 WORKSHOP 就好了...

染髮

執野見到呢盒唔知幾時買的 REVLON 染髮劑 ($29.9)，不如睇下我的 "BEFORE & AFTER"，大家估下呢盒係咩色......

答案係---淺啡金！不過，好明顯我係唔太上色，染完後一頭栗子色。(深知自己唔上色，所以通常都會買淺 3 至 4 度的色！好似假如我想要栗子色，買淺啡金啦，染完都或者可能會出現栗子啡！)

泰野 @ 觀塘APM King & I

我諗，DINNER 時段喺 APM 搵食，最最最唔駛等位，恐怕係呢間 King & I 泰國菜。

菠蘿雞肉少飯：比想像中細兜......味道不過不失啦。

香辣椰汁燒雞：外觀上似炸子雞，但食落似普通燒味檔的油雞 (油雞味欠奉那種)。香辣椰汁？......香辣只是那碟 FOR 你點來食的醬汁而已 (同隻雞無關)。椰汁？......只是伴碟的 "飯團仔" 而已 (它類似椰汁糯米飯果種)。

呢味雞，廚房亂章斬，所以 D 雞件唔係齊口的，食時要加倍小心，因為好多被斬致亂龍的碎骨......口感較乾身，味道係冇味的，你當係食乾身又多骨碎的白切雞好啦！

乜都關櫻花事......

知啦知啦，而家最紅係櫻花嘛！......野食又櫻花，野飲又櫻花，BUFFET HIGH TEA 又櫻花，雪糕又櫻花，FASHION 又櫻花.，COSMETIC 又櫻花.....連護墊 （45.9 三包）都有櫻花，媽呀！......

嘉頓包包

嘉頓包深入民心，呢 D 袋裝更係上班族 / 家庭喜愛。我覺得同系列的排包和蜜糖包唔錯，今勻試埋甜餐包，同埋牛油軟包。

跟餐的杯杯沙律

媽媽個扒包餐配沙律 (芝麻醬)，好奇怪，她只食薯仔沙律而不喜歡這種純菜沙律，因她覺得似 "食草"......於是，我就幫佢 "攪掂" 左佢！

美味米

又見番美味米啦！之前一直在士多先見到，今回在惠康出現，仲要有晒 3 種味 (紅色：芝士，啡色：BBQ，綠色：雞肉味)，即帶了啡綠各一回家。

白樽可樂。無糖無卡路里

日本推出的無糖無卡路里新可樂，7 仔賣 16 個幾 (原價 $25)，OK 賣 12 個幾 (我買了後先知...)，惠康賣 13 個幾。

買了 2 枝和媽媽 SHARE，她說味道比 "黑色可樂" (媽媽對 ZERO 可樂的叫法) 更淡味，唔好飲。我試了後，覺得ok，真係吾甜的！

海皇 $29 餐

原來晚上 8:30 後，海皇有三十蚊樓下的餐。我揀了個粥 + 小食那個 (細皮蛋瘦肉粥 + 炒麵 + 豬肉燒賣一粒 + 煎韮菜鍋貼一隻)，其實夾埋份量唔小的，所以都夠飽。

賣物會 @珀麗灣

上星期日去珀麗灣 "看檔"，因為參加了賣物會！(姐姐托她的 "住戶朋友" (那裡的原居民) 投了個攤檔，好讓我擺賣。) 之前一晚已唱定 CASH FLOW 找贖用，還準備了一個大背囊 + 一個大走佬袋的 "貨"，貨品由初生 BB 至大人都有，精品玩具擺設衫襪鞋底褲 TOTE BAG 護膚品美容品乜都有，男女岩用。

賣物會由中午 12 點至下午 5:30，前天如常的失眠，終於在早上 7 時才入睡，睡了個多小時，9 點已梳洗好出門口。由於我一心諗住搭 10 點船，入到去應該是 10:30 (船程約半小時)，在那裡食個地道早餐，去個廁所行下就夠鐘擺檔。本來一路都好順利，出左中環地鐵行去 2 號碼頭 (去珀麗灣)，要成 20 多分鐘，拎住大包細包真係身水身汗...... 去到碼頭是 9:50，一望四周竟是烏燈黑火...下，下一班船是 10:30 ??? 咁咪即係過晒早餐時段，食唔到野 ??? 弊，仲有成 40 分鐘, 點算呢？由於人影都冇個，我又拎住大包小包折返就近的愉景灣碼頭，那裡有 OK 和聖安娜，我立即買了個包和雀巢咖啡坐住食。食完抹下汗，再行番去 2 號碼頭。

去到珀麗灣約 11 點左右，行下影下相去個廁所，再去埋天后廟，11:45 會合姐姐姐夫便開檔了。12 點開波，15 分鐘後做成第一單生意！好的開始！我還帶了 2 個 Mrs Field 的咖啡朱古力 MUFFIN 作茶點 (因為看檔好難走左去買野食，寧願留肚 DINNER)，點知 3點 3 想食時，發現個 MUFFIN 已變臭......什麼，昨天才買呢，而且已用保鮮盒裝好架喎？...

約 5:15，開始準備收檔了。今天的成績不錯！(雖然仍然有好多貨要拎番走) 姐姐預先 BOOK 了檯，在 CAFE ROMA 食晚餐，我們點了一個卡邦尼意粉和炸魷魚圈 SHARE 食。餐廳在沙灘旁，景致一流，野食又好食，最重要係佢有香蕉船！食完行了陣沙灘就走了。由於唔想再由碼頭行回地鐵站，所以我跟姐姐一起坐接駁巴士去青衣地鐵，之後地鈕轉地鐵回家。

今次係一個好好的經驗 + 遠遊，還得到好多人的鼓勵讚美和叮嚀。全日企左好耐行左好多路出左好多汗，希望晚上不要失眠！