車厘茄

老闆從台灣帶來的有機車厘茄，一人一盒！有同事吾要俾左我，加埋你知我鍾意又俾埋我，結果我有3大盒！

麥記紅豆批

自從1998年推出想試但一直苦冇機會，今日終於食到紅豆批了！

熱暖的批皮，脆卜卜，夾埋紅豆餡真係好夾！d紅豆餡甜度適中，好似煲紅豆糖水起晒沙那種。好味好窩心，趁住而家仲係銷售期（跟餐只加$6），我會再買黎食！

X'mas card

坦白說，中二之後幾乎冇收過聖誕卡！人大了，出黎工作，更沒有聖誕卡呢支歌！如今資訊發達，遑論聖誕卡，就連聖誕 e-card 都甚少近乎冇收過！（這與我冇乜朋友有關）

不過今年，平安夜那天，他率先傳了這個給我，很 sweet 很窩心！我唔知道我跟他現在是什麼的關係，我唔知道我跟他幾時會完結（或者根本冇開始過），自從他坦言都鍾意我之後，令我本來逼迫自己要丟淡要放手的＂暗戀＂感覺，再重燃起來！

出 trip 後記

飛機上我地玩過＜天下太平＞－－我們的步伐－－出 trip 時赫見你戴上一黑一白開了光的佛珠，跟我的一樣！（老闆率先發現，她好奇地問：＂是否現在的年輕人興戴呢Ｄ？＂）－－你首先發現的＂薯仔石＂，還叫我帶回家紀念！－－你贈的的藍杯！（屬飛機餐的咖啡杯子，我的突然被空姐收了，你就慌忙飲完抹乾轉贈予我）

維他士多啤梨奶

新出，試下啦，$13兩包，同佢 share！

佢幫我轉落杯翻熱，味道嗎？挺像纖體代餐的奶粉，而且又稀左d！仲有山崎厚蛋蛋糕！

loreal 葡萄籽精華

冷天氣要補濕，平時無閒打理肌膚，我只會敷塊補濕 mask！

一直係 Olay fans 的我，見一些 makeup artist 推介同埋廣告攻擊，有諗過買一支 Loreal youth code，後來聽同事說，youth code 好處係搽完令之後的護膚品更吸收（最好用埋同系列或更貴價的護膚品），我就諗，下，豈不是只係 step 1？因我手頭上的護膚品不是什麼貴價專櫃，無理由因一支 youth code 而買一系列同樣產品？況且，手頭上的都未用完。。。

及後同事介紹一支 loreal 葡萄籽精華 hydra fresh，一百餘元大大支，又補濕，沾在化妝棉上又可作 mask 用，很划算！走到萬寧，見做緊減價，只售 $87，試了點 tester 在手背，很吸收，好！一於試下！

試用了一星期，效果不錯！肌膚細緻，膚色由啞黃變得白晳，可能係葡萄籽有抗氧化和均勻膚色之效吧！我用時，包括是香港由熱變寒天氣，以及曼谷的熱燥天氣，用後感：覺得它真的很好用！每晚卸妝潔面後塗上，很快就被皮膚吸收，唔立唔厚！而且，它有陣陣葡萄清香，很爽！用它就可以省了敷 mask，懶得我吖！

山頂嘅朋友

姐姐是克勤粉絲，姐夫無興趣，唯有我頂上！我們的座位就在山頂！

第一次現場聽他們唱 live，阿麟比我想像中好；克勤一貫的靚聲，如大家所說，一如聽 CD 那樣！好開心聽到他唱「紙牌屋」及一些耳熟能詳的慢歌情歌！

成個 show 共3個鐘，相比 Eason 那個只有一個鐘又冇 encore 的演唱會，左麟右李好抵睇！

馬爾代夫貝殼

姐姐結婚十週年之旅，除了一些食的玩的手信外，還有馬爾代夫拾回來的貝殼，她特地從十蚊店買來一個小巧 display box 盛著，很有心的小禮物！

曼谷芒果糯米

匆匆去曼谷匆匆回港，來回在機場都要狂跑！聽說曼谷的芒果糯米好好食，一定要試，所以在機場快速買了２盒回家品嚐！（一盒180泰銖）

一直沒時間，今晚終於可以一試（如果唔食在雪櫃都成３日，怕會變！）。回家就用慢火整熱，果然，芒果好甜，糯米飯已沾有椰漿，味道恰到好處，唔錯！

還買了脆米和白朱古力士多啤梨呢！

曼谷W Hotel

曼谷 W Hotel，其大堂，走廊，設計，燈光十足十一間 disco！房間 441sqs ft，大過我屋企！張 king size bed，可睡４個成年人！有浸浴及淋浴設備，水壓十足，而且房間裡面設備一流，齊全，很好！

薯仔石

它看似薯仔，其實它是一舊石頭！我在曼谷印刷廠門前花園的某花槽拾了它帶回家！這薯仔石是我第一次出 trip，第一次去泰國曼谷的紀念！

出 Trip

明天出trip到泰國，心情忐忑，擔心局勢、擔心人生路不熟、擔心治安、雖然翌晚夜機走，但工作巔頗、又怕抽筋......

你就是我明天的trip partner，我知老闆叫吾郁你，所以唯有說服我去，老闆心知我去你就會去，縱使今次跟印刷我根本吾關事！

今日放工後又如常和你去 sourcing 星期四 shooting 的衣物！唉，雖然自己心態巳逐漸改變，但日日對住，又知道你與她的點滴，每天我都在壓抑自己情緒，辛苦！

希望泰國政局安穩，希望我睡得到！

做冬

sourcing

昨日放工和同事出去 sourcing，行到十一點，又腳抽筋！今日好多野做，先去麥記食沙律再去快圖美拎相！之後打左個圈回家換衫去跑步！我有半個月冇練跑啦，上星期感冒食藥 wing wing 下，再之前個星期又落雨；今日再跑唔夠氣不特止，兩隻手 keep 住冰一樣的凍，儘管跑了一個鐘頭冰凍依然！末段2隻手更凍到不由自主抽筋，連毛巾都握唔到！（原來除左對腳，對手都好吾掂）。。。仲未跑完十公里，唯有回家！

回家後沖涼換衫又出去旺角 sourcing！因為下星期四要 shooting，而星期二和三都要去泰國出 trip！出 trip 已成定局，仲要過夜添，真煩，我真係冇時間準備黎緊 shooting 的野！講番 sourcing，我又行到兩隻小腿抽筋，仲加埋股肌抽，兩隻腳拗晒狀，根本企唔到，當下我真係想坐喺地下算，核突礙眼都係咁話。。。時見隔離係 adidas，我就邊扶邊拐行過去，估唔到 adidas 店員幾好，佢見狀就叫我坐喺試鞋區，對腳冇野先走！

今日出去一趟，source 到兩條裙，但應該只得一條較合適；星期一可能又要再行過！