為什麼這篇是"RB Tea X2",因為前後2個星期六緊接,我都來太子始創這分店食野!第一次是跟一位已屆2子之母的舊同事,第二次是姐姐!
這裡是先購物取號碼牌,然後由職員端上食物!所以,購買時收銀會問你"有檯了沒有?"。。。其實,如果我一人來,怎樣先找位子先呢?
2次經驗試了它的窩夫,雪糕,PANCAKE,香蕉朱古力牆熱香餅,忌廉螺絲粉,泰式紅咖哩雞飯,岩鹽牛奶咖啡,黑糖牛奶咖啡,珍珠奶茶!很意外它是用 ILLY 咖啡,所以,我一定要喝!
至於食物方面:窩夫,PANCAKE,雪糕好好味,夠大份!忌廉螺絲粉,好睇唔好食,因冇味的,要加大量調味料!泰式紅咖哩雞飯:個汁好稀,加D奶或椰漿再煮會更好!不過雞肉大大件又夠多,仲有茄子添!咖啡方面不過不失,好香奶味,又夠滑!至於個珍珠奶茶,奶茶味是典型台式那種,奶味較多,如果飲開濃味的朋友,可能較掃興!
總的來說,味道不錯,不過要俾D時間先搵位!(佢冇拎籌安排,所以像舊式茶樓,食食下會有人站在你身旁等位)而價錢方面,由於佢冇套餐,所以野食和飲品係分開的!食物大約六十多元,飲品三十多元;一人計又食又飲,可能要預一百元啊!