Get A Life: 11月 2017

2017年11月21日星期二

係咪玩野之蕃薯糖水

繼薑湯芝麻湯丸之後，媽媽唔想倒掉薑湯，於是翌日買來蕃薯整蕃薯糖水。她特地搯了一碗預留俾我，我一睇，嘩玩野咩，妹仔大過主人婆！似食蕃薯多D喎......

媽媽生日飯 @ 銅鑼灣一登龍門

涼伴青瓜粉皮

崑崙豆腐

芝麻大餅

南瓜蝦

蔥油拌麵

一登龍門炒飯 (即福建炒飯)

酸甜骨

五柳松子黃魚

紅棗糕

香蕉高力豆沙

好耐冇食過好好味嘅冬蔭公啦！N 年前 (2004年) 因 SHOOTING 關係，喺九龍城金寶食過佢地嘅活蝦刺身，簡直係好食到核爆，鮮活味美感覺一直惦記著，多年揮之不去。前排姐姐請客，當時我地喺尖沙咀 THE ONE，睇水牌睇下有冇她至愛的泰國野，見到金寶有分店在此，於是就去食啦。

呢次係我第二次食金寶，好野，可以再次食到一直心儀嘅活蝦刺身！另外，我地仲點左冬蔭公同埋蝦餅！估唔到佢個冬蔭公咁好味，係好香好入味果種，椰奶香茅香料調配份量恰到好處，味道唔會太辣太嗆，裡面有 2 隻大蝦添！連埋個爐一併上檯，每人都畢到 3 碗咁多！佢熬製得濃淡得宜，真係 "剛剛好"！

無題

好風景多的是，夕陽平常事！

獅王 DENTOR 超清爽牙膏

日本製，刷落係幾清涼嘅，仲有藍色白色粒粒，感覺好似用左會白D咁。整體感覺不過不失啦，薄荷得來唔似黑人果種咁嗆，刷時感覺比高露潔和舒適達好，泡沫唔會太多，漱口即過，嗯，呢支可以回購！

自家製薑湯芝麻湯丸

因為想，所以整來食！就係咁簡單。

媽媽 "一層層" 的生日蛋 "糕"

知媽媽喜歡吃泰式糕點，特別是 "一層層果D" (媽媽總是這樣來形容)，紅紅綠綠色的，行過見到小店有呢款自家製的綠色一層層斑蘭糕，就索性以它當作媽媽今年的生日蛋 "糕"。雖然它只是 $20，但物輕情義重！...至少，對我來說是......(抱歉媽媽，待我正式有收入時，再買專 FOR 糖尿人士食用的蛋糕給妳吧！) 祝妳生日快樂，身體健康，開開心心！

芝士蔥餅宵夜

嘉頓香蔥梳打餅配卡夫芝士，確係最佳拍檔！前者獨立包裝，一包有 4 塊，4 塊又可攣半；一片芝士分成 4 分，剛剛好可以夾成芝士蔥餅 X 4 份。

**PS：唔知點解，同是一款嘉頓香蔥梳打餅，同是一樣的廠商生產商，但大包裝的食落會有陣南乳味，而小包裝就冇？！對過二者嘅成份表，佢地嘅 "唯一" 分別係：大包裝用全脂奶粉，小包裝用全麥粉......咁樣，會導致味道有咁大分別？？？小包裝好味和香口好多！嘉頓呀嘉頓，你地咁做係咪有咩意思架呢？仲有，小包裝唔係度度有得賣囉！

缽仔糕 @ 油塘街市

油塘街市入面呢檔 (冇睇到叫咩名)，有多款街頭小食，以及鹹甜唐餅糕點，而且價錢相宜；單單係缽仔糕，就分膠兜款和瓦碗蒸款；我當然鍾意後者啦！

不論口感和質地都唔同，一食就合龍與鳳！向店員講要邊種同埋要幾多之後，佢就會用竹籤從個瓦碗 "了" 個缽仔糕出黎，再以膠紙鋪上再入袋。而家好少地方可以搵到自家蒸製，又多豆又便宜嘅缽仔糕了！(通常都係人地交來，或者工場大量整好再入膠兜)

另外，呢檔 D 腸粉都不俗，熱辣辣又滑捋捋，$10 六條，醬料自選又夠多，屬性價比之選！

金魚手襪

無事出街少破財，呢句老話絕對絕對正確，真係不能同意更多！

食完野陪媽媽逛 AEON，其實冇咩特別野要買，真係純粹行個圈消消滯而已，不過行呀行，瞥見一對手襪，我笑問媽媽似唔似金魚？媽媽拎起手襪一摸讚嘆說："咦，好軟熟呀！" 她這樣說，挑起我條筋，即拿起把手穿上。嘩，真係好軟熟喎，而且好保暖！一看小牌，是日本製的，仲可以滑動手機，很好很好！時，我順便瞥瞥價錢，嗯，二百幾蚊，唔怪之得啦！我把金魚手襪放回貨架上，戴過就算了。誰不知，媽媽說我怕凍，難得它又軟又暖，質地功能都十分好，二話不說就買給我......

說真的，很感動！尤其係呢段艱難的日子......

麒麟果 "食" 後感

上文提到，試食麒麟果 "半個" 睇下佢係咪真係咁得，咁有料到？！(*可睇番帖子---https://www.blogger.com/blogger.g?blogID=990555350945751550#editor/target=post;postID=6757960554167634970;onPublishedMenu=allposts;onClosedMenu=allposts;postNum=19;src=postname)

而家，就講番我嘅 "食" 後感！或者，我可以用 3 個字來形容，就係----"痾" THE BEST！

話說果晚我 11:30PM 食半過試水溫，食完都冇咩，大約到 11:55PM 左右有 D 肚痛，但未有便意；之後間歇個肚有D 咕咕咕，約 12:15AM 左右就加碼，FEEL 到係攪肚痛果種痛！我即奔入廁所，因為堅係忍唔到，要即刻去廁所果種肚痛！一入廁所，真係即瀉......

去完一次，約 45 分鐘之後又黎料，又係肚痛 + 大瀉！瀉完 2 次，個肚成晚 KEEP 住咕咕咕同埋痛。翌日，一起身又瀉左一次......第二日：冇肚痛又冇瀉，以為終於都痾完。點知平靜左一日，到第三日，又瀉左 2 次。嘩，我食左半個都攪成咁，如果食晒一個，咪要喺廁所 STAND BY？！！...

無印 LIKEABLE 小食之選

無印呢款棉花糖，我個人來說幾 LIKE！雖則佢獨立包裝，內有防腐包包，兼且未到 EXPIRY DATE，不過都要盡快 KO，因為擺耐左佢自己會自動 "笠水" 縮埋一舊 (好似舊 "鼻涕雲吞" 咁樣樣)...我見過，我真係見過！

一分錢一分貨，都係無印衣架好！

買過家品店果D "裙褲架"，個夾夾唔實又冇力，個 "A" 字位 D 防滑落膠粒貼真係 "貼上去"，貼唔穩之餘仲甩甩漏漏，又黐又立......價錢都要廿幾蚊一個，媽媽一怒之下，都係走番去無印買過晒 D "裙褲架"。

街頭藝術---淺浮雕花糟

如題！街頭藝術---淺浮雕花糟！

食素日 @ 星巴克

食素日去星巴克，一來可以用張 FREE DRINK 券，二來可以食芝士菠菜批，一於咁話！

個批 $28，杯拖肥果仁鮮奶咖啡 $42，好在有 COUPON，如果唔係，一餐就要成 $70......一個普通打工仔，未計交通費...一日用一百蚊真係冇誇張......

今日 DINNER 係印尼餐

爸爸的晨運老友記...個姐姐整撚手家鄉菜，仲俾 D 爸爸拎番黎齊齊食添！包括黃薑飯 (D翠玉瓜係我後加的)，同埋小食：花生魚仔米通！

個飯聞落好香黃薑味，但食落口冇乜味，剛好同偏鹹的 "魚仔小食" 互補！

叮蟲蟲，蟲蟲 DIE！(@ YAMAZAKI 熱香餅)

媽媽知我鍾意食熱香餅，喺日式麵包店 YAMAZAKI 見到有呢款 PACK 裝，就買左一包俾我食！(唔記得係 $16 定係 $17 一包)

當晚 (11月12日)，我喜孜孜整黎當宵夜！打開包裝，有 4 件熱香餅，一包糖漿同埋一盒 ANCHOR 牛油，睇黎呢個 PACK 裝真係好體貼啊！

我先將熱香餅轉碟放入微波爐叮熱，之後就準備開餐！相機食先後準備搽牛油時，見有一塊熱香餅個邊位有D黑色野，一睇，原來係昆蟲？！......下，密封包裝架喎！係咪轉落碟時，又或者喺放入微波爐時，咁岩有隻昆蟲走左入去一齊叮？我一頭霧水，於是睇番D相；隻昆蟲喺包裝袋取出轉碟時已有架喎......即係製作公司生產時嘅問題啦！媽媽說要翌日拎去 YAMAZAKI 問，我說問店舖職員又點，佢地都唔知架！隔左一晚，佢地都可以話係我地加隻昆蟲落去唧...口同鼻拗！觀乎隻昆蟲長手長腳，又冇翼，似金絲貓多過小強和黑蟻！叮完都咁立體，哼！