本來無一物，何處惹塵埃！

星期六已睇過一次醫生，但他開的抗生素令我又虛又暈！咳＋氣管炎＋右眼整親，星期二趁唔駛 OT，放工後便跑去睇醫生！乘車期間，你叫我先回家，把現在食緊的藥一併拿去，又問及佛珠串的事，一切一切，又彷如昨日。。。儘管星期一你已叮囑我不要只專注工作，要為健康為自己，要快點睇醫生。你說，這是第二次遊說我，可惜我冇聽！是這樣的，因為我不可以再投放任何感情！

翌日，淋雨後你給我的外套；今天特意留下夾心餅，好讓我可以送藥食，還有很多很多。。。所有的關心和好，對我來說已夠了，我不想再激動和失望，因為，這是沒結果的！

PCCW 多謝你！

通常睇電視／保險廣告至會睇到世上有好人／好心人，如讓座，扶呀婆過馬路，落大雨有人為你撐傘。。。

今日 lunch 時突然落大雨（明明出去果陣時都陽光昔照），喺冇遮冇瓦遮頭仲要等紅綠燈嘅情況下，我的心乾著急，因為已作病，唔想再淋雨！。。。突然，有人伸手將把傘子撐在我頭上，我抬眼一望，還未及開聲時那人已搶白：「好大雨呀，你頭髮都濕晒！」我不知就裡，只望到他左邊胸口掛著的名牌，然後開口跟他說：「你係 PCCW 架呵！」他笑著點頭。（名牌上只有公司名而沒有那職員的名字，我想點名多謝佢都冇辦法！）

就憑這一件事，我對 PCCW 的印象加分！

醫生 VS 醫療卡 VS 醫德

行了15分鐘去醫務所，等了13個人約一個鐘頭多d先輪到我！入去見醫生到出番黎只係10秒（冇錯，只是10秒），之後等了25分鐘先攞到藥！又行了15分鐘返家！........

用左2個幾鐘頭，睇了10秒醫生，d藥仲係.........我想問用「醫療卡」的「病人」係咪可以求其和少理？

魚仔 icewaffle

這個魚仔雪糕三文治，我一直想試但沒機會試；一直以為它只有云呢拿和朱古力雪糕味，誰不知它是云呢拿雪糕＋紅豆夾心！很好，的確十分好；無論形狀、味道都很合我意！

打開包裝袋我即急不及待把整條魚取出，拿到手中一臉幸福的模樣。為了不破壞整條魚魚，所以我先從它的尾部輕咬一口，裡面的云呢拿雪糕＋紅豆夾心餡料旋即如破繭般向我露面和微笑！

‧    云呢拿雪糕：味道有點像維記那種又有點像 Apollo 那種，但絕對不是牛奶公司那種！

‧紅豆：像宇治金時新地 dessert 那種紅豆 topping，是粒粒軟稔而甜甜的紅豆＋紅豆漿的混合體，甜美可愛！

魚形的雪糕三文治，輕咬一口餡料已溢出，再吃下去，餡料越來越豐富！

蝸牛美白保濕面膜（5片裝）

姐姐手信之一，拆開包裝袋，捏出面膜，見它色澤如醫生紗布（油性那種）心下一涼，但都試用一下！

剪裁：大小適中，都算貼面！

質地：薄薄的面膜紙，而且很透！

感覺：敷上面，感覺涼涼的，成份水性帶少少黏。

效果：20 分鐘敷後面色如死灰顯得亮白，而面膜精華也會停留。

官方介紹：蘊含蝸牛黏液過濾物，為皮膚提供大量水份及鎖水屏障，有效滋潤皮膚，緩解皮膚刺激，舒緩皮膚，有助於皮膚健康！還蘊含美白認證成份煙酰胺，是有肋於將昏暗及無光澤的皮膚改善成亮麗美白皮膚的美白功效型護膚品。

Snail Whitening & Moist Mask Snail Secretion Filtrate 230mg

至愛Ｘ２

為了令自己開心，坦白講，時間金錢在所難免！對於我這個＂慳妹＂和＂獨女＂黎講，比著以前要我 weekend 出街真係難過登天（先不要說有冇帶野番屋企 home office）；而家，希望自己睇多Ｄ野，以及分散抑鬱情緒，加上屋企又開檯，喺＂無地自容＂嘅情況下所以我走出街啦！

話明令自己開心，梗係去Ｄ自己鍾意嘅地方，當下我只想到Adidas！（因為 CWB flagship 有大中華區代言人 Eason 個 setting，加埋新 theme，淨係喺門口影 display 都開心死！）我去到喺門口影左幾張相再上去＂巡＂左一陣舖，然後落去下層，我終於見到個超靚 setting 啦！我膽粗粗問個 sales 哥哥可唔可以影相，估唔到佢話得！嘩，正呀！我懶理其他客人眼光就一味自顧影影影，最衰得我一個兼個 sales 哥哥忙緊，如果唔係我會叫佢幫我揸機，咁我就可以喺我２大至愛氛圍下影張＂合照＂了！

讓汗水代替淚水

11:45 起身，見仲趕得切於是急急梳洗然後去銀行，為的是入那張退稅票！去到櫃檯方知原來星期六冇得入票，就算我趕得切去銀行都要用入票機。。。

回家後睇完周六高清劇場＜愛君如夢＞然後落樓下食野，食完野搵番條跑褲和之前買雜誌送的 adidas arm bag，執拾好簡便行裝就去跑步！我跑了２個鐘（跑了約 7000 米），讓汗水代替淚水，這樣好像正面些！

共你親到無可親密後　便知友誼萬歲是盡頭
別似親人那麼懷抱我　也別勉強共老朋友手拖手
已經戀到無可戀慕後　換到同情才罷休
跨出這條界線　怎去善後　也許這種愛剛足夠
散步然後吃喝　誰也別　多口

又抑鬱了嗎?

最近發生左D事，令我再次對人失去信心和期望，一度緊揪心，一度哽咽。。。晚上睡不了，就算睡得著，到凌晨４時又紮醒！我開始有點厭食，我知道，是警號！我更怕抑鬱復發，我怕我情緒控制不了，又辭職！然後，如輪迴般過著生活！

萬寧牌有機糙米洗髮露及護髮素

Bloggers 勁讚，一直都想試試！今次一口氣買來洗護各一，看看效果如何！

用後感：氣味清香討好，像佛手柑和甜柑，很醒神！白色的洗頭水像糊仔，質地像磨砂！去頭皮及止頭痕效果不俗，用後感覺尚算爽而不膩，而掉髮情況則如 pantene 差不多。不過這支洗頭水的保濕效果較遜，就算連同護髮素一起使用，乾髮後頭髮仍然乾爭爭的！它好用與否，就見仁見智了！

垃圾！

喺大家樂食左個唔好食的 tea（$23），包括洋蔥圈＋鹵水雞槌＋芝士薯餅＋熱奶茶！

洋蔥圈：３個大小不一的洋蔥圈，眼見有２個只係得＂炸外圈＂，至少仲有一個入面有洋蔥吧！。。。點知３個都係＂炸物ＯＮＬＹ＂，而且又乾又黑又硬！

鹵水雞槌：似浸左好耐，層皮同Ｄ肉有Ｄ甩離，而且好重滾水味！size嗎？整體上比ＢＢ腳仲要細！冇乜肉食！

芝士薯餅：由於佢話＂即炸＂所以等了５分鐘先有得拎！呢個芝士薯餅，唉，又係一舊黑色炸物，外層更硬又厚粉，入面食唔出芝士味！

成個餐，只有杯熱奶茶比較可取！如果以 tea time 價錢計，熱奶茶 $8，咁即係話餘下嘅 $15就係洋蔥圈＋鹵水雞槌＋芝士薯餅嘅價錢，除番開每件都成 $3，$3 俾Ｄ咁野人食，真係欺騙客人！加價，都要俾番咁上下＂價值＂的食物客人食啦！！！

週末大電影

一早醒來睡不了，執拾一下積存的月結單和信件，見距離tea time還有兩個鐘，於是去租碟！今次我的「自選影院」係＜人間喜劇＞同埋＜奪命金＞！

連續睇完，晚上八點就拎去還，之後食個麥當勞再落太古，喺Loccitane買完hand cream就回家！

懂我。寵我

你問：「想買普通版定係限量版？（Eason new album 今日開售）」

我說：「有諗過“限量版”，但貴 $100 之餘只係多了手稿（填詞人 ONLY），好似唔化算！所以，應該係普通版！」

之後，你再問：「咁係咪諗住今日買？」

我問：「做乜野？」

你：「因為直接影響今日 lunch 食乜！」

我：「係喎！如果去 A 舖頭買，咁就過天橋去對面食！如果去 B 舖頭買，就要兜後面！．．．」

約中午 12 時許，我剛去完 toilet 回來，甫返回座位，見你在打電話！竟然，你打俾 B 影音店的老闆，問 Eason 隻碟返左未？我還聽到你覆述老闆的答案──下午 1 時許應該送到來舖頭。你掛線後望著我，那時我已忍不住笑！

男孩像你

關於助眠音樂的事，我以為你唔記得或者只係講下先！點知今日下午，突然收到你的 email，說已把它們轉成 MP3，並放到 server 入面．．．點解你要「講得出做得到？」．．．點解你要記得？我做了三十多年人，無論情人家人，（給我）收到的空頭支票實在太多、沒有答案的說話也太多、講過唔算數的說話也更多，我．．．實在沒有遇過一個真正講得出做得到的人！而且，我們只是認識了４個月，你對我所做的往往比以前任何一個人多，唔止講得出做得到，仲要係冇講過的你都會給我做到！我，的確很感動！

一排窩心

早陣子：傳紙仔！

昨天：熱咖啡，陪OT，Mrs. Frield cookies，搵助眠CD，找抽筋對策！

今天：熱咖啡，可樂糖（只是說過一次你就以為我酷愛可樂），外套，靚湯家常飯，問Eason new album，跑步！

其實不止昨天＋今天，一直以來你的窩心體貼我都十分感激！就讓銀色壓花糖紙變成顆顆小心心，如星星般守候著。

低俗喜劇

自從Ｎ年前百老匯電影中心裝修，至今都冇去過了！想當年自己一個，個個禮拜去果度睇戲，有時一日內連睇３部戲，那些年。。。

今次重回舊地，看的是《低俗喜劇》！全劇整體黎講笑位有Ｄ失望，中途亦有悶場，但總算ＯＫ！除左識得＂乸西＂嘅正寫係＂俹簁＂、離開時大會派大包爆炸糖之外；最驚喜莫過於完場時導演彭浩翔及杜汶澤，仲有騾仔進場！

入會

咁大個人首次join租碟會，因＜荒失失奇兵三＞上映，口碑好好，為此我要看回它的一和二！

名字

買外賣，居然窩心到連名字都寫上，好嘢！

戀無可戀

古巨基新歌＜戀無可戀＞的曲、詞好好聽好舒服，查看之下原來出自夕爺手筆！今日，我特意找尋這歌下載，我覺得自己短期內將會對這首歌沈溺！

一個婚禮，一場消費

今早冇乜 mood 做野，睇雅虎香港，click 左一篇題為＜十個你不需要知道的婚禮事實＞來看！

裡面有講關於美國人結婚的統計數字和新娘擔心的點滴（加如何憑一句 “You Are Not Alone”作有效安慰。）睇下睇下，覺得美國唧，太遠！而且篇幅既散又零碎，point point 都唔到肉，無乜感覺！直到篇末的一個 caption：“一個婚禮，一場消費”，我真心笑左！我笑嘅原因係：簡單８個字其實交代左個 theme，個 reality 同 purpose 出黎，仲收埋“畫龍點睛之效”，幽默得黎又帶點絕核！好野！

*補充一句：其實呢篇野嘅內文同條題係冇相干嘅，不過咁，至少收到一個效果，就係 push 到我click 入去睇！