「好香港好香港」展覽

細味的，不單是舊事舊物舊風景；
而是——
更懷緬，未能一再擁抱的好時光！
特別在——
如今彷彿變得更陌生更乖張、距離感更遠的
我家。香港
==============================
<「好香港好香港」展覽詳情>
香港中環大會堂低座一樓展覽廳
2017年8月6至19日：上午10時至下午8時
2017年8月20日：上午10時至下午3時
香港灣仔動漫基地
2017年8月17至29日：上午10時至下午8時

#香港 #法律 #陌生 #乖張 #歪曲 #顛倒 #舊事 #時光 #懷緬 #好香港好香港 #大會堂低座一樓展覽廳 #中環

清邁手信

清邁手信：熊仔索袋，鬆弛熊濕紙巾X2，飯盒帆布袋 (它的絲印熨畫，有點似兒童樂園)

#清邁 #熊仔 #鬆弛熊 #兒童樂園 #濕紙巾 #帆布袋 #熨畫

厚切紫薯包 @東海堂

紫薯係蓉狀的藏於方包內，味道好夾，紫薯味好清新，唔錯！

#東海堂 #紫薯 #方包

維記曲奇甜筒

成個雪糕唔太甜，曲奇味唔太突出；反而個筒先係驚喜，重重朱古力味，朱力控必試！

#維記雪糕 #曲奇忌廉 #朱古力

補給品第三彈

#補給品

蝦多士餐 @ 大家樂

新出的蝦多士餐 ($30)，賣相一流，唔知味道如何呢？

蝦多士：大大件又夠厚，隻蝦大大隻好吸睛，不過內餡有感 "混亂"，只食到蔥和西芹味，其餘的食材混埋一PAT，嚴格黎講唔知有咩......另外，炸漿太厚又硬，凍左變乾及 un 牙。

火腿米：算大碗又夠熱，但冇味似白烚......

#蝦多士 #大家樂 #白烚 #好睇唔好食

香港仔茶餐廳打冷 @ 灣仔福臨門後街

上星期一心搵搵唔到，昨晚反而無心搵就到，仲要係好好食，屬性價比的一餐！

韮菜豬紅 ($70)：大大碗，入面有好多舊豬紅，韮菜。豬紅唔羶，好入味。韮菜唔韌。

鵝片拼墨魚 (招牌鵝片 $90，加 $25 可以拼墨魚)：鵝片大大片，多肉少肥，嫩滑唔羶，如果多少少更好！墨魚爽口夠腍有咬口。底下仲有大豆芽菜。

方魚肉碎粥 ($55 細碗)：足料夠熱又大碗，二人食每人可以搯到 3 碗！

店員殷勤又 NICE，話頭醒尾，無論價錢，味道和份量都好 OK，除左打冷佢本身都有晚飯小菜，又收得夜，呢間絕對可以再翻炒。下次試下蠔餅，炒蜆先！

#打冷 #韮菜豬紅 #鵝片拼墨魚 #方魚肉碎粥 #蠔餅 #炒蜆 #香港仔茶餐廳 #灣仔福臨門後街

打風食 MCCAFE

打風期間，麥記有開，試了想試好耐的扭扭粉芝士煙肉三文治，只要買杯中杯裝飲品，就可以以 $14 食到。於是，就要了中杯裝的 FLAT WHITE ($24)。等左一陣就有得食！

件三文治係即時整熱的，唔知係咪本身麥記冷氣太勁，所以食完 4 分 1 件之後就好快凍啦！凍左就自然變得好硬......內餡方面，煙肉有 2 小塊左右，韌的......芝士和扭扭粉早已混和，不過冇乜味，如果可以的話，落少少 PEPPER+SALT 吊下味會好D。

至於杯 FLAT WHITE，完全唔似 特濃鮮奶咖啡，佢好濃味，入口有D澀，反而似 CAPPUCCINO 多 D。

#MCCAFE #FLATWHITE #CAPPUCCINO #澀 #扭扭粉芝士煙肉三文治

花園餐廳 DINNER

和姐姐 DINNER，由灣仔行至 CWB，一心想食打冷，點知時代變......明明記得灣仔內街有好幾間的，如今已變成日式 / FUSHION 等食肆，由於太夜又唔想再行，就索性去花園算了。

姐姐食一貫喜歡的牛脷，我就要了一個有齊免翁+蝦+半隻乳鴿，仲可配飯 / 意粉 / 沙律的餐。

時移世易，連最出名的紅湯都變質了......儘管已落了 PEPPER，但它只可說是勁淡味的菜湯而已。姐姐說牛脷味道尚算 OK，有 4 條咁多，而且都幾厚。不過有 2 條係太硬和韌，咬唔開的！......至於個咖哩汁都算夠辣。

我個 "海陸空" 餐，好似好豐富，有沙律菜伴碟。我先食隻蝦，唔太熱，咦，仲有 D "叔" 味嘅？！乳鴿 OK 啦；至於塊牛則尚可，有三分之一係韌的......。我揀了配沙律，佢係薯仔菠蘿加少許紅蘿蔔，唔太凍，沙律醬唔太夠，味道一般啦。

我諗，全晚 D 野食之中叫做唯一有保證的，那怕係個餐包 (連粒裝牛油) 啦！(好諷刺)

#花園餐廳 #牛脷飯 #咖哩 #乳鴿 #明蝦 #免翁牛柳 #紅湯 #餐包

出院後的補給品

#四洲紫菜 #粟米片 #葡萄適 #寶礦力

一波未平一波又起！真係好 sadddddd……

黑仔如我原來仲未夠皮，上兩星期分別有  2  筆 e-banking 過數事件又攪到一頭煙！

由於太耐冇聲氣，故追問商家；唔問由自可，一問方知原來對方一直都冇收到任何過數 RECORD…點解呀？我 through e-banking由恆生  saving account  過數至本地第三方的匯豐銀行戶口，過程中我仲因為被版面唔明顯誤導，在  ”特快過數”的版面進行轉賬……結果係，兩次過賬無啦啦俾銀行收我 $55X2次 手續費，唉，連咁都要 “破財”！同埋，又會咁橋，同樣係匯豐銀行收唔到我的過數！

儘管我已  CAP SCREEN，又  SHOW  埋恆生俾我嘅 ”完成過數  SMS”以及過數紀錄連參考編號予對方，但對方都回應我真係收唔到這  RECORD………其中一個商家，更把他的  E-BANKING CAP SCREEN俾我睇。明明我過了X元給他，但他的匯豐銀行  E-BANKING  只顯示我只過了$10…？？？十蚊？！我真係唔止過賬  $10  囉！WTF……照咁睇，係咪匯豐銀行果邊出問題呢？

雖然大家都有  CAP SCREEN，有紀錄，但而家情況係口同鼻拗！佢話冇收到數，我話已晨早過晒數 (仲俾多 $55 作為特快過數之手續費)…咁即係點？！係咪  E-BANKING  根本唔可以過俾第三方銀行？？？乜咁攪呀……本地商家都口同鼻拗，嘩如果係非香港的商家，你話點算？點追吖……煩！

#黑仔王 #ebanking #恆生 #匯豐 #口同鼻拗 #商店

灣仔海皇

唔知佢幾時裝修，又唔知佢已裝修完。上完堂經過，仲以為已執笠 / 搬舖…

裝修後更見明亮，樓底又高，感覺光鮮左新潮左乾淨整潔左好多！我都係食個夜貓套餐，$30 有粥有炒麵有燒賣 (本來一粒，因冇左韮菜煎餃而變左 4 粒)，好飽！

長者卡優惠

如題，媽媽在奇華餅店購入這些。

諗無可諗，好彩有券！

諗食咩，真係好傷腦筋！好彩醒起有星巴克 COUPON，買件三文治 (辣雞肉牛油果醬)，又一餐！

自製菠蘿油

$5 一個菠蘿包，於微波爐叮 10 秒，再加牛油，咪就係菠蘿油囉！暖笠笠，好好味。

心事重重

心情影響胃口，呢個係肯定的。失眠問題....處理唔到架啦......我也投降，而家只係讓身體自己直踩，直到身體自己倦到 "自行關機" 先至瞓到。平均隔一兩日，都會瞓到 2 至 3 個鐘的......

好似今日咁...下午 4 點幾先 "自覺" 肚餓，喺種種 "原因" 下，落樓下美心...睇勻全 MENU 其實冇咩想食，於是就揀了個 "最平" 的餐---吞拿魚碎蛋豬仔包餐，連餐飲 $27......(諷刺，已是全店最平的一款餐！)

啡色的吞拿魚，得幾粒 (約 3 至 4 粒左右)......本身唔太喜歡食豬包，因為又乾又硬，食時準會刮到上顎的 (刮損位置到時又會變成口瘡或飛滋)。成個餐，像白烚食物，冇味的！

唔抱有期望，就算失望都唔會太大！......

黑到盡…會否極泰來嗎？！(恆生信用卡事件)

低處未算低，而家勁黑仔勁潦倒唔緊要，我確實冇咩望 (已唔敢望)，只希望否極泰來！

長期失業，長病住院 (一個月內的中醫西醫專科物理治療的醫療費 OVER 八千幾蚊……保險唔理，冇人可以俾我咨詢到，唯有打去問  CS，先知原來乜X都 CLAIM 唔到！！！莫說失業期，就算有工番，呢筆醫療費都好肉赤！)；電腦手提連環壞；連番收到空頭支票，大隻廣…唔緊要！低處未算低……

入院時某天的黃昏，竟然收到一個  SMS，內容係疑似有商戶擅自使用我的信用卡，授權碌左我 4位數字的網購！由於人在醫院，難上網難睇電話難CHECK…冇計可施之下，打去恆生的客戶服務熱線查問，同時即刻 CUT 卡 (雖知再申請再等發卡再拎卡再啟動，之後又要再通知某些用緊  ”分期”的商戶，既需時又煩人，不過真係冇計！)。以為咁就可以了事，我未免太天真了！……

電話中，個恆生客服說已幫我  CUT卡，兼且一天後就可親身去恆生分店就可拎新卡！同步，也將那商戶的行為備案了！

隔天我出院。回家跨過火盤，放低了個人物品及藥物，連衫都未換就動身去恆生分行 (因確實心掛掛)。點知，職員說冇可能一天後可取新卡，兼且，那個恆生客服冇同我 CUT 卡囉！至於那條擅自授權的卡數就……

好無奈，要親身睇住分行的恆生職員同我重新處理 CUT 卡事宜 (已被恆生分行幾位職員先後見到我左手上的紗布，奇怪地問我是否打針……其實那是拔去 “黃豆”出院的傷口處理)。如果不是咁岩出院，沒有親身去分行查詢，我還一心以為電話同事已給我處理好這”CUT卡事件”。(唔知係咪所有恆生CS職員，都係 well-trained 呢？！……) 是次換卡，又要俾 $100 手續費，真係越窮越見鬼……

終於，兩星期後就到新卡，再之後等左兩星期就收到個 “櫃員機密碼”，再多 4 日後再收到電話服務密碼....即係前後須時一個月，張新卡先可以喺櫃員機轉密碼，提款和轉賬！個幾月後，才可電話理財……可能你會問，點解唔用 e-banking？冇錯，可是“黑仔如我”梗係冇咁順利啦！因為，我張新卡加入唔到入 e-banking，於是我又係打去恆生客服查詢，唔知呢位陳姓男客服係咪之前俾上司鬧完，將脾氣盡地發洩在我呢個恆生用戶身上……我又係一臉無奈，好無辜……都係果句，”黑開有條路，好難避得到！！！”

黑到盡，真係會否極泰來嗎？…...

還未走出陰霾 (*照片有D核突！)

上回講到，入院前右下唇生左粒大過牙嘅飛滋，出院後輪到條脷右邊位置又生了飛滋！一星期後，因為呻得多鼻涕問題，右鼻孔”門口”就 FEEL 到痛痛地，都知道瀨野…點知，就生成了“石頭瘡”！(“石頭瘡”即係一開始冇膿也冇膿頭，只係凸起一舊好似蚊叮咁，硬硬地+微紅；之後就會變成硬實一舊。) 唔止右鼻孔”門口”，就連下巴位置都同步生了兩粒“石頭瘡”。

FINE…該死唔該病。

4日後，呢兩個位置嘅“石頭瘡”就出現膿頭！變左又紅又痛的毒瘡，下巴果粒，仲一開二，一粒“石頭瘡”變成兩粒膿頭瘡！……搽了幾日俄羅納英，越發紅痛；不得已，今天走去買盒暗瘡貼！

*PS：腳眼附近位置又俾蚊咬…呢次係“蚊變瘡”。

(*以上所有照片有D核突！)

Olay 多元修護清爽 UV 防曬霜 無香料配方 Olay Total Effects 7 in one Feather Weight Moisturizer with suncreen

見係 Olay (有睇開我呢個 blog 都知我係 Olay粉！)，見係 “新。美國進口”，仲標榜羽毛般輕盈，又清爽又快俾皮膚吸收，咁岩我的 lotion 差唔多用完，見萬寧減價兼有 coupon，星期五特登去入貨。晚上急不及待開封！點知……

拆開包裝，當然影相先，然後再搽上臉。PUMP一下在手 (*約4分1個一毫子咁多)，目測質地輕柔似鮮奶，稀稀的，唔係死死實實的。先搽額，(再 PUMP 4分 1) 然後左臉右臉，(再 PUMP 4分1) 最後是下巴位置！

又係職業病之故，但凡有label 外加的，準是有錯野及古怪！...

一嗅，陣味好熟悉呀！冇錯，係最最最早期 (差唔多係 1997 年左右，即我咁大個女，平生第一次兼第一支買+用的護膚品) ，仲係用緊 “玉蘭油”呢個名時嘅果隻香味呀……真係充滿集體回憶！

咦，咪住，佢又話無香料、酒精嘅？？？咁呢D幽幽嘅茉莉花香味係邊度黎？…同埋，睇佢包裝盒上嘅成份表，明明有幾隻係酒精黎架喎 (benzyl alcohol, stearyl alcohol, behenyl alcohol, cetyl alcohol...... )，何解佢又宣稱 “無酒精”嘅？？？好多個黑人問號產生……(*職業病問題，話晒我大大話話寫左超過 15 年呢類美容護膚產品的 catalogue，leaflet，packing material，all marketing & promotion materials，ads，etc…)

仲有，講真佢質地唔算輕盈，講白D就係較黏膩、有D “立”和黐，搽完塊面望落去+自己都 feel 到係好油 (反光果種)！搽完之後 40 分鐘左右，黏膩感仍在，於是我扮晒廣告，擺紙巾碎喺臉上，結果係黐住左同埋唔跌的 (要強調我唔係搽左好多)！！！

粉絲都係咁話，我中伏了！！！

繼  N  年前一隻草本修護乳液 (綠色包裝，正確名稱唔太記得) 覺得唔好用、以及前年左右的 “高效透白光塑清瑩精粹油 Olay White Radiance light-perfecting clear facial oil”用完皮膚刺痛泛紅敏感 (用左一次唔敢再用) 之後，呢隻 “羽毛” 產品，令我對 Olay 再減分……