SK II eye mask

從莎莎買來這包 SK IIeye mask（$29）一試，打開包裝，有個小兜，入面裝著兩片眼膜。

質地：幾好，較厚身，不易黏著。

Size：夠大塊，可以敷在眼底黑眼圈位及顴骨位都卓卓有餘。

成份：精華不黏稠，不過量，不似某牌子般水滴滴。但咁樣唔知係代表質量好定係精華分量少。

感覺：敷上時不易移位／移開，眼底肌膚會感到緊緻。敷約十分鐘，唔知係咪精華少之故，有少許乾涸感，而且眼膜邊感到刮肉。

用後感：敷完覺得眼紋和缺水紋都有改善，效果大致唔錯，不過唔知可以keep到幾耐呢？

十五。齋

天壇大佛太遠，所以轉去志蓮，順道慶爸爸生辰。一行8人lunch at 龍門樓-志蓮素齋，味道尚可，上菜夠快，服務一般，價錢中上（每位最低消費至少$95），想食最好預先book位！（人數過半方可入座）

有來有往

唔開心的時候，又或者心情低落時，有人會用＂食＂來平衡，有人會用＂買＂來平衡！今日上完堂之後，一輪的 window shopping 後，我覺得我要＂消費＂一下。我的消費，又何常不是購買生活必需品。。。

學詠春後，加上身體本身的舊患，風濕＋關節肌肉＂怨＂痛頻密左好多，所以近排屋企常備用來＂睇門口＂嘅撒隆巴斯好快用完，今日見萬寧做緊孖裝減價（$78.8／80片），即刻入貨！

行逛一輪，左右手臂好痛，條腰痛到好似斷咁，係時候番屋企啦！回家後見冇開雀局，心情冇咁差，約７點便同父母去茶仔 dinner，之後去食糖水，再到某商場。我買了件衫俾媽媽，然後過隔離文具店，我說要買一支三色筆，揀完一輪兼試了色後，到 cashier 時媽媽嚷著要俾錢，說＂有來有往＂喎！好，就等佢送支筆俾我－－我咁大個女，恐怕是第一次媽媽買文具俾我。。。

唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

唔開心唔開心唔開心唔開心唔開心唔開心唔開心唔開心唔開心唔開心

我想大嗌，我好唔開心！

設問

你，還能牽絆我嗎？
你，還值得信任嗎？
你，仍然牽動我的情緒嗎？
你，還是懂得利用嗎？
你，還佔據我的心嗎？

一大堆問號，就在你不在的今天我反問著自己。沒你在，我可以更專心工作；你，已經不再是我的 back up 嗎？你，不會再 support 我嗎？或是，我，已經脫離你嗎？我，已經羽翼張開，可以自己飛嗎？你有意無意的謊話已開始累積，我心深處得悉所有，你知道一個人由信任到懷疑到質疑到沉默，整個過程可能有始無終，但箇中底藴與知味是何等難受！或許正如你所說：「人，是自私的！」包括你！我開始重新整合思緒，由相識、相遇相知，一切我都記得很清楚，正正因為清楚，我可以將之拼圖再推敲，當懷疑和欺騙累積至某點，你的世界將少了一個我，請自重！

午飯時和一位新同事去食飯，他整個人都充滿著天秤與水瓶的特性（縱使他其實不屬於這兩個星座），一開口就得罪人，說話充滿攻擊性，出口傷人，他，還句句頂撞我，當我是什麼？成程飯我與他沒兩句，一味低頭自顧吃著。

問題仍然存在，就讓一口一口的酸辣味道，先刺激味蕾，再刺激心窩！我，想離開！

舞獅

好喜歡看舞獅，今日 lunch 後行番公司，到樓下大堂赫見人群和聞得鑼鼓聲，是舞獅！我箭步跑上前看，兩隻醒獅在梅花樁，好不威風。我邊看邊拍照，個梅花樁仲會噴煙，未幾，當醒獅採青後把好意頭紅紙揚出，時頂幕更爆出七彩皺紙，嘩啦嘩啦，七彩皺紙傘落我頭我身，好開心！

番上公司冇耐，醒獅上來採青，我連忙拿出大機出來，霸了靚位影相，當然還近距離看舞獅！它走過辦公室每個角落，由於我位通道被產品盒阻塞，它只能遠遠舞過我個位便行去。唔打緊，因為我今日看了兩次舞獅！

心口痛

年初二開始，心口一直乸著痛，日日如是，不分早晚（特別是晚上剛走上床，一躺下個心就痛），每次持續幾秒至十幾秒不等，有時痛了幾秒隔一會又痛過，呼吸不得（因為吸氣時就更痛）。之前都有心口痛，亦曾去過急症室，照過心電圖，不過事隔十年都冇事，近排個心又開始痛，今日終於忍唔住睇醫生。

醫生問我點解要忍成個農曆年咁耐，心痛可大可小！。。。鬼唔知咩，但農曆新年邊有醫生開門喎！於是，佢開左一Ｄ止痛藥俾我頂住，又寫紙我聽日照心電圖，仲俾埋假紙我！等拎藥時，我淨係諗住聽日的請假程序：先話俾 admin 知，再話俾佢知，再交帶下星期出稿的事。。。這還未算，因為我公司得我一個 writer，如果我請假，我就要今日 home office 寫晒Ｄ稿先！（雖然，我聽日早上照完心電圖就會立刻回公司，張假紙應該唔會用！）

睇完醫生，我喺就近麵包舖買左２個麵包以送藥，然後回家！我拎住一包藥番屋企，望住五顏六色的藥，令我諗起了 candy crush 遊戲。。。

真相

一而再再而三的俾我知道，一個我一直相信，一直喜歡的人出賣我！。。。縱使是小事也好，你的輕視你的利用，都像利刃般逐少逐少將我的皮肉割開。。。

雖然我曾說過，假如遇上 so call 壞人的人，就算是投以真感情，就算佢對我幾好幾夾，至少我都想知道一切的真相！（上天待我不薄，往往都俾我真係知道事實的真相，不知是巧合還是個天可憐我）。。。其實，真相好難受，仲要係由自己一手發現的真相，那種＂暗瓦底＂的感覺真係。。。

回家途中我已忍唔住流淚，在回家前在 7-11，換 sanrio 公仔，點知俾我換到我鍾意的大口仔，仲要係賀年版。。。係咪個天知我 hurt by him，所以俾番粒糖我？苦中一點甜？？？

愁人節首日開工

新年長假後首日開工，老闆第一個派開工利是俾我，令我受寵若驚！約十一時半，秘書打我內缐說今日吾駛出去食lunch，因為老闆叫傭人煮了，大家在會議室開飯！

一時未夠，大家步入會議室，見枱上擱著多盤菜式：黑椒豬𩨨、香草烤鴨、金不奐鷄絲蘿蔔絲沙律、紅蘿蔔炒椰菜花、楊桃菠蘿沙律、炸薯餅、炒自家制蘿蔔糕、自家制黃糖馬蹄糕，仲有香檳、提子汁、蘋果汁添！大家大快朵頤！好飽又驚喜！

適逢情人節，冇錯我係吾開心，加上今個新年收到一封我吾想收的利是（縱使俾我知道我呢封與別不同，佢特登封多d俾我），但係。。。我都想相信世上仍有個有緣人在不遠處等我、我都想相信我會遇到一個同我夾而細心體貼又疼鍚我的人！命理書說農曆四月後會有真桃花，說今年會遇上我的真命天子，希望我會遇到！

赤口跑

大年初三，赤口！

昨晚睇完＜孤男寡女＞先瞓，都成凌晨３點了！今日唔駛較鬧鐘，等自己可以盡瞓！（唔計之前的失眠日子，呢個幾月黎星期一至日都要早起，身體真係感到異常疲倦！）起身梳洗過後，等到２點半 tea time，先去食野然後換衫跑步！

新年開步跑，除左想出一身汗外，又想進行至少一個鐘的帶氧運動（成年女性每日需要 1500 卡路里，跑一個鐘頭可消耗 500 卡路里），也想避開屋企的＂麻雀＂！另外，我的新跑鞋今日出動！

呢對 adidas adizero 系列，終於等到佢出 2013 新款！（之前冇買因為男裝款式和顏色比女裝多，而且女裝番貨少，我想買時已得番核突款一，兩對和斷碼）聽店員講，呢個系列係 for 跑半馬或練跑，特登趕喺渣打馬拉松開始前一個月新推！開於跑鞋，其實我一直都唔認為要買一對專 for 跑步的鞋子，不過當我穿上＋正式落場跑後，方發現它的重要，以及一對跑鞋對跑步黎講，確係 essential tool！

首先，呢對 adizero 十分輕，著左好似冇著咁。整對鞋對腳底及腳跟的保護很好，尤其是足弓位！（我懷疑佢有避震物料，因為無論跑石屎地定係膠制跑道，腳板都唔會因與地面磨擦而感到倦）此外，佢面層以透氣物料製，跑完除鞋唔會有腳汗和腳臭！－－今日，我跑了１１個圈，約 7000 多米左右。成程兩隻腳都冇抽筋，腳趾，腳板都冇因跑得耐而＂怨＂痛，似乎我買岩左！

年初二，繼續食！

大年初二，下午４時左右姐姐＋姐夫＋ Chloe 小妹妹來拜年，小妹妹還教我玩公主 games，她玩 ipad 和遊戲的熟練程度比我更甚，而家Ｄ小朋友對新科技使用及駕馭等程度實在厲害！姐姐提議買麥記食，大家俾面地每人要了一個特價包。其實我都想食薯條的，但驚食完陣間太飽所以冇提出要個餐 share！食著食著，未幾，約過了半個鐘左右，姨媽和姨丈也到！大家閒聊了陣，就去天后某酒家食開年飯！（期間，姨媽為了偷拍小妹妹而撞倒了我個暖爐，其實我有點嬲，因為她好似感覺唔到聽唔到撞跌野，而且佢先係把擱滿外套風褸等物的油壓椅撞向暖爐－－過熱不透氣會引致火災架。之後，她再向後一挨油壓椅，後面整個暖爐就呯的一聲翻倒了！。。。撞到野連對唔住都冇聲，還自顧在拍照。佢究竟真係聽唔到？真係 feel 唔到？還是裝聾作啞呢？---喺呢度我挺想讚下個暖爐，因為佢被撞倒後即刻自行關掉電源，不致發生什麼事故！）

我地一早訂了檯以及一個套餐，個套餐款式不多，來來去去都是魚呀雞呀，拼盤呀，髮菜生菜等賀年菜式，不過呢度勝在上菜快，食左差唔多半個鐘，差不多已上埋糖水和甜品了！由於二月是爸爸，姐夫和姨丈的生辰，姐姐託她呀嫂自家整了個芒果蛋糕，給大家一個驚喜，拍照當然是例牌菜啦！

由上星期五至現在，日日都食不停，都係時候要制止一下自己了！

年初一蝦碌事件

知道年初一屋企一定打牌，為左逃難又為怕多人買及多人等，所以一早喺網上買飛，今日睇＜雲圖＞！睇下睇下岩時間的，就只有下午 1:50 皇室，連 $10 手續費，今場戲要成 $115，真係有Ｄ肉痛！。。。

約 1:45 左右我已進入戲院，那時我見我果行 row C 有一個男仔已在坐，我進去然後於６號位子坐下，他就對我說有人坐的！我奇怪問這行是不是Ｃ？他說是。我又問這裡是不是３院？他答是。未幾他掏出戲票，冇錯，他跟我一樣，張飛都係寫著＂Ｃ６＂！唔通電腦打錯飛？唔通我在網上購票時，電腦系統未能即時更新，導致＂鬧雙胞＂？！。。。我再望望他手上戲票，謎團終於解開！他那張，冇錯是３院Ｃ６＜雲圖＞的戲票，但日期是２月１１日，即係聽日的戲票！！！真係好蝦碌！！！他知道攪錯了日子後，恰巧他的家人也從洗手間折返，當得悉記錯日子，連票尾也被職員撕了後全都Ｏ晒咀，至於他們買了的爆谷和汽水，也只好連人帶離場了。

shopping 7 hours

年廿九又係星期六，下午先去上詠春，之後本來諗住去維園年宵，恰巧弟弟打來相約行將軍澳，又好，年年初一前一日（有冇年三十晚都好），我都同弟弟逛街，所以今年都唔例外！

原來由尖沙咀坐地鐵去到寶琳站，都只係 35 分鐘左右，真係好快！甫到達就見到弟弟，原來我同佢同一班車！我地行左７個鐘（其實未行得晒），期間仲食左個 dinner（@ misocool，我地分別加錢變了２個拉麵餐，呢間分店的凍奶茶真係沖得好好飲！）同埋好出名嘅聰嫂甜品（我點左佢出名嘅龍眼椰果冰，而弟弟就要了合桃露，果然名不虛傳，唔怪之得門口大排長龍都要食啦），之後原本想行將軍澳個花市，但太多人兼打蛇餅，我地未去到＂法定入口位置＂已感到汗顏，於是就打道回府，番到屋企已經係凌晨 12:30！

今趟將軍澳之旅的確盡興，因為玩了２個半鐘頭詠春，之後再行７個鐘頭街，雙手和雙腳都極倦（行行下街我左右腳小腿都先後抽筋）！以往都係弟弟購得戰利品，今年居然我都有收穫（其實只係一件外套，而且唔係Ｄ咩必須品，屬可買可不買那種。不過可能心情影響，購物可以扭轉低點的心情。）

全日食

今日雖然冇得早放，但食足成日，真正工作的時間好少！

早上份奶醬多未落格，我地就喺 12:15 出發去酒樓，食到 2:30 先番 office！差唔多 4:00 就入會議室同老板切蛋糕預祝生日，之後就有 starbucks 外賣，成日食食食，攪到胃頂頂，真係好飽！

夕張蜜瓜小蛋糕

多謝你，真係好多謝你！

呢盒夕張蜜瓜小蛋糕，包裝精美，一盒有廿粒，粒粒獨立包裝，小蛋糕呈橙色，聞已充滿蜜瓜香，食落又香又甜！

零食時間

卡樂B節日限定厚切鹽薯片、橄欖PiZZA著片、童星點心麵（鷄味波浪版及豬骨濃湯拉麵味）、杯杯卡樂B薯條、百奇士多啤梨百力滋，紅豆燒餅、出前一丁味薯片、芒果雪糕三文治！好味~

婚期

星期五晚發夢，竟然見到你同我結婚，夢中我仲問你咁佢點？。。。未幾就醒左，我想續夢都唔得！

同事說一個戒子測結婚年齡好準，方法係：用一條頭髮穿過一只圓形戒子，左手攤開手掌向天，右手就捏著那只頭髮戒子、如鐘擺吊著。然後想想你想測試的結婚年齡，舉例：如你現在 29 歲，想測 30 歲能否結婚，那就用右手如鐘擺般橫向輕碰左手 30 下，然後把頭髮戒子移向左手手掌中央，如果你將會 30 歲結婚，那只戒子便會鉛垂並順時針自轉起來；如不，它則逕自打圈或打直打橫地郁！無聊下我試玩，點知玩到 50 歲那只頭髮戒子都自顧自轉。。。唉，原來我係咁唔我人鍾意，至少50歲都不能成婚！得出這個結果，難免灰心和失望。