第28日

差不多種了一個月，所有菜都乖乖生長！聽完理論課就出去睇田，今次我吾駛再補種，只是將d泥把露出的紅色嫩莖蓋好（防止雀仔和蟲見到而吃掉）便走人！

俾蚊咬攪到要睇醫生？

俾蚊咬到要睇醫生？唔係誇張，我就試過２次！

之前一次，係俾蚊咬到眼，雙眼皮位！攪到成隻眼腫左，因涉及眼，怕細菌感染，番番下工去睇眼科！搽了藥膏，好轉！

第二次，係星期三俾蚊咬！初時以為跑步惹蚊，回家只有右腳見到６粒，搽了俄羅納英，好轉！可是到星期四，見腰側都有；星期五變得越來越多，兩邊腰側＋肚＋屁股附近位置＋頸＋鎖骨於都有，連手掌都有幾粒？！好似出疹咁！Ｄ蚊咬唔太痕，但有時會感到好似俾針吉咁樣！。。。我已經冇搔（因為怕有lar），即刻搽俄羅納英。到星期五下午，見蚊咬位置變成砂（似人地刮砂那樣，瘀紅色！之後仲變成好多小水pork聚在一起，一笪笪），我知這情況是毒蚊＋有細菌，而且情況恐怖，我怕會是登革熱或日本腦炎，又或者會變成＂生蛇＂，於是星期六較定鬧鐘去睇醫生！

上網找尋，內外全科＋皮膚科，而且又要係女醫生的，竟然俾我搵到在鰂魚涌有一位，仲要係星期六應診！去到門口，原來又係ＸＸ集團，但不得已，都要睇！

醫生睇過Ｄ蚊lan排列（原來看它的排列可斷定是否登革熱），之後說我是細菌敏感感染，開了藥丸和類固醇藥膏。Ｄ藥一日一次，只有３粒（即係３日就可康復？？？）；藥膏一日搽２次！

回家後我按藥名上網查看，原來類固醇藥膏不宜塗得久，因會令皮膚變薄，免疫力下降，第時整親或跌倒，會易瘀成一大片！（之前知道如果是內服或打針的類固醇，雖然藥到病除，但好傷人！你打一針第時係要還的！所以Ｄ歌星失聲／因病冇聲，都會打類固醇，但不可打得多，一生人只可打一，兩次而已）

搽了３次藥膏，吃了一次藥，Ｄ蚊lan好像淺色了些。雖然手腳冇，有的地方著衫後都可遮蓋，但身體上似出疹的蚊lan，真係好核突和惱人，希望快Ｄ褪晒好番！

呢間大家樂

假期屋企 2 條街 D 食肆例牌唔開，於是去大家樂！$21 有雞翼有炒麵有餐飲，算係咁！

呢間大家樂有好多回憶，回想３年前我失業了一年，幾乎日日３點就黎食野，拉上補下頂一日！

鹹蛋黃

佛課有講所謂的 "觀想"，要觀想日落那個鹹蛋黃，默想之後開眼也要看得見！。。。今日跑步，瞥見這個鹹蛋黃，心一怔一靜，再拍下這個境況！

但願觀想，默念，讓我得到開示，得到解脫！

無印。口味

入場睇戲前，見仲有時間於是行 MUJI！

我終於捨得買無印的絲巾，因為它要 $295，之前見過好多次，摸過好多次（手感確實柔軟可愛）都唔捨得，今次為了逗自己開心，還可以即席在戲院披上，所以就買下！本來心儀粉藍色，但見紫色（Lavender）好靚，再見到呢條淡紫色（佢寫作 Light Lilac，查字典，是丁香／淡紫色），我心大心細，最後左手紫色右手淡紫色，非常傷腦筋！見後面剛巧有全身鏡，我又老實不客氣左拼右拼，結果就帶了條淡紫色回家！在戲院內披著，好軟好暖！

另外，我還要了一包花生朱古力！平時只會在無印買柑橘蜜糖糖，棉花糖，這種朱古力，是他介紹我的！因為他，這朱古力彷彿成了我的至愛！它不規則的切割，大大粒真味花生，朱古力濃而不膩。。。嗯，記得之前套電視劇，Aime本來唔食榴槤，但因為煎 pan 而改變口味，戲中 VO 說，當口味因為一個人改變，是加入了愛。是愛一個人，口味因他而變。。。so sad，but true！

 我腦內有他的回憶，很難挪移開去，每天的掛念與痛苦是自找！加上所有的忽冷忽熱，每天都要對住，每天我都在賭注是冷還是熱，心交戰，強裝沒事，受他的點點而情緒波動實在辛苦！。。。縱使我積極地找什麼來做，找什麼來看，找什麼來充斥時間。。。

企鵝戀人

這兩支 shampoo and conditioner，一黑一白，驟看挺像一雙企鵝戀人！

乖乖生長

第 3 堂有機班，通菜和櫻桃蘿蔔都生長得好好，薄荷彎下還以為又要補種，見它的根好端端的，於是把泥傍一傍，希望它好好成長！至於Ｄ紅莧，都係保護色之故，要細心看才見它們偷偷生長！

行街

較左鬧鐘起身，諗住番公司！

到公司樓下見有人  set 晒架步似整 LIFT，於是問個職員，佢問我上幾多樓，我說了以後佢就睇手頭上張 list，見到只有 18 和 21 樓有 MARK 低有人番，其餘沒有！再看看，見到我公司的單位，特別用原子筆寫：如有人番要打俾負責人….下？！駛唔駛咁呀，咩事先？！不得已，我離開！

 

反正黎到觀塘，所以行 APM，行 TWIST 行 IT，之後落 TST，行 ADIDAS，行加老威，行DMOP 和免稅店。。。記得Ｎ年前，我總會獨個兒行太陽廣場的免稅店，我會聞香水，咁多年始終對 KENZO 那彎彎長瘦身樽設計吸引，對它的味道情有獨鐘（可是我知聞就香，用在我身上就不合襯），一切一切回憶又湧上心頭。

 

行至腳倦就回家，途經 1881，被裡面的紫色玫瑰 DISPLAY 吸引，入去影左張相就離去！紫玫瑰那端等著拍照的人多得肩碰肩，對比起隔離的金像獎女神像簡直天壤之別，有點悲！

 

*PS：在尖沙咀某報紙檔終於買到這本香港金像獎特刊！它有男，女候選主角雙封面，我要了本男的！

好睇唔好食

晚餐有呢個鴛鴦焗，好，就放肆一下！

通常Ｄ焗飯都屬好睇唔好食！呢個鴛鴦飯，芝士味欠奉，今次又被 freak！整體黎講，紅汁比白汁好味！然而，紅汁拼豬扒又係一貫的合拍組合；白汁配炸魚柳，件魚柳粉好厚，魚有點腥，吃不下！

流汗，是為了忘記！

難得等到一個放晴的 weekend，拿拿臨換衫著鞋跑步去！心入面充斥著很多不快，我知道跑步未能消走得到，不過，流汗總比流淚好。。。今次只跑了５公里，流汗，是為了忘記！

最美麗的第七天

第二堂有機耕種班，一星期了，唔知Ｄ菜點呢？

去到大廈，壞 lift，得一部貨 lift 只去到十樓，於是行了５層樓上天台，見到一星期前種的植物，通菜和櫻桃蘿蔔都發了芽，薄荷葉死了！至於Ｄ紅莧菜，初時見唔到，以為３分之２的紅莧都死晒，後來發現佢地都有發芽，只是Ｄ芽太幼小，保護色太似泥所以見唔到！原來佢地都在努力生長！上了理論再補種Ｄ櫻桃蘿蔔，換了兩株薄荷葉，影埋相紀錄就走了！因我要趕去上佛課！

上完佛，心情未有好轉，應該說一直以來都舒緩唔到，坐巴士回家時禁不住落淚！

櫻桃蘿蔔的心型葉！

通菜發芽了！

換了兩株薄荷葉

補番d莧菜和櫻桃蘿蔔

抗生素王子

星期一不適，放工去睇醫生！開了抗生素，醫生說一定要食晒完，一定要完成成個療程，唔可以見好Ｄ就唔食！嗯，好吧，一日四次。。。

向來唔鐘意飲水，為了食藥不得不飲！吃藥嗎，懶得我唔食野就食藥。。。昨天食第３次，佢見狀即話我唔食野就食藥，又說我朝早又唔食早餐！（係，佢原來知的）。。。猜情尋－－大家都在壓抑，大家都唔說穿，倒也是，沒結果是既知的事實，還可以什麼？還強求什麼？真，假？！重要嗎！。。。

今早我甫出 apm 他特地打來叫我買早餐，順便替他買奶茶！要食早餐因為我要食藥。。。雖然你沒問我什麼病？為什麼睇醫生。。。一切一切重要嗎？（如果是慢慢淡化，我還可以接受，但請不要忽冷忽熱，這２個月，大起大落，我實在受夠！。。。）

除了第一（早餐）及第二次（lunch）食藥都是飽肚，餘下２次根本又是空腹。可能因為咁，個人怔怔呆呆，加上生理期，成個人好倦又冇胃口！不過，抗生素是清走身體細菌，抗炎，這幾天我面色沒那麼暗黃，是通透的白（靚滑過敷 mask），下巴的暗瘡也好像褪了淡了，也算是個得著吧！

黃＋紫的抗生素，是＂王子＂的藥，很美，它就是我的王子了！

証人

青棗、pizza 薯片、紅棗，見証了我這三天的情緒起伏！（第一次食這綠色生果，冇味而爽，同事說它有補血作用。然而，生食紅棗我都係第一次咁食法... ...謝謝你，愛你憎你！）

有機耕種

有機耕種班首日上課，先介紹自己再聽一些 theory，然後落手進行實踐！親愛的紅莧菜，通菜，櫻桃蘿蔔，薄荷，您們要乖乖快高長大啊！

先找找被編好的自己那格田

拿基肥：花生麩１００克＋海藻肥１００克（因家人唔食牛，所以我冇用牛骨粉！）＋熟石灰１湯匙

搗勻基肥，撒在田中

將紅莧菜種子溝點沙，進行＂撒種＂！

將通菜種子和櫻桃蘿蔔種子進行＂行種＂！

右上角種薄荷

澆水便完成！

零食時間

零食時間 @ 759

兒童節

今日係兒童節，lunch 去 99 Factory，早5分鐘出去，因為果度經常爆人，似示威區咁多咁密集！

去到，由樓梯到大門、到 recep 位，出奇地冇人？！真係一反常態！拿了飛仔就直入有檯。我食番一貫的吉列蝦鮮果沙律，鮮艷豐富，就當是慶祝兒童節大餐吧！

別府小食

總愛鬧著玩的你，隔著 partition 接過粒 M&M's 時無啦啦給我的手指貼上一片膠紙。。。那時我只想起彭羚的＂小玩意＂！我不知道自己往後還有沒有呢種機緣，看著中指上的膠紙，心入面始終有點愜意！

晚上陪你買完你要買的東西，去了別府食野！我們的計劃是，唔叫大碟大碗，企圖以多款小食果腹！最後叫了飯團（size 適中，味道和口感像飯焦脆米，沒有任何餡料都不俗），燒豬軟骨（好入味，軟骨與肉的比例恰到好處，個燒汁天是一絕！），吉列蠔（炸漿唔厚唔熱氣，蠔肉又鮮），天婦羅（Ｄ南瓜好鮮甜！），炙三文魚壽司（上層像 BBQ 味而下層好鮮，一片炙三文魚兩種口感）。。。估唔到，我們還點了三文魚頭！（知你鐘意食）

平生第一趟食這樣整法的三文魚，仲要係魚頭，嘩不得了！坦白講，個魚頭層皮好脆，味道唔腥，骨唔多，而且大大根好容易分開出來，這魚頭仲有好多骨膠原，醮了檸檬汁，對於我這個怕魚的人也會主動連皮連肉夾來食！

 原來別府設有鼓勵禮貌運動，但凡每月的星期一，只要在結帳時向侍應說一句：唔該晒！就有減＄５優惠，挺有趣！

黑雨

係咪黑雨，我依然都係腸蛋麵！