Have an Egg-cellent day

本身對蛋黃哥冇乜好感，不過佢真係好鬼紅，便利店換佢，老麥又係佢，仲有一句食字口號：Have an Egg-cellent day！唔知外國人明唔明呢種食字文化？

要有 Egg-cellent day，盛惠 $32 (上次同一間麥記，同樣係食早餐，轉凍啡要+$4.5，今次只係+$3 ？…海鮮價乎…) 今早我就試左呢個新嘅早餐 SET：磨菇煙肉炒蛋。

平時食過老麥的煙肉，頗鹹；今次我將全部 4 片煙肉夾在麵包內吃，竟然冇味？！…同時亦覺得，JAM+豬柳漢堡的乾身麵包皮+煙肉，係一D都唔夾，佢都係同豬柳一齊好D！

至於D炒蛋，唉，中伏！質素每況愈下…已俾左好多次機會了…以前食老麥嘅早晨全餐，重點係炒嫩蛋同薯餅…而家D炒蛋係死硬的長形，唔嫩亦唔滑，食落去就好似 "前晚夾起的炒蛋明天帶飯，再用微波爐叮後" 果種口感與味道，想像得到了嗎？