大師姐曲奇

食過 Jenny（初次食真係驚為天人，牛油味香濃，個罐又靚！），Jiny（一試真係火都黎！抄都係其次，味道做唔到，眼高手低！口感更欠奉，求其整左就當係，感受唔到製作者個心，有Ｄ那西！。。。我寧願食藍罐曲奇！）罐仔曲奇，今次有幸食大師姐！這名字聽過好耐，食，都係第一次！

先講外盒：佢個盒幾好，唔會＂啜＂實難開，再冚也好輕易！前兩者的罐仔，有時真係＂滑啞＂，冚唔實！

曲奇：整體味道愜意，牛油和蛋味均勻，實在而踏實有水準，沒矯揉造作！餅身厚硬適中，口感很鬆化！分別有：咖啡，奶茶，鴛鴦，杏仁四種味道！一次過試晒再俾評語！

咖啡：有Ｄ失望，因為咖啡味唔太出，有點鬼祟！

奶茶：好地道，好街坊！我鍾意！因為奶茶味的食物都幾難整，難整的意思係，一係就用奶精，一係就有味得黎好假；但大師姐嘅奶茶味就好窩心，食在舌頭味在腦海，食過感覺齒頰留香！（利申，好似誇張了）

鴛鴦：初時以為真係溝埋之後的鴛鴦味，原來係＂半分天下＂果種，即係一塊曲奇一半係淺啡色（奶茶），一半係深啡色（咖啡）；鴛鴦味是什麼？那你就要一口咬正中央，在自己喺口腔內混合感受了！

杏仁：十分驚喜！杏仁味香得黎好出，唔似糖水甜點糕品類那樣，有時太搶口，有時太假似香精油！

總的來說，本人推介奶茶及杏仁味！