佳能密實袋，真係堅！

＂密密實實＂唔一定係廉署口號！我就話用喺佳能密實袋身上，一樣ＫＯ！

是咁的，話說某日早上我買左一個麵包，諗住喺公司食。結果，上午無瑕食，下午又唔食，放工前都冇食，費是留喺公司惹小強，加上星期六日，更加唔駛食，於是我用呢個＂長期放喺手提袋作士啤用＂的密實袋裝起，諗住帶回家 weekend 食左佢！如是者，我將一個喺公司樓下買，本來用黎做早餐嘅麵包帶番屋企。

weekend 過後，星期一冇食，直至星期二回家找鎖匙時方發現這個麵包！拎上手一看，噢，藻綠色一撻撻加上白色點點。。。是霉菌！大鑊！煞有介事的嗅一嗅，咦，冇味嘅？！（我冇勇氣拉開個密實袋拉鍊聞）再聞一下我個手提包，嗯，好彩都冇味！嘩，佳能密實袋真係好堅，真係好密實，密實列連味都透唔到出黎，勁！

＊＊＊ＰＳ：以前發生過同樣情況，不過只係用麵包舖本身個白膠袋，冇用密實袋＂轉裝＂，結果，我成個背囊都係份發左霉嘅蛋治的酸＂叔＂爛臭味！攪到個背囊手洗幾次，再晾吹一星期，之後再放鮮檸檬再吹３日先冇乜味！