蛋治真係好難整得唔好味架喎

十五。齋！本來去某新開茶仔食芝蛋治 (單拼$26，雙拼$28)，可是客似雲來滿座，轉去斜對面的北海道牧場餐廳 (竟然得一檯客而已，相比初登場時，這餐廳爆到等位都有排！)，因有蛋治餐 ($28) 可揀！

等了一會就有得食，厚蛋大大件，有睇頭！...不過得個樣，好睇唔好食！雖然麵包有烘過，也有塗牛油，但點解冇味嘅? 成份三文治，包括麵包，蛋和牛油，好似各有各，完全夾唔埋一樣! 冇味道冇口感，D炒蛋又唔太滑 (這餐廳不是標榜以北海道3.6牛乳炒架咩)，整體感覺乾爭爭冇味的；杯餐飲就如即沖3合1一樣......邊食邊有 "口都WHERE" 的感覺，食完拿拿聲走!

其實，蛋治真係好難整得唔好味架喎......不是嗎?