愛回家，黑松露炒蛋

食齋之故要搵無肉 set！細搵之下就食銀龍呢個黑松露炒蛋多士餐 ($32) ！黑松露聽得多，食都係第一次！

侍應端來後影了張相俾媽媽，她一睇就叫我等埋，佢換衫來 join 我！點解媽媽咁雀躍？全因煲劇效應！--話說佢睇<愛回家>，成日聽見入面個馬壯等人，為爭最後一份黑松露炒蛋早餐而拗氣鬥咀，攪到 "黑松露炒蛋" 在媽媽心目中留下不可磨滅的印象，所以當佢見到我食緊呢個 "神級" 菜式，不得不趕來試試！

黑松露味道有點像好腥+鹹的魚子，夾埋個無味蛋都算夾！多士多d牛油更好！