凍飲加幾錢?

如題，凍飲加幾錢？２蚊？３蚊？。。。

食開茶仔，都知道凍飲加＄２；不過大家樂加＄３；今早買麥當勞早餐，個餐飲要凍咖啡，竟然係加＄４.５！。。。

之前食麥記，我都唔會飲汽水，一係改熱奶茶熱啡，偶爾先會改凍咖啡！（以前老麥的凍啡好好飲，而家稀到冇朋友，啡味大逃亡，嗒唔出！）

如果個餐改熱奶茶咖啡，會加＄１.５至＄２.５不等（其實我都唔知正式係加幾錢？可能。。。係每間分店都唔同吧！利申，有冇人可以講下官方實收幾多錢？）不過萬料都估唔到，凍飲係加＄４.５！咁即係，貴過茶仔不特止，＄４.５買Ｄ冰，咖啡變相少了！聽聞早排外國有單新聞，係有人告星巴克，凍飲冰太多，與其＂招徠口號／廣告＂之飲品安士不符，唔知道，麥記會否關注下呢個問題呢？？？