食肆加二，三

每逢農曆新年果幾日，食肆都會加二，加三......(尖沙咀世華茶餐廳，埋單時赫見總數吾岩，睇單先知原來平時都要收加一？！...下？！茶仔咋喎！而且d野食已是中上價錢！翠華都吾駛加一啦！好貴) 如果想出去食團年 / 開年 / 春茗飯更要預早一個月 BOOK 位，免得冇檯。

年初二晚出去食開年飯，難 BOOK 位之餘，限時交檯已係 "例行公事"，難得搵到一間，只係加一，而且上菜快，個芝士龍蝦伊麵 ($288) 仲好好食添。(我地今次散嗌冇叫 SET 餐，因為計落頗唔抵，而且媽媽有好多野都唔食得...) 話時話，佢有兩個餐牌，一個係 SET 餐，另一個係 "預先 SET 好" 的 "散嗌" 餐牌，通通 $88，$98，OVER $118 一碟，我諗係專 FOR 大家快 D 揀好，廚房只係專門整呢幾樣，唔駛咁多步驟唔駛整咁耐。

另外，今次冇影食物相，因為呢度上菜快趕交檯，大家拿拿臨快手夾快手食；而且食物都幾細碟......尤其係碟脆燒雞！我地叫左半隻，上菜時見到隻髀仲大隻個其餘的所有肉加埋，難道隻雞本身已唔合比例地成長？？？總共叫左 5 樣野，埋單都要成 $900，嘩如果佢加二真係過千蚊！