么鳳芋蝦

仲有兩星期左右就過年，經過上年的經驗，今年一早 "捕定"，見有芋蝦貨上架即買。

講緊嘅係么鳳的芋蝦！

記得上年農曆年前 5 天，一心去么鳳買芋蝦，點知一早就售罄仲話唔再翻貨，想食就 "下年請早"。結果，舊年就買了另一家出品的芋蝦---陳意齋 (呢間都有好多人讚)。百幾蚊一包，但佢 D 芋蝦硬如石頭，而且味道死鹹，食一舊翌日便生飛滋兼喉嚨痛......所以今年，一定一定要捕定么鳳。

今天見到有，就買了一盒回家！么鳳的芋蝦 ($88) 係由一個紙封套包著一個可放入微波爐的透明盒，裡面載有 8 個芋蝦。SIZE 大細適中，好脆口鬆化，味道帶少許南乳味，媽媽已敲定，下星期再入貨過年。

***PS：前天媽媽再去么鳳，吾知係咪臨近新年，所以出左「新春版」芋蝦（$128一包），同樣係一包8個（不過就咁以膠袋、膠托裝住。冇左個入得微波爐嘅盒）。「新春版」芋蝦每條芋絲粗d，但比普通版薄d，而且南乳味欠奉......我和家人一致認為，普通版（$88）比較好食，囗感實在、充實，充滿南乳及芋香，剩係多個微波爐盒就夠抵啦！

    普通版（$88一包）

   新春版（$128一包）