麥提莎沖劑

在團購見過，但自取地點好旮旯...擱置！某天在灣仔的優品 360 見到，有麥提莎味 (膠樽裝)，及白麥提莎味 (袋裝，像補充裝那樣)，於是買了一樽原味 ($22) 試試。

買佢除左想試下麥提莎飲品似唔似圓粒的麥提莎，抑或似阿華田美祿之外，個膠樽可以用黎當筆插；同埋，貪佢即畢沖水就飲得，唔駛加糖加奶咁麻煩。

今晚終於開齋，照樽上提議，先畢 3 茶匙入杯，再加熱水攪勻就飲得！味道挺像圓粒麥提莎，佢又唔太甜，媽媽試了一小匙之後，即急不及待拿杯子又沖一杯嘆！唔，下次試埋佢個白麥提莎味先！