MOS 仔，你呃人！

喺面書度睇到雜誌報導，話 MOS Burger 為慶祝 11 周年，於 18/10 至 21/10 一連四天，吉列八爪魚漢堡只賣 $13，睇片都已經流口水！之前我只係食過佢嘅黑醋雞包，如今有八爪魚堡，真係岩晒我呢個 "魷魚控"，嘻嘻！星期四就速速動身去食。

Tea Time 唔太多人，都算唔駛排隊唔駛等，同埋易搵位。我要左一個吉列八爪魚漢堡 (一心黎食就係為左佢)，另外加 $20 配餐，包括：熱咖啡，同埋炸南瓜薯餅。俾完錢拎住個號碼牌就埋位，坐住等食！約   5   分鐘左右，職員就將個餐捧來了，開餐！

拎上手個包係微暖嘅，而包裝紙就有官方貼紙封住，幾衛生。打開一睇，咦，咁少椰菜絲嘅？(雖不至於雜誌入面條 PROMO VIDEO 成座山咁高…但都未至於少到一茶匙左右呱！……)除左椰菜絲失蹤，連VIDEO 入面提到嘅”南蠻燒汁”都失蹤左囉！我手中呢個包，丁點啡色醬 (南蠻燒汁) 都冇，極其量只有少許，係真係少許白色醬 (沙律醬) 囉，伏味勁濃！……至於內餡主角：塊吉列八爪魚漢堡，外皮幾暗色加 ”火農”，而且同內餡的食材”甩離”嘅，睇怕怇都已經炸左一定時間吧！…入面嘅八爪魚粒的確大大粒，而份量不過不失，不過就冇乜味囉…

說好成座山咁高的椰菜絲呢？...

只有丁點沙律醬，說好的啡色南蠻燒汁呢？...

個南瓜餅叫做OK，幫成個餐挽回分數...

PROMO VIDEO 的截圖

話晒，個包減左價都要成 $13 一個，咁樣樣算唔算偷功減料呀？！……唉，成個餐叫做安慰   D嘅，就係個南瓜薯餅，多餡香甜。其實，MOS BURGER 不嬲D包都偏貴，SIZE 比麥記細個，而且要另外加錢先有野飲、先配到一個餐 (今日，我堂食嘅 30 分鐘入面，已親眼見證左有 3 位顧客以為職員收多佢錢；事緣佢地估唔到原來一個包成廿幾蚊咁貴，仲要係散嗌價，要額外加錢先有小食+野飲)；可唔可以做好少少？俾得呢個價錢黎食個包 / 食個餐，客人都想食到性價比嘅食物囉！

我諗，我都係要歇一排先會再食 MOS BURGER……