(*慎入，膽小勿看！！！)
(**注意：相片乃自拍，暗瘡效果核突+驚嚇，膽小者和怕核突者勿看！！！)
由八月中開始至而家，日日生瘡，有D仲要係石頭瘡！出完起膿，爆完謝完有印又再出，成個下巴位置冇忽好肉……慘情！(咁大個女未試過連環 non-stop 爆瘡！青春期時冇！記憶中咁大個人只係 M 前出一兩粒，出完就散，冇乜印痕……)
(先講講，之前已用過茶樹油的暗瘡產品，刺激得黎疼痛又冇效。) 開頭，我搽左一星期俄羅納英，紅腫痛依然，唔大唔細又未見膿頭…咁唔係辦法，上網睇下有冇咩暗瘡膏好嘅，當然想佢係平靚正又岩敏感皮膚用啦！搵下搵下就搵到呢支 Benzac AC 5 克痘靈抗痘啫喱。皮膚科、大學 clinic 都係推介呢隻，有 SIS 話連石頭瘡都岩用！唔駛醫生紙，藥房或萬寧 PLUS 都有得賣 ($52 at Manning)，於是我就買左呢支暗瘡膏。
回家急不及待洗洗面，抹乾就搽啦！(下巴生瘡生到花晒，仲等咩) 白色的膏身，均勻塗於患處，直至透明就 OK。以下照片，就係下巴位置嘅暗瘡+石頭瘡，搽左 12 日的效果！(*注意：相片乃自拍，暗瘡效果核突+驚嚇，膽少者和怕核突者勿看！！！)
呢 12 日裡面，呢支暗瘡膏有“谷熟”暗瘡的作用！如果係石頭瘡的話，就會熟到見膿頭，不再紅紅死死實實一塊咁。-----暗瘡熟左之後有D洗面時佢自己就爆左 (當然要盡量擠清D血和膿，如果唔係一定會再出瘡。)。-----但D瘡爆左之後就瘀紅色，有印。而暗瘡位置 (其實就係下巴位置) 就變得好乾同埋甩皮……此時，我唯有搽蘆薈 gel，希望個下巴唔好再 “爛”
落去！OMG
Day 4 ：日頭與夜晚！
直到第 12 日，舊瘡未清，新瘡又生！…灰爆！！！(大家未夠喉的話，就睇之後果篇 “暗瘡日記 (二)-----下巴新瘡”啦！)
沒有留言:
張貼留言