三個人用四支牙膏？

日常護理用品方面，例如牙膏、洗頭水、沖涼液等。。。唔知同屋企人住嘅你地係點分配架呢？意思即係，有Ｄ人全家用一至兩個漱口盅、一支牙膏、一款沖涼液。有Ｄ人會用番自己喜愛的品牌或味道，所以一家中會有幾款不同的擺住用。而我的家，呢排就有４支牙膏同步緊。。。見無聊，一於黎個４合１點評吧！（由左至右，順序為１至４號。）

１：日本買的，好似＄８４（港幣一支左右）。少許薄荷味，成份加入梳打粉，味道鹹的。因為想Ｄ牙白Ｄ所以買黎試。而家用緊第２支啦，Ｄ牙好似冇乜點白（我依然每日一杯鴛鴦＋烏龍茶，啡黃茶漬冇加深又冇淺過）。

２：日本買的美白牙膏！４支當中佢嘅薄荷味最勁，用左２支唔覺Ｄ牙有白到。。。

３：舒適達！有薄荷味，但唔太勁。由本來冇敏感牙齒的我，而家食凍野時Ｄ大牙會有Ｄ痹。。。點解會咁架？！ＯＭＧ

４：葉綠素牙膏！媽媽在ＡＰＩＴＡ買的，氣味怪怪又不是薄荷味。。。一刷即要立即漱口吐出，頂唔順佢陣味而冇再用。。。

基本上我日頭會用２或３號，晚上就用１號。媽媽用４號。爸爸日頭用２或４號，餐與餐之間會用２號，間唔中會刷下１號。