重陽節假期，4點幾食完野番上樓，剛巧弟弟打完波回來，佢問我等陣有冇野攪？冇就一齊去新都城中心！下新都城？！新地方喎！好！待弟弟沐浴更衣後我地就出發！
自從辭職了後，半年冇搭過「油塘線」啦！至於新都城，第一次去係十年前，我仲做緊TVB果時！果陣時我地成組人夾埋搭的士去食lunch，因為多Ｄ選擇，而且裡面有間A-1麵包＋餐廳（有個同事好鍾意）！而第二去，就係四年前同ex去。那次，又係一次的「不愉快事件」！。。。今日重遊舊地，經過當時「不愉快地點」──pizza hut，心裡不是味兒，感覺很澀，極不好受！
講番新都城中心，共三期，地方大而店舖多，而且很好逛！好逛的原因係品牌眾多：吃喝玩樂、大型小型boutique、精品店、便利店等應有盡有（當然係我地消費得起，岩我地逛呀買呀的品牌）；其次係地方夠寬夠大又設有休憩處，讓人行到倦也可坐下抖抖；第三係三個商場相連、地鐵連接，無懼落雨天、無損購物心情！第四：逛的人多是一家大細、很街坊、很親民，既冇高檔、白鴿眼，也因為沒有太多年青人同你搶衫搶碼，或大手「入貨」，唔怕冇碼冇貨，所以「購得心頭好」的比率比去銅鑼灣去尖沙咀為高！哈，真好！
今次出門，弟弟固然有收鑊，他買了一件褸（可番工可去街，價錢由二千幾減到$780，勁抵！）、一件tee、兩件恤衫！（都係減至低過半價，抵！）他還笑說：「哈，唔知點解，同你出親街我都買到野！」（梗係啦，我會幫你拎野幫你搵碼，陪你試身、比意見和配搭）唔止佢，我都有收鑊呀！（平時我十次出街九次都唔會買野，就算買嘅都係買俾家人！）我買了一件黑色zip up有帽hoodies，舊果件都著左六、七年啦，由本來的純黑色洗到變了碳灰色！（某品牌，半價再減，盛惠$120，好抵呀！）另外，我仲買左本鬆弛熊2012 schedule，以及一支黑色＋鉛芯筆！（共$45，比出面嘅平，又係用得著而又好抵呀！－－我呢個「格價王」本色又出現啦！哈！）
沒有留言:
張貼留言