話說媽媽之前曾喺會展那間專門售賣本地創作、設計產品的店舖看到個紫色、綠色冇耳的杯子，很想買來當漱口杯用，可是給爸爸制止，她不得要領，連日來對那些杯子念念不忘，還打電話到杯子所屬品牌的公司──香港某老字號的膠製品公司查詢。那公司著她上網看，選岩之後便在網上購物（他說他們沒有地舖、沒有陳列室、沒有分銷商！），但購物前必先做會員（會員有９折優惠），還說購物不夠$300，客人係要親自去佢地新蒲岡總公司取貨！昨天，我打開那公司的網站給媽媽查看及揀選，揀選了後，我準備先做會員，再進行網上購物。如此，憤怒事件發生了！
憤怒原因：
１）硬掘地要人做會員！因為佢地只設網上銷售，冇地舖冇分銷點！如不做會員便不能購物！（有很多媽媽級、長者都唔識用電腦的！就算家人可開給佢地睇，實在很難和花挺長的時間俾佢地逐頁逐頁睇、逐個產品介紹和spec逐頁click開。。。）
２）由於媽媽只打算買三數隻杯子，怎計也不會夠$300！換句話說，即係點我地都要去新蒲岡自取！
３）做會員唔緊要，呢間老字號未免有點不實和欺騙成分！點解我咁講？事緣係咁嘅：
當我完成＂成為會員＂程序，收到佢地＂確認＂的email！再由那個＂確認＂email link去activate我個account，再進行登入。。。我輸入了資料，可是＂帳戶或號碼不存在，請重新輸入＂的視窗即彈出！我重覆試了十多廿次，結果都係一樣！於是我用＂非會員＂的身份登入購物，由登入至選購至查看購物車及結帳的過程卻非常暢順和順利！。。。好明顯，＂會員＂係無法進行購物（你只會俾晒你Ｄ個人資料、地址那公司），＂非會員＂則可順利購物，但沒有折扣優惠享用（checkout前，更冇問你是否＂已成為會員＂！）。。。如此這個＂購物網＂，由設定至銷售方式都唔太老實！除有欺騙顧客成分、捏取客人資料之嫌，成個購物過程嘅programme都唔係從顧客／落order方面為出發點，沒有以＂用者＂身份去test去run呢個購物程式！
哈哈！因為佢夠"老"，所以待客方式都係維持"老土"階段！
回覆刪除