叮蟲蟲，蟲蟲 DIE！(@ YAMAZAKI 熱香餅)

媽媽知我鍾意食熱香餅，喺日式麵包店 YAMAZAKI 見到有呢款 PACK 裝，就買左一包俾我食！(唔記得係 $16 定係 $17 一包)

當晚 (11月12日)，我喜孜孜整黎當宵夜！打開包裝，有 4 件熱香餅，一包糖漿同埋一盒 ANCHOR 牛油，睇黎呢個 PACK 裝真係好體貼啊！

我先將熱香餅轉碟放入微波爐叮熱，之後就準備開餐！相機食先後準備搽牛油時，見有一塊熱香餅個邊位有D黑色野，一睇，原來係昆蟲？！......下，密封包裝架喎！係咪轉落碟時，又或者喺放入微波爐時，咁岩有隻昆蟲走左入去一齊叮？我一頭霧水，於是睇番D相；隻昆蟲喺包裝袋取出轉碟時已有架喎......即係製作公司生產時嘅問題啦！媽媽說要翌日拎去 YAMAZAKI 問，我說問店舖職員又點，佢地都唔知架！隔左一晚，佢地都可以話係我地加隻昆蟲落去唧...口同鼻拗！觀乎隻昆蟲長手長腳，又冇翼，似金絲貓多過小強和黑蟻！叮完都咁立體，哼！

眼見媽媽樣子有D唔開心，所以我決定照食！先將 "被昆蟲佔據過" 果塊熱香餅丟去，餘下三塊我就搽牛油和落糖漿！味道和質感，同一般熱香餅無異，不過之後就算想食，我地都唔會再喺 YAMAZAKI 買啦！