話說我連續兩個星期三都到室內場打壁球，先是上星期三把一個波打到右上角的頂燈上；然而我不知那裡來的「神力」，昨天再來個漂亮「上燈」……噢，同樣係星期三、同樣係一號場、同樣係右上角第一盞頂燈……
手頭上三個壁球已打了兩個上去，難保下次再戲碼重演，豈不是全部壁球報銷？！我不依啊。於是我決定硬著頭皮，到櫃台問職員，總之就是借梯也好借長棍也好，務必要把燈架上兩個怕得發抖的壁球s「拯救」下來。
(櫃台前)
我：(戰戰兢兢) 唔好意思呀，我打左兩個波上去燈架上面，唔知有冇工具可以借俾我，等我執番佢地落黎呢？…
職員：(邊搖頭邊問) 咩波呀？(*後揭職員搖頭原來係指唔駛我自己執，而唔係不耐煩反應。)
我：(一窒) 壁球！
職員：幾多點架？(*壁球除顏色外，也是以「點」來分別它的回彈度！標準比賽用的，就是雙黃點球；而我那種藍球則是初學者用的快速球。當然它們的價錢也有分別！)
我：…冇點架！就咁藍色，兩個都係！
說罷職員以鑰匙打開後方敞櫃，取出一紙盒，紙盒裡面有各式的壁球，當中又以黑色單黃點及雙黃點球居多。但見職員像揀甜橙的熟練手勢，三爬兩撥的挑了兩個藍色壁球遞向我。
我接過後一望，咦，這兩個比我本身的新淨，其中一個更像簇新的！
我：嗯，我果兩個好污糟架…
職員：(揚揚手) 得啦！
我謝過職員，珍而重之的捏著兩只球。時，腦入面突然想到《三把斧頭》的童話故事。
沒有留言:
張貼留言