缽仔糕 @ 油塘街市

油塘街市入面呢檔 (冇睇到叫咩名)，有多款街頭小食，以及鹹甜唐餅糕點，而且價錢相宜；單單係缽仔糕，就分膠兜款和瓦碗蒸款；我當然鍾意後者啦！

不論口感和質地都唔同，一食就合龍與鳳！向店員講要邊種同埋要幾多之後，佢就會用竹籤從個瓦碗 "了" 個缽仔糕出黎，再以膠紙鋪上再入袋。而家好少地方可以搵到自家蒸製，又多豆又便宜嘅缽仔糕了！(通常都係人地交來，或者工場大量整好再入膠兜)

另外，呢檔 D 腸粉都不俗，熱辣辣又滑捋捋，$10 六條，醬料自選又夠多， 屬性價比之選！