睇骨科

睇過中醫、西醫…條頸仍然痛……一直都冇照X光，唔知究竟咩事、邊度出現問題。已屆兩星期了，於是，呢D錢唔慳得；病向 “淺”/ “錢” 中醫，都應該要睇專科了！

找到一個骨科，BOOK了新症去睇，睇醫生那天，天下著滂沱大雨。

睇完，也照了X光 (原來我的頸椎是直的，正常人應該是微彎的)，還即時做了一次物理治療 (包括：超聲波，干擾波電療，以及冰治療)，拎完藥就回家。當然，睇專科梗係貴啦！……是日睇骨醫，診金總共係 $2050……

一星期內做了三次物理治療，每次 $500，已用了 $1500……(暫時來說，計埋之前2星期的中醫西醫醫療費，已用了 $5700……還未計交通費及買麵包送藥的錢……唉！該死唔該病……灰爆！)

下星期一要覆診了，唉，又將會係 4 位數字的醫療費…莫說失業，其實就算有工做有糧出，負擔真係好吃力……真係唔駛食咩？！窮人真係唔好學人病！