將來？未卜……

每次做完物理治療，我都覺得好灰、好難受……因為每做一次都係錢，而且好似冇乜起色，由本來左邊肩頸和背椎痛，如今連帶右邊都痛埋一份！腰骨、坐骨亦因太受力都開始見痛…今天自起床後，左手左腳一直痹痛，左手手指還不自控的跳動，跳左成日……究竟，係咩事呢？

每次做完物理治療下樓後，我就會行去天星碼頭果邊，因為想散散心！

真係好似拍戲咁，個心好擔心、覺得好似冇將來咁…望住個天望住個海，邊哭邊嘆氣…我既擔心工作問題、擔心前途問題、擔心經濟問題……(但，我要講番的是，我好清楚當日點解要辭職，絕不是衝動或鬥氣；而是忍無可忍、過了幾條底線、已去到工作導致抑鬱番發，每天不自控的落淚、LUNCH拎埋刀子落樓、行至天橋想一躍而下、在地鐵月台灰到想跳下…不停自殘至手瘀手傷…我自知再唔辭職一定死路一條！同時，我也自知辭職後可能好耐都未搵到工，或者係由一個地獄去另一個地獄…)

撒馬利亞會真係幫到我嗎？抑或社會福利署？定係政府？......其實，冇人幫到我。