少到離題！呢個炒麵餐不如海皇的雙拼...

食連鎖快餐食到口寡寡，冇選擇下揀左呢個雞翼炒麵餐，連野飲 $26。

心知雞翼固然好油，但都不及個炒麵油，佢炒到好濕，油到滑來滑去的......份量方面仲谷氣，頂多係一注咁多，呢堆麵比家信氏香皂大小小！撇除蔥和銀芽，真係少得可憐......但佢近排先加左價咋喎......

記得之前媽媽黎食，(她因為好多野唔食得，唯一可揀的，就只有呢個雞翼炒麵餐...) 見到咁少炒麵，佢問過職員！個職員 (包括之後加口的經理級職員) 答佢："我地限定左 0.7 g 架，係咁多啦！" ......如果係咁，真係去海皇食好過，至少海皇 D 炒麵乾身 D，入味 D，冇咁多 "搭頭搭尾"，份量多 D，同埋叫個炒麵雙拼炸兩只係 $19。