散買仲平仲抵 @ 麥記

之前睇過某雜誌講過，原來某 D 食品散叫仲抵 (當時記者實測，細薯條份量仲比中薯條為多，而且仲平 D)，份量仲多！等我試試先~

就以魚柳包的搭配為例，一個魚柳包開心樂園餐要 $26，正常魚柳包餐要 $32；我散叫一個魚柳包 ($11) + 細可樂 ($5) + 細薯條 ($6)，TOTAL 只係 $22！！！反正我又唔要個玩具，正常餐個薯條又畢得少 (我都食唔晒，太浪費)，套餐的中汽水又只係冰多過乜......如今散叫平左之餘，個細薯份量分分鐘比餐薯個中薯條仲多 D 添！咁樣食，真係仲抵喎~

入滿了的細薯條！