有咩好枕頭推介？

因為失眠多時問題已十分困擾，間唔中加上肩頸背痛真係好煩！好似呢幾日咁，左邊肩頸痛苦難當，用了 OSIM 的 UCOZY 減輕了一成痛楚 (因佢個位唔係咁對應頸部及肩胛骨)。我知道痛楚成因主要係源自枕頭，唉......枕頭問題已困擾我年幾了......(買左冇得換，唔岩瞓時夾硬瞓又唔係，買過個新又唔係，煩！)

之前說過買了日本西川枕頭 (內餡係飲管那個)，忍了兩個月頂唔順，再買了個 COTTEX 薰衣草枕頭 (*見之前的帖文：http://getalife612.blogspot.hk/search?q=%E8%96%B0%E8%A1%A3%E8%8D%89%E6%9E%95%E9%A0%AD)，它薰衣草味不夠 (嚴格來說係冇乜，要個鼻盡貼枕頭索先至聞到少少...) 都唔緊要，如果瞓得好話之佢有冇味...點知佢個形又係唔好瞓的---頂住頸骨，LONG 起左頭顱......未幾，姐姐買了個雅芳婷的 DOWN PILLOW 俾我 (價錢都幾貴下)，今天都頂唔順了....

個雅芳婷 DOWN PILLOW  真空入袋，取出使用時係好脹身，但話晒係羽絨餡......當你瞓上去之後果個位置就成晚被壓得扁扁，唔會自己脹番 (因睡時你個頭在枕頭上)，變相好似枕住塊毛巾一樣，又薄又扁......頭頸好倦，加上我身體放鬆唔到，成個人 LOCK 著，唔可以放鬆躺下；再加埋失眠......不得已，我索性將羽絨贅埋一邊，然後打結，好讓 D 內餡谷埋一起，KEEP 住脹脹的。但打結後枕頭形狀已不是長形，好難枕下...日子耐左，我而家就肩頸勁痛了。

內餡只充滿三分二個枕頭！

將之打結，務求使內餡谷埋一邊，成滿脹樣子！

打結後，比起一般枕頭，佢個形怪＋細！

而家都唔知點好，姐姐又不時問個枕頭好唔好瞓......至今我仍然失失失眠......