口健樂飛滋膏

爸爸下唇右邊生了三粒大飛滋，見佢講野唔得 (食野更加困難)，又合唔埋口......我以前用過一支淺綠+白色盒裝的飛滋膏好駛得，可是搵了好多區的藥房都搵唔到黎買，咁岩睇到電視廣告，於是喺萬寧買左廣告果支俾爸爸搽。

呢支口健樂 ($29.9) 細細盒，打開原來不是牙膏裝，而是好似藥丸般大小的鍚紙包封著。紅色的藥膏有點嚇人，不過唔理咁多，如果好嘅話，話之佢係咩色啦！

用它附上的棉花棒搽喺飛滋上，好快就變成米漿色的保護膜 (我覺得無論色澤和形狀，都似煲白合海底椰湯，D 白合甩離後那樣子)，一分鐘後用水漱口。漱口後乃至之後一天，飛滋位置都是 "白合片" 那樣，約 4、5 天後，飛滋就好了。問爸爸痛吾痛、乸吾乸？他說搽時乸乸地，被封住（即我說的「白合」狀態時）就 feel 到飛滋及周邊內唇肉化腫起左！（我和媽媽見到腫左情況都幾明顯！）頭一、兩日都覺得痛！（並不是包裝上寫的痛楚 5 秒即止！）

**由搽藥膏至 "白合" 狀態我都忘了影相 (冇理由飛滋都要 "手機食先" 嘛......)，未能 SHOW 俾大家睇。