寶琳新都城中心半日遊

SANRIO 企鵝 TUXEDOSAM 首次出床單，仲要係 918 針，仲要淨係星期六做特價 (一日咁多)，知媽媽想買，於是我就請纓，一早去買 (人地十點開始營業) 。

9 點半出門口，去到十點鬆 D，一出地鐵就直奔商場，再幾個箭步走入家品部的寢室用品攤子。嘩，只係 10:10AM 已有過十名太太圍在 COUNTER......我也不敢怠慢，好在我預先影低床笠尺寸，對好 SIZE 就取過一包擁在懷中，再直去 CASHIER 付款。聽媽媽說針數越大質地越細滑越輕軟，洗完晾曬比一般質地更快乾。如今仲要係呀 Sam 款添，千金難買心頭好，這 SAM SAM 床單就當作母親節禮物吧！

買完即刻影相傳給媽媽，再去搵食！(我跟自己說，特登出來就唔好食老麥 / 大家樂 / 美心 / 大快活 / KFC) 見到太興的早餐，一個餐蛋麵成 $34......再行下睇下，見到翠華，多款選擇份量也多 + 用無公害雞蛋，成個早餐 SET 也只係多太興一蚊，好，我就揀翠華！

第一次食翠華的早餐，個沙爹牛麵好入味，D 麵又夠熟，牛肉好 "林"。炒蛋好滑也足料，唔會好似某連鎖店咁得兩匙，又唔會好似老麥咁有蛋殼！個奶油豬冇羶味 (大家樂果 D 羶到食唔到)。杯鴛鴦都好 OK！講真，而家連鎖快餐店一個早餐，平如腸蛋 + 多士半塊 + 餐飲都要 $27；如果扒類 + 煎蛋 + 餐蛋至少 $32 至 $37......如今翠華呢個，$35 有齊大碗麵 + 炒蛋 + 包包 + 餐飲，算抵了！(夠晒飽，食完之後，我夜晚 9 點先再食下一餐)

食完後再到隔離戲院睇 <拆彈專家>，2 小時好緊湊，有笑有淚有感動位，超好睇！

如是者，又買又食又睇戲，一次過都喺新都城中心攪掂晒！