iCREMERiA Dolce Giapponese 蜜瓜雪糕

見過雜誌介紹，見過 FB PO 相，知道黎左香港 (其實好一段日子)，我一直想試... ... 不過佢實在太貴啦... ...

星期六突如其來的提議，晚上接近 10 點毅然從灣仔競步似的急行去銅鑼灣，趕緊在 SOGO 關門前去食！

到達 SOGO 直奔地庫 iCREMERiA 店前，姐姐指著餐牌說要一個這蜜瓜雪糕。店員問我們要什麼味道的雪糕？ (有 3 款可選：云呢拿，抹茶，云+抹) 我倆覺得抹茶太濃太搶d蜜瓜，而云呢拿與蜜瓜比較夾，於是要了云呢拿味。

等了一會有得食了 (相機一定要食先)，先用匙羹畢+刮起蜜瓜肉，再畢下雪糕就送入口！嘩，D雪糕好滑，牛奶味好香；個蜜瓜好鮮甜 (見隔離超市貨架上一個天線蜜瓜要成 $400 起)......我們不停的畢呀畢，未幾上面的雪糕已塌下 (佢又未溶喎，因為雪糕有成 4 圈，內容太 "充實" 了。)

不用 15 分鐘已 KO 蜜瓜仔了，而 SOGO 差唔多關門了。