蘭芳園蔥油雞扒撈丁

好耐都冇食過蘭芳園的蔥油雞扒撈丁了，知佢喺上環信德開左分店 (其實人地開左好耐啦)，地鐵一程就到，一於去食！

之前喺中環本店食過，雖然坐得唔太舒服，而且下午4點左右就賣晒，不過可能果時出 CREW 經過搵食，成3點半先食 lunch，太肚餓之故覺得特別美味。而家喺新店，地方闊落左，侍應人手多左，又有冷氣... ...不過味道大不如前... ...

雞扒太乾身太老，蔥油份量唔太夠而且得陣油味冇蔥香...D麵未完全熟，有一邊甚至仲食呈 "麵餅" 狀態... ...不過配菜份量OK，杯鴛鴦稀左D囉... ...連埋飲野，$52 都幾貴！一次夠了！