慈山寺

知道李嘉誠用十幾億起左間寺，又知道大埔有一個十幾米高觀音像的寺，但就正正唔知道原來兩者就係同一個地方！

一直想去，網上一個月前預約，上星期六終於一嘗心願去到了。(唔預約係入唔到的)

預約了 2:15 那段時間，12:30 坐地鐵去大埔墟站，再轉乘的士上去。(也可以在大埔墟站坐小巴，落車後行 20 分鐘左右) 去到門口先出示預約的電郵，然後會給你一個 "參學" 証掛上。

裡面環境清幽，像橫掂的古裝景，之前成個星期都下雨，當日天氣放晴。

參觀過各殿閣之後，偌大而慈悲美麗的觀音像即見，扚了勺水許願，參拜了後到了藏經閣抄經，抄完有義工蓋印，捲起貼上貼紙給人帶回家。本想去齋堂食點東西 (上網見到那禿竟有拉花咖啡及蛋糕)，可是當日有活動而謝絕入內。逗留了三小時，用自備水壺裝了水給家人便行出去路口坐車回大埔墟。

難得的好天氣，美麗的蓮花池，慈悲憫人的觀音娘娘，寧靜幽恬的感覺，彷彿天上人間。