運動 VS 病

病了！本來唔想食藥，但佢叫到就食啦，因為西藥好散，食完基本上成個人散晒，精神集中唔到，做唔到野！。。。今日老闆又喺度！（我都知道，睇左醫生唔食藥等於冇睇！咁要番工又點食藥呢？病－睇醫生－食藥－休息，永遠充滿著矛盾！）

食完早餐食第一次藥，食完成個人好 wing，好似俾人打左懵仔針咁，呆呆滯滯。之後同老闆開會，精神約有 40%，尚可以支持。。。lunch 後食第二次藥，又係好 wing，好似大笨象俾人打左麻醉針咁，少少力都用唔到，成個人簡直係 low battery 到自動關機咁，我冇法做野，就算用 mouse 上上落落，開 window 也好，都遲鈍。。。期間有中眼瞓又紮醒（分分秒秒只係用意志力支持著）！我感冒，鼻塞，耳仔塞，骨痛，著左外套都間歇地打冷顫，有點反胃！

好容易才等到６點，執好Ｄ野再關機就走人，因為我實在支持唔到！同事問我點解唔請 sick leave，點解唔下午走人？政府宣傳片又話＂有病就唔好番工＂！唉，打工仔，話請就請，就算唔舒服都要頂！加上我諗番起８月頭果次病，請了 sick leave，老闆狂打俾我叫我番公司。。。試問我又點敢請呢？！

人地話運動多身體好！我發覺呢個理論唔適合我。因為呢段時間係我人生之中做得最多，做得最有規律運動的時刻，又食多左菜飲多左鮮果汁。但這一年，我幾乎一個月病一次！身體唔見得強壯左，精神唔見得好左。。。